Libitiku 1:10 - Hanunuu

¹⁰ Nu karanidu ngatay kambing waydi ti ihandug tawu bilang handug pagsunugun, kailangan lalaki inda ag unman may alangan.

Libitiku 1:10 Iomraidhean Croise

Gimpuunan 4:4

Si Abil waydi nagbuul usa sa kay panganay pag manga alaga hayup, iniyaw niya inda ag ihinandug sa Diyus ti pinakamayad pag bahagi. Nakabaya ti Panginuun sa kan Abil hanggan sa kay handug,

Gimpuunan 8:20

Nagbuwat harandugan si Nuwi para sa Panginuun. Bag-u nagbuul siya usa sa kada kalasi hayup malumpiyu hanggan diman sa kada kalasi manga manuk malumpiyu, bag-u sinunug niya inda sa harandugan bilang handug sa Panginuun.

Pag-ighit 12:5

Kailangan piliun niyu ti lalaki pag kambing ngatay karanidu, usa ka timpu di waya kay idad, ag unman may alangan.

Isikil 43:22

Sa ikadwa pag sirang, pagsagda kawu lalaki pag kambing unman may alangan bilang handug sa paglumpiyu sa harandugan, parihu sa binwat nimu sa tudu baka.

Libitiku 14:10

Sa ikawalu pag sirang, kailangan magdara siya duwa ka lalaki anak karanidu ag usa ka timpu babayi karanidu, unman may alangan. Magdara diman siya unum ka kilu marinu pag kalasi arina may lakay lana bilang handug pasalamat. Ag magdara waya siya usa ka tasa lana.

Libitiku 16:3

Inda ti pag-isugu Panginuun sa kan Aarun buwatun sa udas sumaka siya sa Pinakabanal pag Sulud-sulud: Mandara siya turiti baka hampay ihandug bilang handug panlumpiyu sa kasalanan ag lalaki karanidu hampay ihandug bilang handug pagsunugun.

Libitiku 16:5

Mamakaun sa kanya ti kabuuhan Israil tigudwa ka lalaki kambing hampay ihandug sa paglumpiyu manga kasalanan ag usa ka lalaki karanidu handug pagsunugun.

Libitiku 22:19

kailangan lalaki pag baka ngatay pag karanidu, una kambing unman may alangan hampay tanggapun niku.

Libitiku 23:12

Sa tunda diman pag sirang, paghandug kamu sa Panginuun karanidu usa ka timpu kay idad unman may alangan bilang handug pagsunugun.

Libitiku 3:1

Nu may manhandug baka bilang handug para sa mayad pag pakiusa, kailangan kay ihandug sa atubangan Panginuun unman may alangan, lalaki man ngatay babayi.

Libitiku 4:23

Nu maalaman niya kuntay nagkasala ngani siya, manhandug siya lalaki pag kambing unman may alangan.

Libitiku 4:3

Nu pangulu manughandug ti nagkasala balaw tikis, ag dahil siyun nadamay ti manga tawu, manhandug siya sa Panginuun turiti baka unman may alangan bilang handug sa paglumpiyu kasalanan.

Libitiku 5:15

Nu ti usa ka tawu naglabag sa Panginuun dahil unman niya ipinakaun ti bagay para sa Panginuun, una balaw niya tikis, kailangan manhandug siya lalaki karanidu unman may alangan bilang bayad sa kay kasalanan. Mahimu diman bayadan niya pilak angay sa halaga lalaki karanidu angay sa kilu pilak sa kiluhan paggamitun manga manughandug. Imaw inda ti handug bayad sa kasalanan.

Libitiku 9:2

Magkun si Muysis sa kan Aarun, “Pagbuul kawu usa ka turiti baka hanggan usa ka lalaki karanidu parihu unman may alangan, bag-u handugan sa Panginuun. Tunda pag baka handug sa paglumpiyu kasalanan, ag ti karanidu handug pagsunugun.

Malakyas 1:14

Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Bilang 19:2

“Inda waya ti usa ka surundanun kang gustu tupadun niyu: Sabiha niyu sa manga Israilita darahi nida kamu usa ka maragang pag baka unman may alangan ag udwaya nagamit sa mag-aradu.

Bilang 6:14

Ati kay ihandug sa Panginuun inda pag manga hayup unman may alangan: usa ka lalaki karanidu kay idad usa ka timpu bilang handug pagsunugun, usa ka babayi karanidu kay idad usa ka timpu diman bilang handug sa paglumpiyu ag usa ka gurangun lalaki karanidu bilang handug para sa mayad pag pakiusa.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

1 Pidru 1:19

Ti ilinukat sa kanyu kay ngap mahal pag dugu ni Kiristu. Namatay siya tungkul sa kanyu kasalanan ga anak karanidu unman may nu hintay pag alangan unman waydi may daut una di.