Kulusas 3:5 - Hanunuu

⁵ Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

Kulusas 3:5 Iomraidhean Croise

Pag-ighit 37:22

Ti manga pamarinu hanggan ti manga sanga kinamhan kaibahan sa pagbuwat kay bilug palaulian sulu.

Matiyu 15:19

Dahil ginan ngani sa tagipusuun ti manga daut pag naisipan, ti maglibun sa tawu, ti mag-uragin, ti magpamabayi, ti magpanlalaki, ti magtakaw, ti magkastigus sa bukun tutuu, ti magmuransa.

Ruma 1:26

Nakan pinasibut-an sida Diyus sa mahalay pag kagustuhan nida naisipan. Una manga babayi nagdayu yi sa natural pag malahalan sa lalaki tag sa babayi bag-u kaparihu ngap babayi tigkaraibgan.

Ruma 1:29

Nasakup yi sida tanan kalasi kadautan, kalukuhan, maramuun, daut pag naisipan. Punu sida kainggitan. Nag-ugali sida sa maglibun tawu, sa magtalaluhan, sa magdaya hanggan sa maglupig. Sida maglibak daut,

Ruma 6:13

Danga niyu ipasakup sa kapangyarihan kasalanan una naan pag bahagi bilug niyu para gamit sa kadautan. Bagkus ngap pasakup kamu sa Diyus. Kamu pag manga namatay yi ag binuhi uman, ipakaun niyu sa Diyus kanyu buu pagkatawu hampay gamit yi sa katadlungan.

Ruma 6:6

Alam nita ti daan nita pagkatawu ipinaku sa kurus kaibahan ni Kiristu, hampay udyi may kapangyarihan kanta pagkatawu makasalanan ag sa udyi kita baliwun panawuhun kasalanan.

Ruma 7:23

Dapat naungdan niku may tuhay pag magpangyari sa manga gamit niku bilug laban sa mayad pag kagustuhan niku naisipan. Nakan aku sinakup kapangyarihan kasalanan nangulian sa manga gamit niku bilug.

Ruma 7:5

Kaybi kanta mag-ugali waya angay sa kanta daan pagkatawu. Pinulaw Kasuguan kanta makasalanan pag kagustuhan imaw ti nag-udyuk sa kanta hampay magamit kita kamatayan kay yi suruguun sa pagbuwat kadautan.

Ruma 8:13

Dahil nu mag-ugali kamu angay lang sa sadili niyu kagustuhan pagkatawu pihu kamu mamatay. Dapat nu sa panab-anan kapangyarihan Ispiritu pagmatyun niyu ti buruwatun angay sa sadili kagustuhan niyu pagkatawu, magkabuhi kamu.

1 Kurintu 5:1

May nakadangat barita sa kangku kuntay masyadu daut pag nangyari. Usa sa kanyu magpanguragin tabug sa kay ina ulung. Una sa manga unman nakatanggap unman may magpanguragin katida.

1 Kurintu 6:11

Kaybi ti iba sa kanyu katida diman waydi dapat taynguna inugasan yi kanyu kasalanan, sakup yi kamu sa Diyus dahil sa Ispiritu nita Diyus. Nakilala yi kamu Diyus kuntay manga matadlung dahil sa kapangyarihan Panginuun Hisu-Kiristu hanggan dahil sa Ispiritu nita Diyus.

1 Kurintu 6:13

Mahimu sumabi ti iba, “Ti manga karan-unun para sa tiyan. Ti tiyan para sa manga karan-unun, dapat parihu duraun di Diyus una ti tiyan, una ti manga karan-unun.” Ti bilug tawu balaw para sa panguragin, nu unman bagkus ngap para sa Panginuun gid. Ag ti Panginuun para sa bilug.

1 Kurintu 6:18

Pag-iwas kamu sa panguragin. Ti tanan kasalanan nu pagbuwatun tawu, iba ti mag-idamhak sa kakurian dapat tigpanguragin midamhak ngap kay sadili bilug.

2 Kurintu 12:21

Magkadala aku nu asan tabug maan, barang pakay-ahun aku niku Diyus sa kanyu atubangan. Nu katunda kang gid ikalumi ti kayagtingan, ti panguragin hanggan kahalayan udwaya ipinatawad unman diman waya iinampu.

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Ipisu 4:19

Nalagum sida sa kahalayan, udyi may kauyaan una wadi sa hintay, udyi sida may pagbuwatun mayad, nu unman pasay yi lang kahalayan.

Kulusas 2:11

Dahil sa kanyu pakiusa sa kan Kiristu, ga tinuri yi kamu, balaw sa kanyu bilug pag tinuri nu unman dahil kamu irinibri sa daut kagustuhan niyu sadili pagkatawu. Inda ti ga tinuri ginan sa kan Kiristu.

1 Tisalunika 4:3

Inda yi ngani ti kagustuhan Diyus, paglubus yi kamu pasakup sa Diyus ag pagpakarayu kamu sa kahalayan.

1 Tisalunika 4:5

Danga kay sadili daut pag kagustuhan ti pagtupada, danga parihu sa ugali manga unman magsarig sa Diyus.

1 Timutiyu 6:10

Dahil ti hangad sa kuwarta imaw ti gimpuunan tanan kadautan. Dahil may manga tawu maraibgun sa kuwarta nagsimray sa kanda pagsarig, nagpakaun sida kakurian sa kanda sadili buhi.

Hibriyu 12:16

Pagdahan kamu hampay unman may mag-uragin sa kanyu ag hampay unman may tawu asan ga kan Isaw. Unman pinahalgaan niya ti kaayadan Panginuun. Ibinalyu kabay niya kay karampatan bilang panganay sa usa ka pinggan karan-unun.

Hibriyu 13:4

Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

Hibriyu 13:5

Danga kamu mag-ugali maraibgun sa kuwarta. Pagmasulung yi lang kanyu naisipan sa kanyu kahamtangan. Dahil Diyus diman ti may sabi magkun, “Una sa hintay ngarana balaw pakurangan niku kawu, una sa hintay ngarana unman gid pabay-anan niku kawu.”

Santiyagu 4:1

Hintay nguna kanyu pagpun-an irisgan nakan mag-arawayan? Unman aw lugud ti daut pag manga kagustuhan namugad sa kanyu nalub-anan sa kada usa sa kanyu? Nakan pudu lalabanan basad naisipan.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.