Libitiku 10:16 - Hanunuu

¹⁶ Pagka nangusisa si Muysis tungkul sa kambing handug sa paglumpiyu kasalanan, nakitan niya nasunug yi inda tanan. Inisugan gid niya si Iliyasar hanggan si Itamar, ag binagawan niya sida.

Libitiku 10:16 Iomraidhean Croise

Libitiku 6:26

Ti manhandug pag manughandug kailangan sa may sabian Turda Taragbuan pag kumaun, usa ka banal pag rugar.

Libitiku 6:30

Dapat nu ti dugu handug dinara sa Banal pag Sulud-sulud, ati sa sulud Turda agud ilukat sa kasalanan usa ka tawu, danga gid tunda pagkan-a pag handug, kailangan sunugun lang gid tunda.

Libitiku 9:15

Pagkatapus dinara niya sa karaw-an ti manga handug para sa manga tawu. Iniyaw niya ti kambing bilang handug sa paglumpiyu kasalanan manga tawu parihu sa kay binwat sa kabag-u pag handug hampay malumpiyu siya.

Libitiku 9:3

Bag-u sabihun nimu sa manga Israilita pagdara sida lalaki kambing bilang handug sa paglumpiyu kasalanan. Pagdara diman sida baka hanggan karanidu parihu usa ka timpu kay idad ag unman may alangan bilang handug pagsunugun.

Bilang 12:3

(Si Muysis mapinakumbabaun gid higit sa tanan tawu sa kalibutan.)

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Markus 10:14

Pagka nakitan ni Hisus, nag-isug siya. Sinabi niya sa manga tuludluan, “Pabay-ani niyu ti manga anak magpakarani sa kangku. Danga yi niyu pag-irangi. Dahil ti ga anak imaw ti pagharian Diyus.

Markus 3:5

Namarantayun si Hisus magkagalit sa kanda dahil pag-iruku niya ti kaganitan nida tagipusuun. Bag-u sinabi niya sa tawu pilay kay kamang, “Hunatan duy kanmu kamang.” Kay ngani ihinunat kay kamang bag-u nag-ayad yi ngap.

Ipisu 4:26

Nu abi kamu magkagalit, danga subra hampay kamu balaw magkasala. Danga niyu pagpabay-ani danga pagpaaputan malambung kanyu galit.