Libitiku 1:4 - Hanunuu

⁴ Ikupa niya kay kamang sa kay pag-ihandug ulu baka, ag tanggapun inda Panginuun hampay malukat siya sa kay manga kasalanan.

Libitiku 1:4 Iomraidhean Croise

Pag-ighit 28:38

hampay makitan inda sa kay bangas. Pag-ipakakit inda pag-akuun ni Aarun ti kasalanan manga Israilita sa kanda maghandug sa Panginuun. Pagpirmi inda sa kay bangas ni Aarun agud makabaya ti Panginuun sa kanda.

Pag-ighit 29:10

“Daran-a nimu ti turiti baka sa atubangan Turda Taragbuan, ag ikupa ni Aarun hanggan niya manga anak kanda kamang sa ulu baka.

Pag-ighit 29:15

“Bag-u bul-a nimu ti usa ka lalaki karanidu ag ipakupa nimu kay kamang ni Aarun hanggan niya manga anak sa ulu karanidu.

Pag-ighit 29:19

“Bag-u bul-a waya nimu ti usa ka lalaki karanidu, ag pakupaan kay kamang ni Aarun hanggan niya manga anak sa ulu karanidu.

Pag-ighit 29:33

Sida lang ti makakaun inda pag taguban hanggan tinapay ihinandug hampay sa kapatawadan manga kasalanan nida pagka itinalaga sida. Unman may iba makakaun inda dahil banal inda pag karan-unun.

Isayas 56:7

Darahun niku sida sa kang banal pag bantud ag ati pag pasulungun sa kang balay dararanginan. Tanggapun niku sa kang harandugan kanda manga handug pagsunugun hanggan ti tuhay waya pag handug, dahil kang Balay Diyus ingarnan balay dararanginan manga tawu ginan sa tanan nasyun.”

Isikil 45:15

ag ti usa ka karanidu sa kada 200 ginan sa kanyu hayup. Inda pag manga handug para sa pasalamat sa kangku, manga handug pagsunugun hanggan handug para sa mayad pag pakiusa, hampay mapatawad ti manga kasalanan niyu. Aku, ti Panginuun Diyus, ti magsabi inda.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Libitiku 16:21

Ikupa niya kay duwa ka kamang sa ulu kambing bag-u iampu niya ti tanan kasalanan hanggan ti paglapastangan manga Israilita. Sa panab-anan siyun misalin kanda manga kasalanan tabug sa ulu kambing. Bag-u ipakaun ni Aarun sa katiwala ti kambing hampay palpasan sa pangawakawaan.

Libitiku 16:24

Marigus siya sa usa ka banal pag rugar ati sa Turda bag-u isulung niya kay panulungun pag rutay. Siyun ginan, lumuwas siya ag ihandug niya ti handug pagsunugun para sa kay sadili hanggan ti handug para sa manga Israilita hampay malumpiyu sida ginan sa kanda manga kasalanan.

Libitiku 22:21

Nu ti handug para sa mayad pag pakiusa kanyu ipakaun sa kangku bilang handug sa pagtupad sa usa ka taratu ngatay buluntad pag handug, kailangan baka ngatay karanidu, una diman kambing unman may alangan hampay tanggapun niku.

Libitiku 3:13

ikupa niya kay kamang sa ulu kambing bag-u iyawun inda sa may atubangan Turda Taragbuan. Kay dugu iwidwisik manga manughandug lahi ni Aarun ati sa sangput harandugan.

Libitiku 3:2

Ikupa niya kay kamang sa ulu baka, ag iyawun niya tunda ati sa arani sabian Turda Taragbuan. Kay dugu tunda iwidwisik manga manughandug lahi ni Aarun ati sa sangput harandugan.

Libitiku 3:8

ikupa niya kay kamang sa ulu karanidu bag-u iyawun inda ati sa atubangan Turda Taragbuan. Kay dugu inda iwidwisik manga manughandug lahi ni Aarun ati sa may sangput harandugan.

Libitiku 4:15

Bag-u ikupa manga manugpamahala Israilita kanda manga kamang sa ulu baka bag-u di iyawun inda sa atubangan Panginuun.

Libitiku 4:24

Handug inda para sa paglumpiyu niya kasalanan. Ikupa niya kay kamang sa ulu kambing bag-u iyawun niya tunda ati sa atubangan Panginuun, sa may rugar iriyawan manga hayup bilang handug pagsunugun.

Libitiku 4:26

Sunugun niya ti tanan taba sa harandugan parihu sa binwat niya sa kabag-u sa manga taba hayup pag handug para sa mayad pag pakiusa. Sa panab-anan inda pag buwat manughandug, malukat tunda pag takinan sa kay kasalanan ag patawadun siya Panginuun.

Libitiku 4:29

Ikupa niya kay kamang sa ulu kambing handug sa kasalanan, bag-u iyawun niya tunda ati sa Turda, sa may iriyawan manga hayup bilang handug pagsunugun.

Libitiku 4:31

Bul-un niya ti tanan taba kambing parihu sa binwat niya sa handug para sa mayad pag pakiusa. Sunugun niya ti taba sa harandugan bilang mabanglu pag handug makapasulung gid sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 4:33

Ikupa niya kay kamang sa ulu karanidu, bag-u iyawun ati sa Turda, sa may rugar iriyawan manga hayup bilang handug pagsunugun.

Libitiku 4:35

Bag-u, bul-un niya ti tanan taba karanidu parihu sa kay binwat sa karanidu handug para sa mayad pag pakiusa. Bag-u sunugun niya ti taba sa harandugan kaibahan ti iba waya pag manga handug sa panab-anan apuy para sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 4:4

Darahun niya ti baka sa atubangan Panginuun ati sa arani Turda Taragbuan. Ikupa niya kay kamang sa ulu baka bag-u di niya iyawun tunda.

Libitiku 5:6

Bilang bayad sa nabwat niya kasalanan, manhandug siya sa Panginuun usa ka babayi karanidu ngatay kambing bilang handug sa paglumpiyu kasalanan. Ihandug inda manughandug agud malukat ti tawu sa kay kasalanan.

Libitiku 6:7

Sa panab-anan inda pag buwat manughandug sa atubangan Panginuun, malukat ti tawu ginan sa kay kasalanan, ag patawadun siya Panginuun sa una hintay pag nabwat niya kasalanan.

Libitiku 8:14

Pagkatapus inda, ipinab-ul ni Muysis ti tudu baka handug sa paglumpiyu kasalanan. Bag-u itinungbaw ni Aarun hanggan niya manga anak kanda manga kamang sa ulu baka.

Libitiku 8:18

Siyun ginan, ipinab-ul ni Muysis ti usa ka karanidu lalaki bilang handug pagsunugun, bag-u itinungbaw ni Aarun hanggan niya manga anak kanda manga kamang sa ulu karanidu.

Libitiku 8:22

Ipinab-ul diman ni Muysis ti ikadwa pag lalaki karanidu. Inda pag karanidu handug para sa pagtalaga. Itinungbaw ni Aarun hanggan niya manga anak kanda kamang sa ulu karanidu.

Libitiku 9:7

Magkun siya sa kan Aarun, “Pagpakarani kawu sa harandugan bag-u ihandug nimu kanmu manga handug sa paglumpiyu kasalanan, hanggan kanmu handug surunugun agud malukat kawu kaibahan kanmu magtal-anakan ginan sa kanyu manga kasalanan. Angay sa sugu Panginuun, ihandug diman nimu ti manga handug tawu hampay malukat sida sa kanda manga kasalanan.”

Bilang 15:25

Ihandug inda manughandug hampay malukat ti buu nasakupan sa kanda kasalanan. Patawadun di niku sida dahil balaw waydi inda tikis, ag manhandug diman sida sa kangku manga handug sa panab-anan apuy hanggan handug panlumpiyu.

Bilang 15:28

Ihandug inda manughandug sa kang atubangan hampay malukat siya sa kay kasalanan balaw tikis, bag-u patawadun yi niku siya.

Bilang 25:13

Sa tunda pag kasunduan, siya hanggan kay manga lahi buwatun manughandug hanggan waya aban, dahil ipinakakit niya sa kangku kay magkagalit sa kasalanan, linukat niya ti manga Israilita sa kanda kasalanan.”

Bilang 8:10

Daran-a nimu ti manga lahi ni Libi sa kang atubangan ag ikupa manga Israilita kanda manga kamang sa ulu manga lahi ni Libi.

Bilang 8:12

“Pagkatapus, ikupa manga lahi ni Libi kanda manga kamang sa ulu duwa ka baka handug para sa kangku. Kay usa handug sa paglumpiyu ag kay usa handug pagsunugun, hampay mapatawad kanda manga kasalanan.

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Pilipus 4:18

Kainda, may imaw aku tanan niku kailangan ag mag-abunda waya, dahil sa nakatanggap aku sa kan Ipapruditu manga bagay ginan sa kanyu. Kanyu awat ga usa ka mabanglu ag marinu pag handug ag pagbayaun Diyus.

Hibriyu 10:4

Dahil ti dugu manga tudu baka manga kambing dayu gid makab-ul sa kasalanan manga tawu.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.