Kulusas 4:8 - Hanunuu

⁸ Sinugu niku siya asan tag sa kanyu hampay masulung maan kanyu naisipan nu maalaman niyu kanmi kahamtangan.

Kulusas 4:8 Iomraidhean Croise

Isayas 40:1

Magkun ti Diyus, “Pasulunga ag pabisuga niyu ti nalub-anan niku manga nasakupan.

1 Kurintu 4:17

Nakan sinugu niku tabug sa kanyu si Timutiyu, kang pagmahalun ag matinupadun pag anak sa Panginuun. Siya ti pumaalaala sa kanyu nu kabitay kang manga ugali dahil sa kang pakiusa sa kan Kiristu, parihu diman sa kang pag-itudlu sa una naan pag rugar, sa kada iglisya.

2 Kurintu 1:4

Pinaariwaya niya kita sa tanan nita manga kakurian hampay kita maan makaawat sa tanan may manga kakurian dahil sa kanta maariwaya pag naisipan kanta tinanggap ginan sa Diyus.

2 Kurintu 12:18

Kang hinampang si Titu hampay umasan sa kanyu, kang gid ipinaiba sa kanya ti usa ka patar-ari. Nagsarig lang aw lugud si Titu sa kanyu? Unman aw lugud kanmi ugali angay sa usa lang ka Ispiritu, unman aw usa lang kanmi buruwatun?

2 Kurintu 2:7

Taynguna patawada yi niyu siya, sayahun niyu barang kay karukuan rargu ikalubay niya sarig.

Ipisu 6:22

Nakan pagsuguun niku siya asan tag sa kanyu hampay maalaman niyu kanmi kahamtangan ag hampay bumisug kanyu tagipusuun.

Pilipus 2:28

Nakan ngani kang gid gustu pag-atag siya sa kanyu hampay nu makakit kamu sa kanya, makabaya maan kamu ag hampay mab-ul waydi kang karukuan.

Kulusas 2:2

Nakan katida kang pagbuwatun hampay rumig-un kanda tagipusuun ag hampay sida paminsanun sa pagmahal. Nu katida may kang-ud sida pag-intindi sa katutuuhanan bag-u kilalan-un nida si Kiristu, imaw ti madalum pag katutuuhanan kaybi ginan udwaya ipinaburayhaw Diyus.

1 Tisalunika 2:11

Alam yi waydi niyu kami bilang ga kanyu yi ama sa kada usa sa kanyu.

1 Tisalunika 3:2

ag nu suguun tag sa kanyu kanta patar-ari si Timutiyu. Parihu diman ga kanmi siya pinili waydi Diyus hampay manugtudlu Mayad pag Barita tungkul sa kan Kiristu. Sinugu nimi siya hampay parig-unun niya kamu ag hampay pabisugun kamu sa kanyu pagsarig sa Panginuun,

1 Tisalunika 3:5

Nakan ngani pagka udyi aku makaagwanta, sinugu niku si Timutiyu hampay makaalam barita tungkul sa kahamtangan taynguna niyu pagsarig sa Panginuun. Nag-isip aku barang natuksu kamu diyablu. Nu abi katida ti nangyari, nabul-an yi lang halaga kanmi nagpangabudlay.

1 Tisalunika 4:18

Nakan ngani pagpalasulungan kamu sa usa kag sa usa dahil sa inda pag manga tudlu.

1 Tisalunika 5:11

Nakan parargu kamu sa magpaalalahanan hanggan sa magpararig-unan sa usa kag sa usa parihu sa pagbuwatun yi waydi niyu taynguna.

1 Tisalunika 5:14

May sabihun waya gid kami sa kanyu, manga patar-ari. Paalalahani gid niyu ti manga bugyahin, pabisuga niyu ti manga malumuy kay sarig, sagabaya niyu ti udyi kakaya, agwantahi niyu sida tanan.

2 Tisalunika 2:17

Kanmi pag-idarangin kamu hampay pakan-an kamu marig-un pag naisipan agud kanyu pagbuwatun hanggan pagbagawun lunsay kaayadan.