Kulusas 4:18 - Hanunuu

¹⁸ Aku si Pablu ti may surat inda pag kamusta. Alalahana di niyu aku sa pirisuhan. Pagsa kanyu ti papalad Diyus.

Kulusas 4:18 Iomraidhean Croise

Ruma 16:20

Diyus di ti magpakaun kahusayan. Dayi dumugay taluhun yi lubus niya si Satanas ga ipauli lang sa sirung niyu raprapa. Pagsa kanyu ti papalad nita Panginuun Hisu-Kiristu.

Ruma 16:22

Aku si Tirsiyu ti nagsurat kan Pablu bagaw. Magpaingana aku waydi sa kanyu sa ngaran Panginuun nu kabitay kamu asan.

Ruma 16:23

Hanggan si Gayu magpaingana waydi nu kabitay kamu asan. Kay balay ni Gayu kang pagdayunan. Sa inda diman pag balay pag magtiripun ti buu iglisya. Magpaingana waydi sa kanyu si Irastu ti kasuriru banwa. Hanggan kanta patar-ari si Kuwartu magpaingana waydi sa kanyu nu kabitay kamu asan. [

1 Kurintu 16:21

Aku si Pablu ti nagpirma inda pag surat. Mahal aw waydi kamu asan?

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Kulusas 4:3

Kada kamu magdarangin, idarangin diman niyu kami hampay pakan-an kami Panginuun rugar sa makatudlu kay Bagaw ag hampay maipakilala ti madalum pag katutuuhanan ni Kiristu. Dahil sa kang magtudlu nakan aku pinirisu taynguna.

2 Tisalunika 3:17

Aku gid ngap si Pablu ti nagsurat inda pag pangamusta: Kamusta kamu tanan. Inda yi kang pirma sa tanan niku manga surat. Kainda di kangku pag panurat.

1 Timutiyu 6:21

Dahil ti manga magpadunungun nagtalang ngap ginan sa kanda pagsarig sa kan Kiristu. Pagsa kanyu tanan ti papalad Diyus.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

2 Timutiyu 4:22

Pagsa kanyu ti Panginuun hanggan ti papalad niya.

Titu 3:15

Pagpaingan-un kawu tanan niku manga kaibahan nu kabitay waydi kawu asan baliwa. Ipadakit waydi nimu kang kamusta asan sa tanan magsarig pag manga patar-ari. Pagsa kanyu tanan ti papalad Diyus.

Hibriyu 13:25

Pagsa kanyu tanan ti papalad Diyus.

Hibriyu 13:3

Pagpadamay kamu sa manga napirisu ga kamu diman napirisu kaibahan nida. Pagpasunaid kamu sa kanyu sadili bilug tungkul sa manga pag-unuunuhun.