Libitiku 10:1 - Hanunuu

¹ Ati katpung, si Nadab ag si Abihu kay manga anak ni Aarun nagbuul sida kanya-kanya paulian kamangyan. Pinaulian nida tunda baga apuy hanggan kamangyan ag ihinandug sa Panginuun. Dapat inda kanda binwat balaw gid angay sa sugu Panginuun, dahil kanda ginamit tuhay pag baga apuy balaw dapat nida gamitun.

Libitiku 10:1 Iomraidhean Croise

1 Hari 18:38

Susun rinmas-ug ti apuy ginan sa Panginuun, ag inirub ti handug, ti pagba, ti manga batu hanggan ti daga, ag nak-at ti kanal.

Kanta 141:2

Tanggapa mana nimu kang darangin ga kamangyan. Tanggapa ti pagpaabwat niku manga kamang sa magdarangin ga handug panyabi.

Pag-ighit 24:1

Magkun ti Panginuun sa kan Muysis, “Pagtukad kawu sitay sa kangku ibaha nimu sida ni Aarun, ni Nadab, ni Abihu ag ti 70 ka paggurangunun sa Israil. Pagsamba sida sa kangku ati sa kay luwas lang.

Pag-ighit 24:9

Nagtukad sa bantud sida ni Muysis, ni Aarun, ni Nadab, ag ni Abihu hanggan ti 70 ka paggurangunun sa Israil,

Pag-ighit 27:3

Ti tanan garamitun sa harandugan kailangan human sa galang — ti manga sukadan dapug, pala, malukung, lalaun pag panubuk para sa taguban ag sukadan baga.

Pag-ighit 28:1

“Ipablag nimu sa manga tawu si Aarun kanmu patar-ari hanggan kay manga anak lalaki sida ni Nadab, ni Abihu, ni Iliyasar ag ni Itamar hampay magsirbi sida sa kangku bilang manughandug.

Pag-ighit 31:11

ti lana pamayid ag ti mabanglu pag kamangyan para sa Banal pag Sulud-sulud. Buwatun nida inda tanan angay sa kang pag-isugu sa kanmu.”

Pag-ighit 37:29

Namuwat diman siya banal pag lana pamayid hanggan lunsay kamangyan mabanglu gid.

Pag-ighit 38:3

Ti tanan kagamitan harandugan binuwat diman sa galang — ti manga palaulian dapug, ti manga pala, ti manga malukung, ti lalaun pag panubuk para sa taguban, ag ti manga palaulian baga.

Pag-ighit 40:27

Nagsunug siya mabanglu kamangyan sa harandugan. Binuwat niya inda tanan angay sa isinugu Panginuun sa kanya.

Pag-ighit 6:23

Naasawa ni Aarun si Ilisiba, kay anak ni Aminadab, kay patar-ari ni Nashun. Kanda manga anak lalaki sida ni Nadab, ni Abihu, ni Iliyasar ag ni Itamar.

Pag-ighit 8:27

Kailangan lumakaw kami tulu ka sirang atag sa pangawakawaan hampay manhandug sa Panginuun nimi Diyus, parihu sa pag-isugu niya sa kanmi.”

Hirimyas 19:5

Nagpatindug sida manga simbahan para sa kan Baal, ati nida pagsunugun kanda manga anak bilang handug sa kanya. Balaw gid inda pag-isugu niku sa kanda; balaw diman inda sinmulud sa kang isip.

Hirimyas 32:35

Nagpatindug sida manga simbahan para kan Baal ati sa Luung Bin Hinum, ati diman nida pag-isagda sa kan Muluk kanda manga anak. Balaw niku inda pag-isugu sa kanda; balaw diman inda sinmulud sa kang isip kuntay buwata nida inda pag mayagting pag bagay imaw ti pinun-an kasalanan manga taga Huda.

Hirimyas 44:15

Pagkayamu Hudiyu ti nagtiripun ag namatingi sa kan Hirimyas. Mag-uli sida sa kanaway ag salatan sa Ihiptu. Ti manga lalaki ati ag may alam kanda asawa magtuub manga kamangyan sa manga diyus-diyusan, hanggan ti tanan manga babayi magtiripun ati nanabi sa kan Hirimyas,

Hirimyas 44:8

Hayga niyu aku pag pagpagalitun sa pagbuwat niyu manga diyus-diyusan? Magsunug waya kamu manga kamangyan para siyun atay sa Ihiptu nu naan kamu taynguna pag mag-uli. Ipagpadamhak niyu kanyu sadili ag pagbuwatun niyu mayagting ag makakaray-a sa tanan pag nasyun sa kalibutan.

Hirimyas 7:31

Nagpatindug diman sida simbahan sa abwat pag rugar sa Tupit, sa Luung Bin Hinum, hampay ati pagsunugun nida kanda manga anak bilang handug. Balaw niku inda pag-isugu sa kanda, balaw diman inda sinmulud sa kang isip.

Libitiku 16:1

Igu namatay kay duwa ka anak lalaki ni Aarun sa kanda maghandug sa Panginuun, nagkumun ti Panginuun sa kan Muysis, “Sabihi kanmu patar-ari si Aarun danga siya magsaka sa Pinakabanal pag Sulud-sulud, asan sa dayu limbun rutay, una kapira pag udas gustuhun niya. Nu buwatun niya tunda pihu mamatay siya. Dahil siti pag rugar aku pag magpakakit kang sadili sa histuda usa ka rurum sa tungud taklub Kaban Kasunduan, ti Ulian Pangaawa.”

Libitiku 16:12

Bag-u mam-ul siya burugtangan kamangyan, pun-un niya tunda baga ginan sa harandugan ati sa sulud Turda. Ag mam-ul diman siya duwa ka akup mabanglu pag kamangyan pinu, bag-u darahun niya tunda sa Pinakabanal pag Sulud-sulud.

Libitiku 22:9

Danga niyu pagbul-i halaga kang manga pag-ipatupad sa kanyu. Kailangan gid tupadun niyu inda hampay balaw kamu magkasala ag mamatay. Aku ti Panginuun, ti nagtalaga sa kanyu para sa kangku.

Bilang 16:46

Bag-u magkun si Muysis sa kan Aarun, “Bul-a kanmu sukadan kamangyan ag paulii inda baga ginan sa harandugan. Bag-u paulii inda kamangyan ag kadali kawu atag sa nasakupan, buwata ti buruwatun hampay malukat sida sa kanda manga kasalanan, dahil nangisug yi ti Panginuun ag mag-umpisa yi ti sarut.”

Bilang 26:61

Dapat ay namatay sida ni Nadab ni Abihu katpung ginmamit sida apuy balaw dapat nida gamitun sa kanda maghandug sa Panginuun.

Bilang 4:18

“Danga niyu pabay-anan madura ti magtal-anakan ni Kuhat sa manga lahi ni Libi.

Diyuturunumiyu 12:32

“Sunda gid niyu ti tanan pag-isugu niku sa kanyu. Danga niyu inda pagdugangi ngatay pagbuhini.

Diyuturunumiyu 17:3

ag naglaban sa sugu sa panab-anan pagsamba sa tuhay pag diyus, ngatay sa init, ngatay sa bulan, ngatay sa manga pamgasan.

Diyuturunumiyu 4:2

Danga niyu pagdugangi ngatay pabawasi ti pag-ipakaun niku pag manga sugu sa kanyu ginan sa Panginuun niyu Diyus. Kailangan niyu inda tupadun.

Hibriyu 9:4

May gintu pag harandugan turuuban kamangyan hanggan Kaban Kasunduan, pinababawan gintu sa sulud hanggan sa luwas. Tunda pag Kaban palaulian gintu pag sukadan mana pag karan-unun hanggan kan Aarun sugkud imaw ti namsang. Siyun diman sa Kaban ti manga tinabla batu sinuratan taratu.