Libitiku 11:13 - Hanunuu

^13-19 Danga gid niyu pagkan-a ti manga hayup maglayang parihu sa manga agila, manga uwak, manga manuk magkaun sa bangkay tawu ngatay hayup, manga buyaw, manga bukaw, manga andurugmun, manga manuk manga magdagit sa manga isda, manga talabung, manga tagwak, ag manga banug. Kilalan-un niyu mayagting tunda pag manga hayup.

Libitiku 11:13 Iomraidhean Croise

Hub 28:7

Ti manga lakawan sa mirinahan unman mag-akitan manga uwak ngatay manga lapay,

Hub 38:41

Si unu ti magpakaun sa manga uwak nu magkalun-us sida ag nu kanda manga pispis maghagad karan-unun sa kangku?

Hirimyas 4:13

Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Hirimyas 4:22

Magkun ti Panginuun, “busal ti manga nasakupan niku; unman nida aku magkakilala. Sida manga kurang-kurang pag kalay-awan ag unman makaintindi. Anad sida magbuwat daut, dapat unman madunung magbuwat mayad.”

Hirimyas 48:40

Magkun waya ti Panginuun, “Bantayi niyu! Ti kalaban Muab ga agila maglayang hampay dagitun inda.

Karukuan 4:19

Mas mabisug waya sa manga agila kanmi manga kalaban maglagas sa kanmi. Paglagsun nida kami tugka sa manga bantud. Ag una sa pangawakawaan kami ati diman sida mag-alagad sa pagdugma sa kanmi.

Husyas 8:1

“Uypi kanyu budyung paandam sa kang nasakupan Israil kang ulian, girahun sida kalaban ga agila kay kaliksi. Dahil balaw pinahalgaan nida kang kasunduan sa kanda ag linabag nida kang Kasuguan.

Habakuk 1:8

Kanda manga kabayu mas mabisug waya sa hayup liyupardu ag mas maisug waya sa talun idu maghanap kay karan-unun nu yabi. Magpalagiw inda ginan sa arayu pag manga rugar, ga maglayang agila magsayab sa kay daragitun.

Sakaryas 5:9

Pagkatapus, may nakitan aku duwa ka babayi maglayang mabaskug, may malapad pakpak parihu sa tagwak. Kinabyaw nida ti balulang ag dinara patungud.

Matiyu 24:28

“Nu naan ti may buyuk, ati diman waydi pag magkatigsun ti manga uwak.”

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.