Libitiku 10:6 - Hanunuu

⁶ Bag-u magkun si Muysis sa kan Aarun hanggan sa kay manga anak, sa kan Iliyasar ag sa kan Itamar, “Danga niyu pagbarugaa kanyu buhuk ngatay paggisia kanyu manga rutay sa pagpakakit kuntay kamu magkaruku sa namatay. Nu buwatun niyu tunda, mamatay diman kamu ag magalit ti Panginuun sa buu banwa Israil. Kanyu manga katawuhan Israilita, imaw ti manruku sa kanda duwa inirub Panginuun.

Libitiku 10:6 Iomraidhean Croise

2 Samwil 24:1

Nangisug maan ti Panginuun sa manga taga Israil, nakan inudyukan niya si Dabid kuntay isinsus ti nasakupan Israil ag Huda.

Pag-ighit 6:23

Naasawa ni Aarun si Ilisiba, kay anak ni Aminadab, kay patar-ari ni Nashun. Kanda manga anak lalaki sida ni Nadab, ni Abihu, ni Iliyasar ag ni Itamar.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Libitiku 13:45

Ti tawu may dilikadu pag sakit sa lukub kailangan magsulung gitas pag rutay, barugaun niya kay buhuk, bag-u tabunan niya kay sirung pag bahagi niya uyahun. Bag-u manringgit siya, “Mauring aku! Mauring aku!”

Mikas 1:16

Kanyu pagmahalun pag manga anak bul-un sa kanyu ag darahun sa iba rugar, nakan mangamiraw kamu sa kanda, ag ipakakit niyu kanyu karukuan sa panab-anan pagpakidkid parihu ga ulu uling.”

Bilang 1:53

Dapat ti manga lahi ni Libi kumampu sa sangput Turda Taragbuan nu naan pag maulian ti Kasuguan, hampay balaw aku magalit sa nasakupan Israil. Katungdanan manga Libita ti mag-alaga sa Turda Taragbuan.”

Bilang 14:6

Ginisi ni Huswi anak ni Nun hanggan ni Kalib anak ni Hipuni kanda manga rutay sa karukuan. Inda sida duwa kaibahan sa nagtiid sa daga.

Bilang 16:22

Dapat linmuhud si Muysis hanggan si Aarun ag magkun, “Diyus, ti gimpuunan buhi sa tanan tawu, magalit aw kawu sa buu nasakupan dahil sa usa lang ka tawu nagkasala?”

Bilang 18:5

“Kawu lang hanggan kanmu manga anak ti may saragtun sa pag-asikasu sa Banal pag Sulud-sulud hanggan sa harandugan, hampay balaw magalit maan aku sa manga Israilita.

Bilang 20:25

Kainda, Muysis, tabana si Aarun hanggan kay anak si Iliyasar tag sa Bantud Hur.

Bilang 5:18

Nu naipatindug yi manughandug ti babayi sa kang atubangan, ipawayung manughandug ti buhuk babayi ag ipauli sa kay kamang ti handug pasalamat para sa pag-alam nu ngatay nagkasala siya ngatay unman. Isinagda inda niya asawa dahil sa kay paghantup sa kanya. Bag-u hiyaptan manughandug ti ungut may mapait pag danum magdara manga saad,

Diyuturunumiyu 33:9

Nagpakakit sida daka pag unung sa kanmu kaysa kanda manga ginurang, manga patar-ari, hanggan manga kalay-awan. Sinunud nida kanmu bagaw, ag iningatan nida kanmu kasunduan.

Huswi 22:18

Ag taynguna gustuhun waya niyu pumatlikud sa Panginuun. Nu manlaban waya ngani kamu sa kanya kainda pag sirang, aldaw mangisug gid siya sa tanan nasakupan Israil.

Huswi 22:20

Nalimtan yi aw lugud niyu si Akan kay anak ni Sira? Katpung linabag niya ti sugu tungkul sa manga bagay ihinandug buu sa Panginuun, pinarusahan siya ag kay buu nasakupan Israil. Balaw lang siya ti namatay dahil sa kay kasalanan.”

Huswi 7:1

Dapat linabag gid manga Israilita ti sugu Panginuun kuntay danga magbuul una hintay pag ihinandug yi buu para sa Panginuun. Dahil namuul si Akan manga bagay balaw dapat bul-un, nakan masyadu gid nagalit ti Panginuun sa kanda. Si Akan inda anak ni Karmi. Si Karmi anak ni Sabdi. Si Sabdi anak ni Sira. Inda sida ginan sa lahi ni Huda.

Huswi 7:11

Nagsalan ti Israil; linabag nida kang kasunduan. Namuul sida manga bagay ihinandug yi buu sa kangku. Tinakaw nida inda, nagpudil sida tungkul sa inda, ag ipinaamut nida inda sa kanda manga kasiyunan.