Kulusas 3:19 - Hanunuu

¹⁹ Kamu pag manga lalaki, pagmahala gid niyu kanyu sadili asawa, danga sida pag-unuunuha.

Kulusas 3:19 Iomraidhean Croise

Gimpuunan 24:67

Bag-u dinara ni Isaak si Ribika sa turda sa pag-ulian kaybi niya ina ni Sara. Naasawa niya si Ribika ag pagmahalun gid niya inda. Nakan nahimasmasan ti karukuan ni Isaak sa pagkamatay niya ina.

Manugtudlu 9:9

Pagmasulung kawu kaibahan kanmu pagmahalun pag asawa, sa buu nimu buhi unman may pulus ti ipinakaun Diyus sa kanmu sitay sa kalibutan. Nakan para inda sa kanmu, sa kanmu magpangabudlay sitay sa kalibutan.

Lukas 14:26

“Una si unu pag tawu ti pumakarani sa kangku dayu mahimu kang tuludluan nu ipalabi niya kay ina hanggan kay ama, kay asawa, kay manga anak hanggan kay manga patar-ari, una kay sadili.

Ruma 3:14

Kanda bibig marasuy-aw, masakit kanda pinamagawan.

Ipisu 4:31

Bul-a yi niyu ti magkutub daut, ti pusuk yi pag isug hanggan ti galit. Danga kamu magpamarahak, una magpuya, danga yi may hamnu galit.

Ipisu 5:25

Kamu pag manga lalaki, mahalun niyu kanyu sadili asawa babayi parihu diman sa kay pagmahal ni Kiristu sa iglisya. Ipinakaun kabay niya kay buhi, namatay siya para sa iglisya,

Ipisu 5:33

Dapat inda may ibug sabihun diman tabug sa kanyu sa kada usa. Ti kada lalaki kailangan mahalun niya kay sadili asawa, pagga kanya diman sadili. Ti kada babayi kailangan paggalang sa kay sadili asawa lalaki.

Kulusas 3:21

Kamu kay manga ama, danga waydi subra kanyu mag-irang sa kanyu manga anak, barang manlubay ngap kanda naisipan.

Santiyagu 3:14

Dapat kamu nu mahinirakun ag maramuun kanyu tagipusuun, danga waydi niyu iyabang tunda, danga waydi ipaulam ti katutuuhanan.

1 Pidru 3:7

Kamu waydi manga lalaki, pagpasunaid kamu sa kanyu sadili asawa dahil udyi ga lalaki kanda kaya. Parihu diman sa kanyu may karampatan sida sa buhi unman may katapusan kay ipinakaun Diyus sa kanyu. Nu katida kanyu ugali udyi may sumigaud sa kanyu darangin.