Kulusas 3:13 - Hanunuu

¹³ Pagparasunaidan kamu. Nu may hinanakit kamu pagparatawadan sa usa kag sa usa. Pinatawad yi kamu Panginuun, nakan kamu pagpatawad diman waydi.

Kulusas 3:13 Iomraidhean Croise

Kabagawan 19:11

Nu marapasunaid kawu, magpakakit lang madunung kawu. Ag nu magpatawad kawu sa nagkasala sa kanmu, makapakaun inda kadayawan sa kanmu.

Matiyu 5:44

Dapat kainda maan kang pagsabihun, mahalun niyu kanyu manga kalaban, idarangin gid niyu ti mag-unuunu sa kanyu,

Matiyu 6:12

Patawada nimu kanmi manga kasalanan, parihu sa kanmi magpatawad sa manga nagkasala sa kanmi.

Markus 11:25

Nu kamu magdarangin bag-u nu may pag-ikadaut kamu sa iba, patawadun dapu niyu siya hampay kamu patawadun waydi niyu Ama sa langit nu kamu nagkasala sa kanya.

Lukas 11:4

Patawada nimu kanmi manga kasalanan dahil pinmatawad waydi kami sa kada tawu may kasalanan sa kanmi. Danga ipalakaw nimu kami sa mahigpit pagsubuk.’ ”

Lukas 23:34

Sinabi ni Hisus, “Amang, patawada duy nimu sida, dahil unman nida alam kanda pagbuwatun.” Bag-u kanda inayaw-ayaw kay manga rutay ni Hisus, kanda waya alinaban sa lunggungan.

Ruma 15:7

Nu kabitay kamu ungud tinanggap ni Kiristu, katunda diman waydi ti buwatun niyu sa kada usa hampay pagdayawun niyu ti Diyus.

2 Kurintu 2:10

Una si unu kanyu pinatawad, pinatawad diman niku. Nu may pinatawad aku, nakan kang pinatawad dahil sa kanyu sa atubangan ni Kiristu.

2 Kurintu 6:6

Kanmi diman ipinakilala kuntay kami kay suruguun Diyus sa mayad nimi pag ugali, sa kaalaman, sa maalumanay, sa mayad pag nabubut-un hanggan sa panab-anan Ispiritu Banal, sa may lubus pagmahal,

Galasya 6:2

Pag-arawatan kamu nu may mabuyat pag dararan-un. Nu katunda kanyu buwatun, matupad niyu ti sugu ni Kiristu.

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

1 Pidru 2:21

Imaw yi ngani kay turunu Diyus sa kanyu pagka kamu pinili niya. Si Kiristu diman nagtiis para sa kanyu, pinakakitan niya kamu mustara hampay kanyu huwadun.