Libitiku 1:16 - Hanunuu

¹⁶ Pagkatapus, bul-un niya kay pikpikun hanggan tanan kay kinaun, ag iyamut sa butlakan baliwa harandugan nu naan ti rayamtan dapug.

Libitiku 1:16 Iomraidhean Croise

Danyil 4:33

Sa tunda diman pag udas nangyari inda sa kan Nabukudunusur. Pinalayas siya pakarayu sa manga tawu ag nanharab ilamnun parihu sa baka. Pirmi magkabasa tun-ug kay bilug, ag nangaraba kay bulbul parihu sa bulbul agila hanggan kay kuku parihu sa kuku manuk.

Libitiku 16:27

Ti nasawad pag bahagi baka hanggan kambing kay dugu imaw ti dinara sa Pinakabanal pag Sulud-sulud hampay lumpiyuhun tunda, kailangan diman darahun sa luwas kampu ag sunugun.

Libitiku 6:3

ngatay magpamudil tungkul sa bagay nadura kuntay balaw kunu siya nakakit, ngatay magpanumpa sa kapudilan unman niya nabwat ti nabanggit pag manga kasalanan.

Lukas 1:35

Sinmagut ti anghil magkun, “Pumakababa tag sa kanmu ti Ispiritu Banal, humamuy sa kanmu ti kapangyarihan Diyus Makamaskihan, nakan ti anak ianak aban pagsabihun banal, ti Anak Diyus.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.