Kulusas 3:16 - Hanunuu

¹⁶ Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

Kulusas 3:16 Iomraidhean Croise

1 Hari 3:28

Pagka nabaritaan nasakupan Israil ti pasya ni Hari Sulumun, daka gid kanda paggalang sa kanya, dahil nakitan nida may kadunungan siya ginan sa Diyus sa pagpanab-anan sa hustu.

1 Krunika 25:7

Sida ag ti kanda manga katawuhan, 288 tanan, manga madunung gid pag manga manugkanta para sa Panginuun.

Nihimyas 12:46

Ginan waya sa panahun ni Hari Dabid ag ni Asap, may imaw yi manga nagtakinan sa manga manugkanta sa pagdayaw hanggan pagpasalamat sa Diyus.

Hub 23:12

Pagtupadun niku pirmi kay sugu, ag paghamnuun niku inda sa kang tagipusuun.

Kanta 119:11

Pag-alagaan niku kanmu bagaw sa kang tagipusuun hampay balaw aku magkasala sa kanmu.

Kanta 119:54

Magkanta aku tungkul sa kanmu manga surundanun una naan aku mag-uli.

Kanta 138:1

Panginuun, manpasalamat aku sa kanmu sa buu niku tagipusuun. Manganta aku manga pagdayaw sa kanmu sa atubangan manga may kapangyarihan.

Kanta 28:7

Kawu ti magpakaun sa kangku kabisugan ag mag-alaga sa kangku ga panangga. Magsarig aku sa kanmu ag pag-awatan nimu aku. Nakan makabaya gid aku ag manganta pasalamat sa kanmu.

Kanta 32:7

Kawu kang palalan-iban; alagaan nimu aku sa udas kakurian, ag sangputun nimu aku manga tawu maghuruyawan sa kabayaan dahil sa kanmu pagribri sa kangku.

Kanta 71:23

Manhuyaw aku sa kabayaan habang magkanta aku manga pagdayaw sa kanmu dahil irinibri nimu aku.

Kabagawan 14:8

Ti tawu madunung mag-intindi nu hintay ti tama ag ti mali alam niya nu unu kay buwatun, dapat ti kabusalan unman may alam pag tawu imaw ti makapatalang sa kanya.

Kabagawan 18:1

Ti tawu makasadili magpablag sa kayamuan ag magsalumpang sa tanan mayad pag kaisipan.

Kanta ni Sulumun 1:1

Ti pinakamarinu pag kanta ni Sulumun.

Isayas 26:1

Sa ati katpung pag sirang inda pag kanta kantahun sa Huda: Marig-un yi kanta banwa! Ti manugribri pag Diyus ga alad batu masangputan sa kanta.

Isayas 30:29

Dapat kamu pag manga nasakupan Diyus manganta, parihu sa pagbuwatun niyu sa yabi sa pista pagdayaw sa Panginuun. Makabaya kamu parihu sa tawu magpatakda sa tunug plawta habang maglakaw atabug sa Bantud Panginuun hampay sambahun siya, ti palalan-iban pag batu Israil.

Isayas 5:1

Manganta aku tungkul sa ubasan niku mahal: May ubasan kang mahal ati sa tagudtud sa maabunu pag daga.

Hirimyas 15:16

Katpung nagbagaw kawu sa kangku, pinatingihan duy niku kawu. Kanmu manga bagaw kang kabayaan, ag aku sa kanmu, Panginuun Diyus Makamaskihan.

Matiyu 26:30

Pagka sida kinmanta kanda dayaw sa Diyus, nag-atag sida sa bantud Ulibu.

Lukas 2:51

Nagkuyug si Hisus sa kay manga gurang tag sa Nasarit. Napasakup siya sa kay manga gurang. Inda tanan pag nangyari itinuduk niya ina sa kay tagipusuun.

Huwan 15:7

Nu kamu minsan di sa kangku ag kang manga bagaw pumirmaminti sa kanyu, mahimu hagadun niyu sa darangin una hintay kanyu magustuhan, pihu ipakaun inda sa kanyu.

Ruma 10:17

Ti tawu dayu waya sumarig nu unman nakadnug siya sa Mayad pag Barita. Makadnug lang ti tawu nu may manudlu tungkul sa kan Kiristu.

Ruma 15:14

Manga patar-ari, lubus aku magpaniwala ud may kurang kanyu kaayadan, may kang-ud kanyu kaalaman ag madunung kamu magparaalalahanan sa usa kag sa usa.

1 Kurintu 14:15

Kabitay nguna kang buwatun? Mandarangin aku ginan sa kang tagipusuun ag may darangin diman ginan sa kang naisipan. Kumanta aku ginan sa kang tagipusuun, ag kumanta diman ginan sa naisipan.

1 Kurintu 14:26

Manga patar-ari, hintay nguna ti ibug sabihun inda tanan? Sa kanyu magtiripun ti usa kumanta, ti usa tumudlu, ti usa magpurupita, ti usa maan bumagaw sa tuhay-tuhay pag pamagaw bag-u may usa maan pumaliwanag sa kay ibug sabihun. Buwatun niyu ti tanan bagay sa ikarig-un iglisya.

Ipisu 1:17

Kang paghagadun sa Diyus nita Panginuun Hisu-Kiristu, sa makamaskihan pag Ama, hampay ipakaun niya sa kanyu ti Ispiritu Banal, imaw ti tumudlu sa kanyu ag pumakakit tungkul sa Diyus hampay makilala niyu siya.

Ipisu 5:17

Pagmabut-anin kamu. Intindiha niyu nu hintay ti kagustuhan Panginuun.

Ipisu 5:19

Pagmirinsanan kamu pagkarantahan Bagaw Diyus, manga magdayaw sa Diyus hanggan manga kanta angay sa kay udyuk Ispiritu. Pagkanta kamu ginan sa kanyu buu tagipusuun, pagdayaw kamu sa Panginuun.

Ipisu 5:26

hampay kay lumpiyuhun sa danum ag sa Bagaw bag-u ipasakup niya sa Diyus.

Kulusas 1:28

Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

Kulusas 4:6

Pawilyun niyu ti manga tawu sa kanyu harampangan. Adalan niyu kaayad nu kabitay masagut niyu ti kada usa sa kanda nu may paingana.

1 Tisalunika 1:8

Dahil balaw lang bagaw Panginuun ti nalantag sa Masidunya ag sa Akaya ginan sa kanyu, hanggan ngap ti barita tungkul sa kanyu pagsarig sa Diyus nibantug diman sa tanan rugar. Udyi kailangan tultulun waya nimi tunda sa manga tawu.

1 Tisalunika 4:18

Nakan ngani pagpalasulungan kamu sa usa kag sa usa dahil sa inda pag manga tudlu.

2 Tisalunika 3:15

Dapat danga waydi niyu ipaparihu siya bilang ga kalaban. Bagkus di ngap paanyua niyu siya bilang ga kanyu patar-ari.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.

Titu 3:6

Ilinubus Diyus sa kanta ti Ispiritu Banal ginan sa kan Hisu-Kiristu sa kanta Manugribri.

Santiyagu 1:5

Dapat una si unu sa kanyu nu kurang sa kadunungan, paghagad siya sa Diyus, bag-u siya pakan-an. Dahil ti Diyus abunda kay pamakaun sa tanan tawu, balaw siya mag-irang.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

Santiyagu 5:13

May tiriisun aw una si unu sa kanyu? Pagdarangin siya. May magbaya aw? Pagkanta siya pagdayaw sa Diyus.

1 Huwan 2:14

Kamu pag manga anak, aku magsurat sa kanyu, dahil nakilala niyu ti Ama. Manga gurangun, nagsurat aku sa kanyu, dahil nakilala niyu siya ti kaybi ginan daan di. Kamu duy pag manga kan-akan, nagsurat aku sa kanyu, dahil kamu manga mabisug, ti Bagaw Diyus nangulian sa kanyu ag kanyu dinaug ti May Puun Kadautan.

1 Huwan 2:24

Ti kanyu nadnugan kaybi ginan pag manga adal duy, danga yi gid paglimti. Nu udyi may kaduraan sa kanyu tagipusuun ti kanyu nadnugan kaybi ginan, udyi waydi may kinaapasan kanyu pakiusa sa Anak hanggan sa Ama.

1 Huwan 2:27

Dapat duy, ipinakaun ni Kiristu sa kanyu ti Ispiritu Banal, imaw ti nangulian sa kanyu. Nakan balaw yi kailangan may magtudlu waya sa kanyu, dahil ti Ispiritu yi gid tigtudlu sa kanyu sa tanan bagay. Kay pag-itudlu Ispiritu balaw pudil, tunda lunsay katutuuhanan ngap. Nakan pagpaniwala kamu sa tudlu Ispiritu, dagpablag kamu ginan sa kan Kiristu.

2 Huwan 1:2

Nakan katida dahil nangulian yi sa kanta ti katutuuhanan, sa kanta di gid, udyi may kaduraan hanggan waya aban.

Ipinakakit 14:3

Magkanta sida usa ka bag-u pag kanta sa atubangan tukawan hari hanggan upat ka linalang may buhi hanggan sa atubangan duwapulu may upat ka gurangun. Unman may makatau sa tunda pag kanta nu ud tunda lang pag usa ka gatus may upatpulu may upat ka libu ka tawu manga linukat ginan sa babaw daga.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.