Libitiku 1:17 - Hanunuu

¹⁷ Buk-un niya ti manuk sa panab-anan paglanit kay pakpak, dapat balaw niya utasun kay pakpak. Bag-u sunugun niya ti manuk sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.

Libitiku 1:17 Iomraidhean Croise

Gimpuunan 15:10

Nakan dinara ngani inda tanan ni Abram sa Panginuun. Bag-u linapa niya ti kada usa ag ipinabugtang, magturupadan ti kada linapa. Ti kurkuru lang ag ti kalampati ti balaw niya linapa.

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

Kanta 16:10

dahil balaw nimu aku pagpabay-anan miatag sa ulian manga namatay. Balaw nimu pahintulutan marunut kanmu marig-un pag manugsirbi.

Libitiku 1:13

Kailangan ugasan dapu manughandug ti manga sa sulud bilug, hanggan kay manga lulud tunda. Bag-u ti manughandug yi ti mansunug tunda tanan sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.

Libitiku 2:2

Darahun niya tunda sa manga manughandug lahi ni Aarun. Bag-u bul-an manughandug usa ka akup ti mininsan arina hanggan lana, ag sunugun niya inda sa harandugan kaibahan ti tanan kamangyan inamut sa arina. Sunugun niya tunda bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun.

Libitiku 3:5

Bag-u sunugun tunda manga manughandug lahi ni Aarun sa harandugan kaibahan sa handug pagsunugun. Kay hungaw tunda pag handug sa panab-anan apuy makapasulung gid sa Panginuun.

Libitiku 5:8

Darahun niya inda sa manughandug bag-u ihandug manughandug para sa paglumpiyu kasalanan. Lubagun inda manughandug kay liug, dapat balaw niya puldun.

Libitiku 6:14

Inda ti manga surundanun sa handug pasalamat sa Panginuun: Ti manga manughandug lahi ni Aarun imaw ti dumara inda atabug sa atubangan Panginuun ati sa harandugan.

Libitiku 9:13

Dinara diman niya manga anak ti manga pinahat pag manga bahagi hayup hanggan kay ulu, ag kay sinunug tunda sa harandugan.

Bilang 15:3

paghandug kamu sa kangku sa panab-anan niyu manga hayup. Paghandug kamu manga handug pag sunugun, handug sa pagtupad sa usa ka taratu, handug buluntad, ngatay manga handug sa udas manga pista. Kay hungaw inda pag manga handug sa panab-anan apuy makapasulung sa kangku.

Bilang 28:8

Katunda diman kanyu buwatun sa ikadwa pag karanidu kanyu ihandug sa mag-isalup init. Lakayan diman niyu inda usa ka handug pagdayaw sa Panginuun hanggan handug irinmun. Inda handug sa panab-anan apuy, kay hungaw makapasulung gid sa Panginuun.

Matiyu 27:50

Nagtawag maan daka si Hisus bag-u naugtasan arup.

Huwan 19:30

Pagka sinupsup ni Hisus ti maaslum pag intus, sinabi niya magkun, “Taynguna tapus yi.” Bag-u nisug-uk yi kay ulu, naugtasan yi arup.

Ruma 4:25

Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.