Kulusas 3:9 - Hanunuu

⁹ Danga kamu magpuludilan sa usa kag sa usa, dahil linukas yi niyu ti daan pagkatawu hanggan ti daan pag manga ugali.

Kulusas 3:9 Iomraidhean Croise

Kabagawan 13:5

Ti matadlung pag tawu magkagalit sa magpudil, dapat ti daut pag tawu magbuwat makakaray-a pag manga bagay.

Isayas 63:8

Magkun ti Panginuun, “Tutuu gid sida ngani kang nasakupan; manga anak niku sida balaw mamudil sa kangku.” Nakan ngani, kay irinibri sida.

Libitiku 19:11

Danga kamu magtakaw, hanggan magpudil, aw ngatay magpandaya sa kanyu kaparihu.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Sakaryas 8:16

Inda ti dapat niyu buwatun: Pagsabi kamu kay tutuu sa usa kag usa. Paghusay kamu kay tutuu sa balay hurusayan para sa ikamayad tanan.

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

Ruma 6:6

Alam nita ti daan nita pagkatawu ipinaku sa kurus kaibahan ni Kiristu, hampay udyi may kapangyarihan kanta pagkatawu makasalanan ag sa udyi kita baliwun panawuhun kasalanan.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Ipisu 4:25

Nakan ngani ti kada usa sa kanyu pag-ampu sa kapudilan, parihu sa pagsabihun sa Banal Kasuratan magkun, “Ti kada usa kailangan pagbagaw katutuuhanan sa kay patar-ari.” Dahil kita tanan minsan kay manga gamit bilug ni Kiristu.

Kulusas 3:8

Dapat kainda, patlikudi yi niyu ti tanan inda, ti galit, ti pusuk yi pag isug, ti magkutub daut. Iwasi yi gid niyu ti pagmuransa, ti mayagting pag baragawun.

1 Timutiyu 1:10

sa manga mag-uragin, sa manga magkaibug sa kaparihu lalaki, sa manga manugdagit sa tawu, sa manga pudilun, sa manga magsumpa sa kapudilan ag nu may imaw waya tuhay pag buwat balaw angay sa marinu pag tudlu.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.