Libitiku 1:1 - Hanunuu

^1-2 Sinabihan Panginuun si Muysis ati sa Turda Taragbuan kuntay sabihun niya inda sa manga Israilita: Nu may imaw sa kanyu manhandug hayup sa Panginuun, paghandug siya baka, karanidu, ngatay kambing.

Libitiku 1:1 Iomraidhean Croise

2 Krunika 29:32

Ti bilang manga handug pagsunugun dinara manga tawu 70 ka tudu baka, 100 lalaki karanidu, ag 200 ka anak karanidu.

Pag-ighit 19:3

Tinmukad si Muysis sa bantud hampay manpasampak sa Diyus. Tinawagan siya Panginuun ati sa bantud ag sinabi, “Inda ti sabihun nimu sa manga Israilita sa kay linahi ni Hakub:

Pag-ighit 24:12

Bag-u magkun ti Panginuun sa kan Muysis, “Pagtukad kawu ataytag sa kangku sa babaw bantud ag pag-alagad, dahil iayaw niku sa kanmu ti manga maralapi batu sinuratan niku kang kasuguan ag surundanun hampay itudlu sa manga tawu.”

Pag-ighit 25:22

Pumasampak aku sa kanmu ati sa karaw-an duwa ka kirubin ati sa babaw Kaban, ag ipakaun niku sa kanmu ti tanan sugu para sa nasakupan Israil.

Pag-ighit 29:42

Inda pag manga handug pagsunugun kailangan ihandug sirang-sirang tugka sa sunud pag manga sinulput tawu. Ihandug niyu inda sa atubangan niku, ati sa may sabian Turda Taragbuan nu naan aku pag pumakihampang sa kanmu ag pumasampak sa manga Israilita. Bumaliw banal inda pag Turda dahil sa kadayawan niku.

Pag-ighit 3:4

Pagka nakitan Panginuun magpakarani si Muysis sa puun kayu hampay bantayan, tinmawag ngap siya sa kan Muysis ati ginan sa karaw-an puun kayu, “Muysis, Muysis!” Sinmagut si Muysis, “Hintay duy ati?”

Pag-ighit 33:7

Naugalian yi ni Muysis magpatindug Turda arayu sa kampu. Inda pag Turda pag-ingarnan Turda Taragbuan. Mag-atag sa inda pag Turda una si unu ti may gustu maalaman ti nalub-anan Panginuun.

Pag-ighit 39:32

Natapus ti tanan buruwatun sa Turda Tiripnan pag-ingarnan diman Turda Taragbuan. Binuwat manga Israilita ti tanan isinugu Panginuun sa kan Muysis.

Pag-ighit 40:29

bag-u ipinauli niya ati sa arani sabian ti harandugan handug pagsunugun. Bag-u naghandug siya sa inda pag harandugan manga handug pagsunugun hanggan manga handug pasalamat sa Panginuun. Binuwat niya inda tanan angay sa isinugu Panginuun sa kanya.

Libitiku 7:38

Inda ngani ti manga surundanun ipinakaun Panginuun sa kan Muysis ati sa pangawakawaan sa Bantud Sinai, sa sirang katpung nagsugu siya sa manga Israilita paghandug sa kanya.

Libitiku 9:16

Bag-u dinara diman niya tag sa karaw-an ti hayup para sa handug pagsunugun, ihinandug niya inda angay sa surundanun sa inda pag handug.

Bilang 1:1

Katpung un-an pag sirang sa ikadwa pag bulan, sa ikadwa pag timpu ginan sa kay nagluwas manga Israilita sa Ihiptu, naghampang ti Panginuun sa kan Muysis ati sa Turda Taragbuan sa pangawakawaan Sinai. Magkun siya,

Bilang 7:89

Nu magsulud si Muysis sa Turda Taragbuan para manhampang sa Panginuun, mag-adnugan niya ti busis maghampang sa kanya ginan sa karaw-an duwa ka kirubin, sa babaw taklub Kaban Kasunduan, ti Ulian Pangaawa. Ati pag maghampang ti Panginuun sa kan Muysis.

Huwan 1:17

Ti Kasuguan ipinadakit ni Muysis sa kanta. Dapat ginan sa kan Hisu-Kiristu pag naalaman nita ti mayad nabubut-un Diyus hanggan ti katutuuhanan tungkul sa kanya.

Diyuturunumiyu 27:6

Kailangan balaw inandasan ti manga batu buwatun niyu harandugan. Bag-u manhandug kamu sa inda pag harandugan manga handug pagsunugun para sa Panginuun niyu Diyus.