Kulusas 4:2 - Hanunuu

² Danga magsuku kamu sa magdarangin. Pangungud kamu sa darangin pag may pasalamat.

Kulusas 4:2 Iomraidhean Croise

Hub 15:4

Dapat ti kanmu manga pagbagawun makapaturun sa tawu hampay unman yi maggalang ag manirbi sa Diyus.

Kanta 109:4

Una mag-upud aku sa kanda, pagkalabanun nida aku; dapat pag-idarangin niku sida.

Matiyu 26:41

Pagmaimatahan kamu, pagdarangin gid hampay kamu balaw madara sa tuksu. Ti naisipan mana alistu, dapat ay ti bilug malumuy.”

Markus 13:33

Pag-aman kamu paglagi handa kamu dahil unman niyu alam nu kapira pag mangyari tunda.

Lukas 18:1

Itinultul ni Hisus sa kay manga tuludluan ti usa ka halimbawa, kay gustu sabihun kailangan sida magdarangin pirmi, danga maglubay kanda naisipan.

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Binwat 1:14

Pirmi sida tanan magtiripun sa darangin. Una manga babayi napaminsan sa kanda hanggan si Marya kay ina ni Hisus hanggan kay manga patar-ari lalaki ni Hisus.

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

Kulusas 2:7

Pagga may gamut tulusan kamu sa kanya ag isarig niyu kanyu buhi sa kanya. Pagpakarig-un kamu sa kanyu pagsarig angay sa itinudlu sa kanyu. Pagpirmi yi gid kamu pagpasalamat sa Diyus.

Kulusas 3:15

Pagpasakup kamu kanyu tagipusuun sa kahusayan kay pakaun ni Kiristu. Kamu binutung Diyus sa inda pag kahusayan, hampay kamu magkabuu usa ka bilug. Kailangan kamu pagpasalamat sa Diyus.

Kulusas 3:17

Una hintay kanyu buwatun, una sa bagaw una sa buruwatun, buwata niyu ti tanan angay sa kanyu pakiusa sa Panginuun Hisus. Sa panab-anan diman niya pagpasalamat kamu sa Diyus Ama.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

1 Samwil 1:12

Habang parargu kay magdarangin ni Hana sa Panginuun, nakitan ni Ili magtibtibut kay bibig ni Hana dapat unman mag-asaydan kay pagsabihun. Kay isip ni Ili langu si Hana.

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.