Kulusas 4:5 - Hanunuu

⁵ Pagmadunung kamu sa kanyu pakiusa sa manga unman may sarig sa kan Kiristu. Danga ipalawuy niyu nu may rugar tumultul sa kanda.

Kulusas 4:5 Iomraidhean Croise

Kanta 90:12

Paintindihan sa kanmi dag-ud lang kanmi buhi, hampay dumunung kami sa kanmi magkabuhi.

Danyil 2:8

Nagbagaw ti hari, “Alam niku pagpadugay-dugayun lang niyu ti udas dahil alam niyu tupadun gid niku kang sinabi sa kanyu,

Matiyu 10:16

Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.

Markus 4:11

Bag-u magkun siya sa kanda, “Sa kanyu pag iinintirga ti katutuuhanan unman waya niburayhaw tungkul sa kaharian Diyus. Dapat sa manga sa luwas paggamitun niku ti manga pahalimbawa sa kang magtudlu,

Ruma 16:19

Nilantag yi ti barita tungkul sa kanyu magsunud sa kan Kiristu, nakan magbaya gid aku sa kanyu. Dapat kang gustu pagmadunung kamu tungkul sa mayad, danga pagbatia ti daut.

Kulusas 3:16

Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

1 Tisalunika 4:12

Nu katunda, galangun kamu manga tawu udwaya magkilala sa Panginuun. Usa sa siti, danga niyu isarig sa iba kanyu pangabuhi.

1 Timutiyu 3:7

Kailangan diman siya galangun manga tawu bukun kakampi sa iglisya hampay balaw siya mapuyaan ag dayu siya makasulun sa dit-ag ni Satanas.

Santiyagu 1:5

Dapat una si unu sa kanyu nu kurang sa kadunungan, paghagad siya sa Diyus, bag-u siya pakan-an. Dahil ti Diyus abunda kay pamakaun sa tanan tawu, balaw siya mag-irang.

Santiyagu 3:13

Hintay nguna sa kanyu ti madunung hanggan mapininsarun? Pakitan niya tunda sa kay mayad pag ugali, angay sa mapinakumbabaun pag kadunungan.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 3:1

Kamu duy pag manga babayi, pagpasakup kamu sa kanyu sadili asawa, hampay una si unu sa kanda nu udwaya magpaniwala sa Bagaw Diyus, miabay diman sumarig, dahil sa kanyu mayad pag ugali una balaw yi may patapil paliwanag sa kanda.