Kulusas 4:3 - Hanunuu

³ Kada kamu magdarangin, idarangin diman niyu kami hampay pakan-an kami Panginuun rugar sa makatudlu kay Bagaw ag hampay maipakilala ti madalum pag katutuuhanan ni Kiristu. Dahil sa kang magtudlu nakan aku pinirisu taynguna.

Kulusas 4:3 Iomraidhean Croise

Matiyu 13:11

Sinmagut si Hisus, “Ipinahintulut sa kanyu ti makatau sa manga katutuuhanan unman nihayag tungkul sa kaharian langit, dapat unman ipinahintulut inda sa kanda.

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

1 Kurintu 16:9

Dahil may rugar gid aku magtudlu bagaw Panginuun sitay taynguna, hampay tumanggap ti manga tawu, dapat mayamu diman waydi tiglaban.

1 Kurintu 4:1

Kailangan duy kilalan-un niyu kami kay manga suruguun ni Kiristu. Ipiniyar Diyus sa kanmi ti madalum pag katutuuhanan balaw daan ipinaburayhaw sa tawu.

2 Kurintu 2:12

Pagka nag-ati aku sa Turuwas hampay manudlu Mayad pag Barita tungkul sa kan Kiristu, pinakan-an ngap aku Panginuun mayad pag rugar hampay tudluan niku ti manga tawu.

Ipisu 3:1

Nakan magdarangin ngani aku sa kanyu, aku si Pablu ti napirisu dahil sa kan Kiristu Hisus tungkul sa kanyu sa manga balaw Hudiyu.

Ipisu 3:3

Ipinakilala Diyus sa kangku ti madalum pag katutuuhanan udwaya daan ipinaburayhaw ga kang yi isinurat sa kabag-u.

Ipisu 3:4

Sa kanyu magbasa inda maalaman niyu nu kabitay kang mag-intindi sa madalum pag katutuuhanan ni Kiristu.

Ipisu 3:9

Pinili niya aku hampay iadal niku sa tanan tawu nu kabitay pag matupad ti paggayakun Diyus unman daan ipinaburayhaw niya. Inda kaybi di waya ginan unman gid ipinaalam Diyus, imaw ti naglalang tanan bagay.

Ipisu 4:1

Nakan aku, ti usa ka napirisu dahil sa kang magsirbi sa Panginuun, magsabi sa kanyu, pag-ugali kamu angay sa mayad pag ugali manga pinili Diyus.

Pilipus 1:19

dahil alam niku pihu di gid aku palpasan aban ginan sa pirisuhan, dahil aku kanyu pag-idarangin ag dahil sa kang-ud pag awat ginan sa Ispiritu ni Hisu-Kiristu.

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Kulusas 1:26

Imaw yi ti madalum pag katutuuhanan, kaybi di waya ginan sa kadugayan pag panahun unman waya nipaburayhaw niya sa manga linahi, dapat taynguna ipinaalam yi Diyus sa manga nasakup sa kanya.

Kulusas 4:18

Aku si Pablu ti may surat inda pag kamusta. Alalahana di niyu aku sa pirisuhan. Pagsa kanyu ti papalad Diyus.

1 Tisalunika 5:25

Kami pagdaranginan waydi niyu, manga patar-ari.

2 Timutiyu 1:16

Pag-idarangin niku ti magtal-anakan ni Unisipuru hampay kaawaan sida Diyus. Balaw di kas-a sinaya niya aku. Balaw aku kinay-ahan niya madi aku pirisu.

2 Timutiyu 2:9

Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Pilimun 1:22

Aku handai yi gid kang madayunan, dahil aku magsarig yi gid pihu yi pahintulutan Diyus aku makabalik asan tabug sa kanyu, parihu diman sa kanyu paghagadun sa Panginuun.