Libitiku 11:39 - Hanunuu

³⁹ Nu namatay yi ti usa ka hayup pagkan-un, una si unu ti makaigpil kilalan-un siya mayagting tugka sa mag-isalup ti init.

Libitiku 11:39 Iomraidhean Croise

Isikil 4:14

Dapat magkun aku, “Panginuun Diyus, unman gid niku inuringan kang sadili ginan sa kang anak waya aku tugka kainda. Unman gid aku nakakaun hayup namatay ngatay minatay iba hayup. Unman diman aku nakakaun hayup pagbaliwun mauring.”

Libitiku 11:24

Danga niyu pag-igpili ti bilug namatay hayup balaw buka kay kuku hanggan unman mag-uman magtalta kanda kinaun. Danga diman niyu pag-igpili ti namatay pag manga bilug hayup upat kay lulud may manga kuku pan-garus. Kilalan-un niyu mayagting tunda pag manga hayup. Una si unu ti makaigpil sa namatay bilug hayup, kailangan pipian niya kay rutay, dapat mauring waya siya tugka sa mag-isalup init.

Libitiku 11:38

dapat nu mahuruman sa danum pag binhi mayagting yi tunda.

Libitiku 11:40

Una si unu ti bum-ul ngatay kumaun sa tunda pag bilug hayup kailangan pipian niya kay rutay, dapat baliwun siya mayagting tugka sa mag-isalup init.

Libitiku 14:46

Una si unu ti sumaka siyun pag balay tinalakpan yi, iminsan diman sa mauring tugka sa yabi.

Libitiku 15:5

Ag una si unu ti makaigpil sa kanya ngatay sa kay nag-igyaan una sa kay nagtukawan, kailangan pipian niya kay rutay ag pagparigus, dapat ibilang di siya sa mauring tugka sa misalup ti init.

Libitiku 16:26

Ti piniyaran pag tawu para sa pagpalpas kambing para sa kan Asasil kailangan pipian niya kay rutay ag marigus bag-u siya bumalik sa kampu.

Libitiku 17:15

Una si unu sa kanyu, Israilita man ngatay manga day-uhan mag-ulian kaibahan niyu ti kumaun sa hayup namatay ngatay minatay lang niya kaparihu hayup, kailangan pipian niya kay rutay ag marigus, dapat ibilang diman siya sa mauring tugka sa misalup ti init.

Libitiku 22:4

Unman may una si unu sa kanyu ti mahimu makakaun handug nu may imaw siya dilikadu pag sakit sa lukub, ngatay may amumutul dahil sa kay sakit, ngatay naigpilan niya ti bagay mayagting dahil nid-ut inda sa namatay, ngatay linuwangan siya kinatawu, aw ngatay nakaigpil siya sa hayup ngatay sa tawu pagkilalan-un mauring. Mahimu lang siya makakaun manga handug nu siya nakaparigus yi, dapat umalagad siya tugka sa misalup ti init bag-u di makakaun siya sa manga handug imaw kay karan-unun bilang manughandug.

Libitiku 22:8

Balaw kamu mahimu makakaun una hintay pag taguban hayup namatay aw ngatay minatay manga iba hayup, dahil nu buwatun niyu inda kilalan-un gid kamu mauring. Aku ti Panginuun.

Bilang 19:11

“Una si unu ti mid-ut sa bangkay kilalan-un mayagting sa sulud pitu ka sirang.

Bilang 19:16

“Kilalan-un diman mayagting sa sulud pitu ka sirang una si unu ti asan sa luwas kampu ti nakahiyaput sa bangkay minatay ngatay namatay lang sa kapaladun pag karamatayun. Katida diman sa nakahiyaput sa but-ul tawu ngatay nid-ut sa kalubngan.

Bilang 19:7

Bag-u kailangan pipian ni Iliyasar kay rutay ag marigus sa malumpiyu kay sadili. Bag-u di sumulud siya sa kampu, dapat kabilang waya siya sa mayagting tugka sa maghugut marukirum.