Kulusas 3:18 - Hanunuu

¹⁸ Kamu pag manga babayi, pagpasakup kamu sa kanyu sadili asawa, dahil katida gid ti angay sa kanyu pagsarig sa Panginuun.

Kulusas 3:18 Iomraidhean Croise

Gimpuunan 3:16

Sinabi diman niya sa babayi, “Dahil sa kanmu binwat, dugangan niku kanmu kakurian sa magbuduy ag malakawan nimu ti masyadu pag sakit sa kanmu magpanganak. Dapat una katida, hangadun di gid nimu kanmu asawa, ag siya ti maghari sa kanmu.”

Istir 1:20

Nu maipabantala yi inda sa buu kaharian pihu gid galangun manga babayi kanda manga asawa ginan sa manga mayaman tugka sa manga pugri.”

Binwat 5:29

Bag-u nagsagut si Pidru hanggan ti iba manga apustul magkun, “Kailangan nimi tupadun ti manga bilin Diyus, balaw ti bilin tawu.

1 Kurintu 11:3

Dapat kang gustu pagmaintindihan niyu si Kiristu tigpamahala sa kada lalaki, ti lalaki magpamahala sa kay asawa bag-u ti Diyus magpamahala waydi sa kan Kiristu.

1 Kurintu 14:34

Ti manga babayi kailangan danga mag-ingay sa katpung tiripun iglisya. Dahil unman pagpasnuan sida magbagaw sa katpung pagtiripun. Kailangan ti manga babayi pagmapinakumbabaun angay sa isinurat sa Kasuguan Diyus.

Ipisu 5:22

Kamu pag manga babayi, pagpasakup kamu sa kanyu sadili asawa, parihu diman sa kanyu magpasakup sa Panginuun.

Ipisu 5:3

Kamu manga nasakup sa Diyus, nakan ngani danga yi magbuwat una magsampit man sa harampangan una kabitay pag kalasi magpanguragin, kayagtingan una manga mahalay pag hilig.

Ipisu 5:9

Dahil ti ugali sa marayaw kay burak lunsay mayad, matadlung hanggan tutuu.

1 Timutiyu 2:12

Unman pasnuan niku ti babayi nu magtudlu sa manga lalaki. Dayu waydi makapamahala siya sa manga lalaki. Kailangan danga mag-ingay siya.