Kulusas 3:8 - Hanunuu

⁸ Dapat kainda, patlikudi yi niyu ti tanan inda, ti galit, ti pusuk yi pag isug, ti magkutub daut. Iwasi yi gid niyu ti pagmuransa, ti mayagting pag baragawun.

Kulusas 3:8 Iomraidhean Croise

Kanta 37:8

Danga kawu magkagalit ngatay magkadaut sa kanda. Danga kawu magkasamuk, dahil makapadaut lang tunda sa kanmu.

Kabagawan 17:14

Ti umpisa arawayan parihu sa buslut tangki danum. Tapali inda sa udwaya magdaka.

Kabagawan 19:19

Pabay-ani managut sa kay pagbuwatun ti tawu madali magalit, dahil nu awatan nimu siya, ulitun maan niya inda.

Kabagawan 29:22

Ti tawu madali magalit makapaumpisa sa kaguluhan, ag pirmi lang siya magsalan.

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Markus 7:22

ti magpamabayi, ti magpanlalaki, ti maghirak, ti manga kadautan, ti magdaya, ti pasay daut pag kagustuhan, ti daut pag naisipan ginan sa kahirakan, ti manga magmuransa, ti palabi-labihun, ti kalukuhan.

Ruma 13:13

Pag-ugali sa mayad dahil sa karayawan yi kita, danga pag-abalaha ti udas sa maglangu, sa magulu pag kasulungan, danga pagpasibut-i ti sadili daut kagustuhan pagkatawu, una sa kahalayan, una sa irisgan, una sa hirirakan.

1 Kurintu 3:3

Dahil una kainda kamu magpatingi waya sa kanyu sadili kagustuhan pagkatawu. Nu kamu maghirirakan hanggan magtalaluhan unman aw lugud kamu mag-ugali angay sa kanyu sadili kagustuhan pagkatawu? Unman aw lugud kanyu pagsundan ti manga kaugalian manga tawu magpatingi lang sa kanda sadili kagustuhan?

2 Kurintu 12:20

Magkadala aku barang nu asan tabug aku sa kanyu, may makitan aku manga bagay balaw angay sa kang gustu. Una kamu barang may makitan waydi sa kangku balaw angay sa kanyu pag gustu. Barang maras-ugan niku kamu mag-arawayan, maghirirakan, magpuruyaan, maglilibakan, magpalalabi-labihan, ag magkalaguluhan.

Galasya 5:15

Dapat nu kamu ga hayup magkaragtan magsiribaan, barang mapapas kamu.

Galasya 5:20

ti magsamba sa diyus-diyusan, ti magpadaya, ti magkutub daut, ti magkagalit, ti mag-imun, ti magkaradat-an, ti maramuun, ti magkinanya-kanya yi isip, ti mag-arapinan,

Galasya 5:26

Danga kita palabi-labihun, maraaway, danga kita maghirirakan.

Ipisu 4:22

Tayaki yi niyu kanyu daan pag ugali. Bul-a yi niyu kanyu daan pagkatawu mag-idamhak dahil sa daut pag kagustuhan naisipan.

Ipisu 4:25

Nakan ngani ti kada usa sa kanyu pag-ampu sa kapudilan, parihu sa pagsabihun sa Banal Kasuratan magkun, “Ti kada usa kailangan pagbagaw katutuuhanan sa kay patar-ari.” Dahil kita tanan minsan kay manga gamit bilug ni Kiristu.

Ipisu 4:26

Nu abi kamu magkagalit, danga subra hampay kamu balaw magkasala. Danga niyu pagpabay-ani danga pagpaaputan malambung kanyu galit.

Ipisu 4:29

Danga kamu magbagaw daut, pag-isipa pirmi kanyu baragawun tunda ikamayad, insaktu sa kay udas, hampay makinabangan manga nakadnug.

Ipisu 5:4

Danga yi pagpakan-i rugar una hintay pag mahalay, una manga harampangan ud may kabuluhan, una ti harakutan ud may pulus. Bagkus ngap pagpasalamat gid kamu sa Diyus.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

Kulusas 3:9

Danga kamu magpuludilan sa usa kag sa usa, dahil linukas yi niyu ti daan pagkatawu hanggan ti daan pag manga ugali.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

1 Timutiyu 1:20

Katunda diman sida ni Himiniyu ni Alihanduru. Ipinabahala niku sida sa kan Satanas hampay sida magkariga yi danga yi maglapastangan sa Diyus.

Hibriyu 12:1

Naglibut sa kanta ti aduk pag tawu manga maghiling. Nakan pagtayaki yi nita tunda pag manga buwat mag-ampara sa kanta pagsunud lalu hanggan una hintay pag kasalanan magsambur. Pangungud yi kita sa kanta maglakaw sa dalan inalistu Panginuun.

Santiyagu 2:7

Unman aw lugud sida diman tigbagaw daut pag bagaw laban sa makamaskihan pag ngaran nagsakup sa kanyu?

1 Pidru 2:1

Nakan ngani tayaki yi niyu ti tanan pag kadautan, ti tanan buwat sa magdaya, una ti magpabalhinguun, una ti maghirak, una ti magmuransa, tayaki yi niyu tunda.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

2 Pidru 2:7

Dapat irinibri niya si Lut dahil siya matadlung. Irinuku gid ni Lut ti mahalay pag ugali manga magbuwat kadautan.

Hudas 1:13

Sida ga manga humbak sa dagat, pagbulwatun nida kanda kahalayan, ga manga talang pag pamgasan. Kanda patabgan pihu gid atag sa masyadu kadudulman hanggan aban.

Hudas 1:8

Kumun diman tunda pag manga pudilun pag manga manugtudlu. Dahil sa kanda manga tagin-up, pirmi pagpayagtingun ngap nida kanda sadili bilug, ipagpasipala nida ti kamaskihan Diyus, pagmuransahun nida ti manga makapangyarihan sa langit.

Ipinakakit 16:9

Napalian ngani sida masyadu pag init, dapat sinaadan waya nida kay ngaran Diyus madi siya ngap ti may kamaskihan magpadara katunda pag manga kahigpitan. Unman nag-ampu sida sa kanda manga kasalanan ag unman diman waydi nagdayaw sida sa Diyus.