Kulusas 3:12 - Hanunuu

¹² Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Kulusas 3:12 Iomraidhean Croise

Isayas 42:1

Magkun ti Panginuun, “Inda kang pag pabisugun pag manugsirbi. Pinili niku siya ag magbaya aku sa kanya. Asan sa kanya kang Ispiritu, ilantag niya ti katadlungan sa manga nasyun.

Isayas 45:4

Tinawag niku kawu hampay awatan nimu ti Israil kang manugsirbi, ti pinili niku pag nasakupan. Kinilala niku kawu una unman waya nimu aku kilala.

Isayas 63:15

Bantayan duy nimu kami ginan sa langit, imaw kanmu banal ag abwat pag ulian. Naan yi kanmu pasunaid sa kanmi hanggan kanmu ipinakakit pag kamaskihan kaybi sa kanmi? Naan yi kanmu pagmahal ag pangaawa sa kanmi?

Isayas 65:22

Balaw yi kanda manga kalaban ti pumakinabang sa kanda manga balay hanggan manga tanum. Dahil nu kabitay ti puun kayu magkabuhi dugay, katunda diman kang manga nasakupan, pihu pakinabangan gid nida lubus kanda binudlayan.

Isayas 65:9

May sawadan di aku buhi sa manga linahi ni Hakub hanggan sa lahi ni Huda bag-u sida ti mumana kang rugar may mayamu pag kabantudan. Sida kang manga pinili ag manga manugsirbi ti mangulian sa inda pag daga.

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 31:3

Kaybi sa kabag-u, ti Panginuun nagpakakit sa manga Israilita ag magkun, “Pagmahalun gid niku kamu balaw may katapusan pag pagmahal. Sa kang mayad nabubut-un, pag-ipakarani niku kamu sa kangku.

Isikil 16:8

“ ‘Pagka nalakawan maan niku kawu, nakitan niku mahimu yi kawu asawan-un. Nakan itinabun niku kang kulimpay sa kanmu bilug uba, ag nagtaratu aku sa kanmu mahalun kawu niku. Nagbuwat aku kasunduan sa kanmu, ag nagbaliw kangku kawu. Aku, ti Panginuun Diyus, ti magbagaw inda.

Matiyu 24:22

Nu unman padag-udun di Diyus aban tunda pag udas kakurian, unman may tawu maribri. Dapat dahil ngani sa kay manga pinili, padag-udun Diyus tunda pag udas kakurian.

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Markus 13:20

Nu abi unman padag-udun Panginuun aban tunda pag udas kakurian, unman may tawu maribri. Dapat ay dahil ngani sa kay manga pinili, padag-udun Panginuun tunda pag udas kakurian.

Markus 13:22

Dahil may manga pumabalhinguun aban kuntay siya yi ngani ti Pinili Diyus Manugribri pag Hari ag may lumuwang manga pudilun pag purupita. Pumakakit sida manga makadululaw ag lilingutan pag tanda hampay nu mahimu lang patalangun nida hanggan ti manga pinili Diyus.

Markus 13:27

Nu sumitay siya, suguun niya kay manga anghil hampay kanda tipunun ti manga pinili Diyus ginan sa upat ka puun durus, ginan sa bilug kalibutan.”

Lukas 1:78

Sa mahal pangaawa Diyus nita, ipadara niya sa kanta ti Manugribri, parihu sa pagsinggit init.

Lukas 18:7

Unman aw lugud awatan Diyus kay manga pinili hampay may matarung sida dahil magdangup sida sa kanya sirang yabi?

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 9:11

Ipinakilala Diyus kay nagpili sa usa lang ka anak sa kan Hakub angay sa kay sadili gayak Diyus, balaw angay sa buwat tawu. Dahil nu udwaya inanak ti manga anak, ag udwaya nakabuwat una daut una mayad, daan yi sinabi Diyus sa kan Ribika magkun, “Sumirbi ti aka sa kay ari.”

1 Kurintu 13:4

Ti pagmahal may pasunaid sa kay sadili, ag mahusay sa kaparihu. Ti pagmahal balaw maghirak. Ti pagmahal balaw magpadayaw, balaw magpalabi-labi sa kay sadili,

2 Kurintu 6:6

Kanmi diman ipinakilala kuntay kami kay suruguun Diyus sa mayad nimi pag ugali, sa kaalaman, sa maalumanay, sa mayad pag nabubut-un hanggan sa panab-anan Ispiritu Banal, sa may lubus pagmahal,

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Ipisu 1:4

Udwaya nalalang ti kalibutan, daan kita pinili pinausa Diyus sa kan Kiristu hampay kita manga sakup yi Diyus ag udyi may ikasaway sa kay magbantay niya. Dahil sa kay pagmahal Diyus,

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Ipisu 4:24

Kailangan gamitun niyu kanyu bag-u pagkatawu ti linalang ga kay histuda Diyus, bag-u mag-akitan sa kanyu ti tutuu gid pag katadlungan sa kanyu lubus magpasakup sa Diyus.

Ipisu 4:32

Bagkus ngap pagpakabuut kamu, pagmatugway kamu, pagparatawadan sa kada usa parihu sa kay nagpatawad Diyus sa kanyu dahil sa kan Kiristu.

Pilipus 1:8

Alam di Diyus tutuu kang pagsabihun nu kabitay kang maghanap sa kanyu tanan parihu ga kan Kiristu Hisus diman magmahal sa kanyu.

Kulusas 3:10

Isinlung yi niyu ti bag-u pagkatawu, kay linalang Diyus ag kay diman pagbag-uhun Diyus hampay amat-amat kamu lalu ga kay histuda niya ag hampay kang-ud udyi may kurang kanyu pagkilala sa kanya.

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

2 Timutiyu 2:10

Nakan pag-agwantahun niku ti tanan bagay alang-alang sa manga pinili Diyus, hampay makatanggap diman sida karibrihan tunda ti mayad gid pag buhi unman may katapusan kay pakaun ni Kiristu Hisus.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

2 Pidru 1:10

Manga patar-ari, kamu kay manga tinawag ag manga pinili Diyus, nakan ngani pagpakarig-un kamu sa inda pag kahamtangan. Nu inda kanyu buwatun dayu kamu sumimray.

1 Huwan 4:19

Kita may pagmahal dahil ti Diyus waydi ti un-an nagmahal sa kanta.

2 Huwan 1:13

Ti manga anak nimu patar-ari babayi kay diman pinili Diyus magpaingana nu kabitay waydi kunu kawu asan.

Ipinakakit 17:14

Girahun nida ti Anak Karanidu dapat matalu diman sida dahil ti Anak Karanidu Panginuun manga panginuun, siya diman ti Hari manga hari. May kahuray aban sa kay panalu ti manga tinawag, ti manga pinili ag ti manga matinupadun pag manga magsunud sa kanya.”