Libitiku 1:3 - Hanunuu

³ Nu baka kay ihandug bilang handug pagsunugun, kailangan lalaki inda ag unman may alangan. Ihandug niya inda sa may arani sabian Turda Taragbuan, hampay sa panab-anan inda pag handug tanggapun siya Panginuun.

Libitiku 1:3 Iomraidhean Croise

Gimpuunan 22:13

Igu nan-aliwliw si Abraham, nakitan niya ti usa ka lalaki karanidu kay sungay masangitan sa rikut, ag unman yi inda makakalpas. Nakan bin-ul inda ni Abraham ag ihinandug bilang handug pagsunugun sa halip kay anak.

Gimpuunan 22:2

Bag-u magkun ti Diyus, “Daran-a kanmu bugtung ag pagmahalun pag anak si Isaak bag-u pag-atag kamu sa daga Muriya. Pagdayik kamu sa itudlu niku pag bantud sa kanmu bag-u ati nimu pag ihandug sa kangku kanmu anak si Isaak, bilang handug pagsunugun.”

Gimpuunan 22:8

Sinmagut si Abraham, “Anak, ti Diyus di ti manpakaun kanta handug karanidu.” Ag naparargu sida sa kanda maglakaw.

Gimpuunan 8:20

Nagbuwat harandugan si Nuwi para sa Panginuun. Bag-u nagbuul siya usa sa kada kalasi hayup malumpiyu hanggan diman sa kada kalasi manga manuk malumpiyu, bag-u sinunug niya inda sa harandugan bilang handug sa Panginuun.

2 Krunika 29:32

Ti bilang manga handug pagsunugun dinara manga tawu 70 ka tudu baka, 100 lalaki karanidu, ag 200 ka anak karanidu.

2 Krunika 35:12

Pagkatapus, inayaw-ayaw nida sa manga tawu, angay sa gurupu nida manga magtal-anakan, ti manga handug pagsunugun para ihandug sa Panginuun, angay sa nakasurat sa ribru ni Muysis. Katida diman ti binwat nida sa manga baka.

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 40:8

Diyus niku, gustu niku tupadun kanmu kagustuhan. Kanmu kasuguan paghamnuun niku sa kang tagipusuun.”

Pag-ighit 12:5

Kailangan piliun niyu ti lalaki pag kambing ngatay karanidu, usa ka timpu di waya kay idad, ag unman may alangan.

Pag-ighit 24:5

Bag-u sinugu niya ti manga kalay-awan lalaki hampay manhandug sa Panginuun manga handug pagsunugun ag manhandug diman manga tudu baka handug sa mayad pag pakiusa.

Pag-ighit 29:18

Sunuga nimu inda tanan sa harandugan bilang handug pagsunugun para sa kangku. Ti mabanglu pag hungaw inda pag handug sa panab-anan apuy makapasulung sa kangku.

Pag-ighit 29:4

“Daran-a nimu sa may sabian Turda Taragbuan si Aarun hanggan kay manga anak lalaki, ag parigsa nimu sida.

Pag-ighit 29:42

Inda pag manga handug pagsunugun kailangan ihandug sirang-sirang tugka sa sunud pag manga sinulput tawu. Ihandug niyu inda sa atubangan niku, ati sa may sabian Turda Taragbuan nu naan aku pag pumakihampang sa kanmu ag pumasampak sa manga Israilita. Bumaliw banal inda pag Turda dahil sa kadayawan niku.

Pag-ighit 32:6

Nakan pagkanasurip, madlum surip nagbangun yi ti manga tawu ag namakaun manga handug pagsunugun hanggan handug sa mayad pagpakiusa. Nansararuhan sida ag nanginuman, bag-u ilinubus kanda kabayaan sa pagsamba sa gintu baka.

Pag-ighit 35:21

Ti tanan may gustu mamakaun sa Panginuun nagdara manga kalap gamitun sa pagbuwat Turda Tiripnan hanggan tanan garamitun siyun, ag manga garamitun sa pagbuwat ipinablag pag rutay manga manughandug.

Pag-ighit 35:29

Nakan ti tanan Israilita, lalaki hanggan babayi, ti magkaibug mag-awat nagdara kanda buluntad pag manga handug sa Panginuun para sa tanan buruwatun isinugu Panginuun sa panab-anan ni Muysis.

Pag-ighit 35:5

Paghandug kamu sa Panginuun ginan sa kanyu manga kasiyunan. Mahimu kamu makahandug gintu, pilak, galang,

Pag-ighit 36:3

Ipinakaun ni Muysis sa kanda ti tanan ipinakaun manga Israilita para sa pagpatindug Turda. Ag parargu di gid magdara ti manga tawu kanda buluntad pag manga handug kada surip.

Pag-ighit 38:1

Namuwat diman siya kudradu pag harandugan handug pagsunugun. Ti ginamit niya kayu akasya. 5 ka luk-an siku kay aba, 5 ka luk-an siku kay lapad, ag 3 ka luk-an siku kay abwat.

Isayas 1:11

Magkun siya, “Ud may kabuluhan sa kangku ti mayamu niyu handug. Sawa yi aku sa kanyu manga handug pagsunugun — manga karanidu hanggan taba manga hayup kanyu pinatabul. Balaw aku magbaya sa dugu manga tudu baka, manga karanidu, hanggan manga kambing.

Isikil 20:40

Dahil ati sa kang banal pag bantud, sa abwat pag bantud Israil, ti tanan nasakupan Israil sumirbi sa kangku. Ati tanggapun niku kamu ag hilingun pagsagda tuhay-tuhay pag manga handug ag pinakamarinu pag manga pamakaun ag banal pag handug.

Isikil 40:39

Sa kada saruy sarakahan may duwa ka lamisa nu naan pag-iyawun ti manga hayup bilang handug pagsunugun, handug sa paglumpiyu kasalanan, ag handug bayad sa kasalanan.

Libitiku 1:10

Nu karanidu ngatay kambing waydi ti ihandug tawu bilang handug pagsunugun, kailangan lalaki inda ag unman may alangan.

Libitiku 14:10

Sa ikawalu pag sirang, kailangan magdara siya duwa ka lalaki anak karanidu ag usa ka timpu babayi karanidu, unman may alangan. Magdara diman siya unum ka kilu marinu pag kalasi arina may lakay lana bilang handug pasalamat. Ag magdara waya siya usa ka tasa lana.

Libitiku 16:7

Bag-u bul-un niya ti duwa ka kambing, darahun diman niya sa atubangan Panginuun, ati baliwa sa may sabian Turda Taragbuan.

Libitiku 17:4

ag balaw sa Turda Tiripnan pag-ingarnan diman Turda Taragbuan, parihu lang sa nakamatay siya tawu, nakan danga yi siya pagkilalan-a nasakupan niyu. Ipinatupad inda pag surundanun hampay kanyu maghandug ati niyu pag buwatun sa may arani sabian Turda ag balaw sa iba pag rugar. Kanyu manga handug para sa mayad pag pakiusa ipakaun niyu sa manughandug, siya ti manhandug sa Panginuun.

Libitiku 17:8

Kamu pag manga Israilita hanggan pag manga day-uhan mag-ulian kaibahan niyu, tandai gid niyu inda: Una si unu sa kanyu ti manhandug una hintay pag handug sa iba pag rugar

Libitiku 17:9

ag balaw sa may sabian baliwa Turda, danga yi pagkilalan-a nasakupan niyu.

Libitiku 23:12

Sa tunda diman pag sirang, paghandug kamu sa Panginuun karanidu usa ka timpu kay idad unman may alangan bilang handug pagsunugun.

Libitiku 23:18

Durugi niyu inda pitu ka ibun karanidu lalaki tigus-a ka timpu, usa ka turiti baka, bag-u duwa ka gurangun karanidu lalaki, ti kada usa sa kanda danga may alangan. Ipakaun niyu tunda bilang handug pagsunugun kaibahan sa handug pasalamat hanggan sa handug irinmun. Kay hungaw tunda pag handug sa panab-anan apuy makapasulung gid sa Panginuun.

Libitiku 3:1

Nu may manhandug baka bilang handug para sa mayad pag pakiusa, kailangan kay ihandug sa atubangan Panginuun unman may alangan, lalaki man ngatay babayi.

Libitiku 4:15

Bag-u ikupa manga manugpamahala Israilita kanda manga kamang sa ulu baka bag-u di iyawun inda sa atubangan Panginuun.

Libitiku 4:23

Nu maalaman niya kuntay nagkasala ngani siya, manhandug siya lalaki pag kambing unman may alangan.

Libitiku 4:3

Nu pangulu manughandug ti nagkasala balaw tikis, ag dahil siyun nadamay ti manga tawu, manhandug siya sa Panginuun turiti baka unman may alangan bilang handug sa paglumpiyu kasalanan.

Libitiku 4:32

Nu karanidu waydi ti ihandug tawu para sa paglumpiyu kasalanan, kailangan babayi ag unman may alangan.

Libitiku 5:15

Nu ti usa ka tawu naglabag sa Panginuun dahil unman niya ipinakaun ti bagay para sa Panginuun, una balaw niya tikis, kailangan manhandug siya lalaki karanidu unman may alangan bilang bayad sa kay kasalanan. Mahimu diman bayadan niya pilak angay sa halaga lalaki karanidu angay sa kilu pilak sa kiluhan paggamitun manga manughandug. Imaw inda ti handug bayad sa kasalanan.

Libitiku 5:18

Nu alam yi niya nagkasala siya, kailangan mandara siya atag sa manughandug usa ka karanidu lalaki unman may alangan, ihandug niya inda bilang bayad sa kay kasalanan. Mahimu diman bayadan niya pilak katumbas halaga lalaki karanidu angay sa kilu pilak sa kiluhan paggamitun manga manughandug. Sa panab-anan inda pag buwat manughandug, malukat ti tawu ginan sa kay kasalanan balaw tikis ag patawadun siya Panginuun.

Libitiku 6:2

tungkul sa maglabag sa kagustuhan Panginuun sa panab-anan pandaya sa kay kaparihu tungkul sa kay manga kasiyunan ipinahamnu aw ngatay iinintirga sa kanya, una abi sa pagtakaw sa tunda pag manga kasiyunan hanggan sa magpanguwarta,

Libitiku 6:8

Sinugu Panginuun si Muysis hampay tultulan si Aarun hanggan kay manga anak lalaki tungkul sa inda pag manga surundanun sa handug surunugun: Inda pag handug kailangan tayakan lang sa harandugan tugka sa surip, ag kailangan parargu kay maglabdab ti apuy sa harandugan.

Libitiku 7:16

Dapat nu ti handug para sa mayad pag pakiusa ihandug niya bilang handug pagtupad sa taratu ngatay buluntad pag handug, ti taguban mahimu kan-un sa tunda pag sirang ag kay masawad mahimu waya kan-un sa aldaw pag sirang.

Libitiku 8:18

Siyun ginan, ipinab-ul ni Muysis ti usa ka karanidu lalaki bilang handug pagsunugun, bag-u itinungbaw ni Aarun hanggan niya manga anak kanda manga kamang sa ulu karanidu.

Libitiku 9:2

Magkun si Muysis sa kan Aarun, “Pagbuul kawu usa ka turiti baka hanggan usa ka lalaki karanidu parihu unman may alangan, bag-u handugan sa Panginuun. Tunda pag baka handug sa paglumpiyu kasalanan, ag ti karanidu handug pagsunugun.

Sakaryas 13:7

Magkun ti Panginuun Makamaskihan “Alistuhan ti baladaw! Matya kang manug-alaga manga karanidu, kang kaawat. Matya siya hampay mamululagan kay manga karanidu, kang pugri pag manga nasakupan ag parusahan niku sida.

Malakyas 1:14

Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Bilang 15:3

paghandug kamu sa kangku sa panab-anan niyu manga hayup. Paghandug kamu manga handug pag sunugun, handug sa pagtupad sa usa ka taratu, handug buluntad, ngatay manga handug sa udas manga pista. Kay hungaw inda pag manga handug sa panab-anan apuy makapasulung sa kangku.

Bilang 15:8

“Ti manhandug turiti baka bilang handug pag sunugun ngatay handug sa pagtupad sa usa ka taratu, ngatay handug para sa mayad pag pakiusa,

Bilang 19:2

“Inda waya ti usa ka surundanun kang gustu tupadun niyu: Sabiha niyu sa manga Israilita darahi nida kamu usa ka maragang pag baka unman may alangan ag udwaya nagamit sa mag-aradu.

Bilang 23:19

Ti Diyus balaw tawu magpudil ngatay magkauman kay naisipan. Magbagaw aw siya balaw niya pagbuwatun? Magtaratu aw siya unman niya pagtupadun?

Bilang 23:27

Magkun maan si Balak sa kan Balaam, “Abala, tabanun niku kawu sa tuhay maan pag rugar. Barang ati magpasnu yi ti Diyus saadan nimu ti Israil para sa kangku.”

Bilang 23:3

Bag-u magkun si Balaam sa kan Balak, “Sitay lang kawu sa arani nimu handug pagsunugun. Lumakaw dap aku, barang pakakit sa kangku ti Panginuun. Tultulan lang niku kawu nu hintay kay sabihun sa kangku.” Nakan nagtukad siya atag sa katayungtungan tagudtud.

Bilang 23:30

Nakan binwat ni Balak ti pagsabihun ni Balaam, naghandug siya usa ka baka ag usa ka karanidu sa kada harandugan.

Bilang 28:11

“Sa kada un-an pag sirang bulan, paghandug kamu sa Panginuun handug pagsunugun. Kanyu ihandug duwa ka turiti baka, usa ka tudu karanidu ag pitu ka bilug turiti karanidu. Inda tanan kailangan unman may alangan.

Bilang 28:19

Paghandug kamu sa Panginuun handug pagsunugun duwa ka turiti baka, usa ka tudu karanidu ag pitu ka turiti karanidu. Inda tanan kailangan unman may alangan.

Bilang 28:31

Ihandug niyu inda kaibahan ti manga handug irinmun, tuhay di ti pansirang-sirang pag handug pagsunugun hanggan tunda pag handug bilang pagdayaw sa Panginuun. Kailangan tunda pag manga hayup unman may alangan.

Bilang 29:13

Paghandug kamu manga handug pagsunugun kay hungaw makapasulung gid sa Panginuun. Sa un-an pag sirang, inda kanyu ihandug: 13 ka turiti baka, duwa ka tudu karanidu ag 14 ka turiti karanidu. Kailangan inda tanan unman may alangan.

Bilang 29:2

Bag-u paghandug kamu handug pagsunugun kay hungaw tunda makapasulung gid sa Panginuun: usa ka turiti baka, usa ka tudu karanidu ag pitu ka turiti karanidu. Kailangan inda tanan unman may alangan.

Lukas 1:35

Sinmagut ti anghil magkun, “Pumakababa tag sa kanmu ti Ispiritu Banal, humamuy sa kanmu ti kapangyarihan Diyus Makamaskihan, nakan ti anak ianak aban pagsabihun banal, ti Anak Diyus.

Huwan 1:36

Nakitan niya si Hisus maglawuy. Sinabi ni Huwan magkun, “Tunda yi ti Anak Karanidu kay ihinanda Diyus.”

Huwan 10:7

Sinabi maan ni Hisus sa kanda magkun, “Ungud duy kang pagsabihun sa kanyu, aku ti puwirtahan manga karanidu.

Huwan 10:9

Aku ti puwirtahan. Una hintay pag tawu nu sumulud lakaw sa kangku, siya maribri. Sumulud siya lumuwas ag makakit siya karan-unun.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.

2 Kurintu 9:7

Ti kada usa kailangan magpakaun angay sa kay sadili kagustuhan naisipan, sa maluag naisipan balaw sa kapilitan, dahil pagbayaun Diyus nu buluntad pag pakaun.

Ipisu 2:18

Dahil sa kan Kiristu ti manga Hudiyu ag ti manga balaw Hudiyu parihu kita makapakarani sa Ama, dahil sa kanta pakiusa sa usa ka Ispiritu.

Ipisu 5:27

Kay binuwat niya tunda hampay ipaatubang niya sa kay atubangan ti iglisya masnag, unman may huput kadautan, unman may yukut, lubus nasakup sa Diyus, lubus yi lang marinu.

Diyuturunumiyu 12:27

Handugan niyu ti dugu hanggan ti taguban niyu manga handug sa surunugan pag harandugan Panginuun niyu Diyus. Sa iba niyu pag manga handug kailangan diman ibuhus niyu ti dugu sa harandugan Panginuun niyu Diyus, dapat mahimu niyu kan-un ti taguban.

Diyuturunumiyu 15:21

Dapat nu inda pag hayup may sakit, abi pilay ngatay buta ngatay iba waya pag dahilan, kailangan unman niyu inda ihandug sa Panginuun niyu Diyus.

Diyuturunumiyu 17:1

“Danga kamu maghandug baka ngatay karanidu may sakit tabug sa Panginuun niyu Diyus, dahil daut masyadu inda sa kanya.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.