Libitiku 10:14 - Hanunuu

¹⁴ “Kan-un niyu kaibahan kanyu magtal-anakan ti dubdub hanggan ti balangbang hayup ipinaabwat ag ihinandug sa Panginuun. Kan-un niyu inda sa manga rugar pag-isipun malumpiyu. Ipinakaun inda sa kanyu bilang kanyu pag bahagi ginan sa manga handug manga Israilita para sa mayad pag pakiusa.

Libitiku 10:14 Iomraidhean Croise

Pag-ighit 29:33

Sida lang ti makakaun inda pag taguban hanggan tinapay ihinandug hampay sa kapatawadan manga kasalanan nida pagka itinalaga sida. Unman may iba makakaun inda dahil banal inda pag karan-unun.

Isikil 42:13

Magkun ti tawu sa kangku, “Inda pag manga sulud-sulud sa kanaway ag sa salatan, sa tupad sulud sugkadan, banal pag manga sulud-sulud. Dahil ti manga manughandug maghandug sa Panginuun siyun pag mangaun manga Pinaka Banal pag manga handug. Gamitun diman nida inda pag manga sulud-sulud paraulian manga handug pasalamat, manga handug sa paglumpiyu, ag manga handug bayad sa kasalanan. Dahil inda pag sulud-sulud banal.

Libitiku 10:13

Kan-a niyu inda sa may arani lang banal pag rugar, dahil imaw inda kanyu bahagi ginan sa manga handug sa panab-anan apuy. Imaw inda ti isinugu Panginuun sa kangku.

Libitiku 22:13

Dapat nu naburanday siya aw ngatay nanarayakan sida tag kay asawa unman sida may anak, bag-u mag-ulian maan siya ati sa kay ama, makakaun di siya sa karan-unun pagtanggapun niya ama bilang manughandug. Tandai gid niyu kamu lang manga manughandug hanggan kanyu magtal-anakan ti makakaun sa una hintay pag manga kabahagi niyu pag handug.

Libitiku 9:21

Angay sa isinugu ni Muysis, ipinaabwat ni Aarun ti manga dubdub hanggan ti sikun baliwa pag balangbang hayup bilang handug pag-ipaabwat.

Bilang 18:11

Ti iba waya pag manga handug Israilita pag-ipaabwat sa harandugan para diman sa kanyu. Pag-ipakaun niku inda sa kanmu hanggan sa kanmu manga lahi bilang kanyu huray tugka aban. Makakaun inda una si unu sa kanmu magtal-anakan ti pagkilalan-un malumpiyu.

Bilang 5:9

Ti tanan banal pag pakaun pagdarahun manga Israilita sa manga manughandug kanda yi pagkahuray.

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.