Kulusas 3:4 - Hanunuu

⁴ Si Kiristu ti tutuu pag buhi. Nu miburayhaw siya aban, miburayhaw diman hanggan kamu kaibahan niya, miusa sa kadayawan niya.

Kulusas 3:4 Iomraidhean Croise

Kanta 17:15

Dapat aku inda makakit sa kanmu dahil unman aku may nabwat kasalanan. Sa kang pag-ipulaw makabaya gid aku makakit sa kanmu.

Kanta 73:24

Paggiyahan nimu aku sa panab-anan nimu manga patigayun, pagkatapus darahun nimu aku sa mayad gid pag kahamtangan.

Matiyu 13:43

Ti manga matadlung rumayaw ga init sa kaharian nida Ama. Ti may tuli kailangan pagpatingi.”

Lukas 17:30

Katunda diman nu miburayhaw yi aban ti Anak Tawu.

Huwan 11:25

Bag-u sinabi ni Hisus sa kanya magkun, “Sa kangku gid ginan duy pag mabuhi uman ti tawu. Aku diman ti gimpuunan buhi. Una abi mamatay ti tawu, nu siya magsarig sa kangku, balaw maduraan siya buhi.

Huwan 14:3

Nu aku makaati makahanda yi kanyu ulian, bag-u bumalik maan aku, kamu kang yi bul-un hampay minsan kamu sa kang ulian.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 17:24

“Amang, iinintirga nimu sida sa kangku. Kang gustu nu naan aku, pagsiyun diman sida sa kangku hampay makitan nida kang kadayawan kanmu ipinakaun sa kangku. Dahil pagka udwaya linalang ti kalibutan daan di kawu nagmahal sa kangku.

Huwan 20:31

Dapat inda kang isinurat hampay kamu magpaniwala si Hisus yi ngani ti Pinili Diyus Manugribri pag Hari, ti Anak Diyus. Dahil nu katunda kanyu pagsarig, kamu may tutuu pag buhi sa kanyu magpakiusa sa kanya.

Binwat 3:15

Kanyu minatay si Hisus ti gimpuunan buhi. Dapat binuhi maan siya Diyus ginan sa kamatayan. Nakitan gid nimi tunda.

Ruma 8:18

Sa sadili isip niku ti paglakawan nita kakurian kainda pihu unman tumimbang sa kadayawan miburayhaw aban sa kanta.

Ruma 8:19

Ti tanan linalang Diyus magpatigagad yi gid sa kaudasan nu mipaburayhaw yi Diyus aban kay manga anak niya.

1 Kurintu 1:7

Nakan kang-ud yi gid ti tanan pakaun Diyus kanyu natanggap hanggan sa kanyu mag-alagad waya sa kay pagras-ug nita Panginuun Hisu-Kiristu.

1 Kurintu 15:43

Pag-ilubung balaw may karinuan ag may kalumuyan, dapat nu buhiun uman may karinuan ag may kabisugan yi ngap.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Pilipus 3:21

Gamitun niya kay kamaskihan hampay kanta malumuy pag ginhawa bag-uhun niya agud pumarihu sa kay sadili bilug may kadayawan. Tunda pag kamaskihan imaw diman kay paggamitun hampay masakup niya ti tanan pag manga bagay tabug sa kay sadili.

1 Tisalunika 4:17

Kita ti manga buhi waya tipunun niya sa manga rurum ipaminsan sa manga nabuhi uman hampay sulangun ti Panginuun sa panungaan langit. Bag-u kaibahan yi niya kita sa kay arani hanggan aban.

1 Timutiyu 6:14

tupada nimu ti katungkulan iinintirga sa kanmu, pagmalumpiyu kam tagipusuun sa unman may ikasabi sa kanmu hanggan sa ud rumas-ug kanta Panginuun Hisu-Kiristu.

2 Timutiyu 1:1

Inda ti may surat si Pablu. Aku ti kinaibgan Diyus hampay apustul ni Kiristu Hisus para manudlu aku tungkul sa buhi kay itinaratu Diyus sa kanta dahil sa kanta pakiusa sa kan Kiristu.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.

1 Huwan 2:28

Kamu duy pag manga tuludluan niku, dagpablag gid kamu ginan sa kan Kiristu, hampay nu miburayhaw siya, balaw kita magkadala ag hampay kita balaw mangay-a sa kay atubangan sa kay pagras-ug aban.

1 Huwan 3:2

Taynguna duy, kita manga anak yi ngani Diyus. Udwaya ipinaburayhaw Diyus sa kanta nu kabitay kita aban. Dapat maalaman diman nita nu miburayhaw aban si Kiristu, kita parihu diman waydi ga kanya, dahil makitan yi gid nita siya kay histuda.

1 Huwan 5:12

Ti tawu nu inulianan Anak Diyus, may tutuu pag buhi siya unman may katapusan. Dapat nu unman inulianan Anak Diyus ti tawu unman siya may tutuu pag buhi.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.