Kulusas 3:11 - Hanunuu

¹¹ Nakan ngani ud may naglain parihu lang una manga balaw Hudiyu una manga Hudiyu, una tinuri una balaw tinuri, una manga dayuhan, una manga tawu balaw ga kanta kay ugali, una manga panawuhun una bukun panawuhun. Sa kan Kiristu unman may naglain ti tanan tawu ag siya ti sa kanyu tanan.

Kulusas 3:11 Iomraidhean Croise

Kanta 117:2

Dahil daka gid kay pagmahal Panginuun sa kanta, ag kay katapatan unman may katapusan. Dayawun ti Panginuun!

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 52:10

Ipakakit Panginuun ti bukud tangi niya pag kamaskihan sa tanan nasyun, ag makitan buu kalibutan ti pagribri nita Diyus.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Isikil 47:22

Manahun niyu inda hanggan manga day-uhan mag-ulian kaibahan niyu, kanda manga anak nianak sa Israil. Kilalan-un niyu sida ga tutuu manga Israilita, ag hurayan diman niyu sida maranahun daga ginan sa linahi Israil.

Husyas 2:23

Sa tunda pag panahun mangulian kamu sa kanyu daga bilang kang nasakupan. Ipakakit niku kang pangaawa sa kanyu manga pag-ingarnan Lu Ruhama. Ag kamu pag manga pag-ingarnan Lu Ami ingarnan diman niku kamu kang nasakupan, ag sumabi kamu aku kanyu Diyus.”

Amus 9:12

hampay masakup manga Israilita ti nasawad daga taga Idum ag iba waya pag manga nasyun ti pagkilalan-un niku kangku. Aku, ti Panginuun, ti magsabi inda, ag buwatun niku inda pag manga bagay.”

Mikas 4:2

Kumumun sida, “Atag yi kita sa bantud Panginuun, sa Balay Diyus, ti Diyus ni Hakub. Tudluan niya kita ati kay manga buruwatun hampay sundun nita.” Nakan mangululi ti manga tawu gin sa Siun, ti banwa Hirusalim, dara ti Kasuguan Panginuun.

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Huwan 14:23

Sinmagut si Hisus magkun, “Una hintay pag tawu nu magmahal siya sa kangku, tumupad siya sa kang manga bilin bag-u mahalun gid siya niku Ama. Bag-u kang Ama hanggan aku umasan yi mangulian yi sa kanya.

Huwan 15:5

“Aku ti puun ubas, kamu ti manga sanga. Ti tawu nu napaminsan di sa kangku ag aku napaminsan di sa kanya, pihu may pakinabang ti mayamu buwat niya. Dahil nu napablag kamu sa kangku unman kamu may mabuwat.

Huwan 17:23

Aku minsan sa kanda ag kawu minsan sa kangku hampay sida lubus mirinsan bag-u masalman manga taga kalibutan kawu ti nagsugu sa kangku ag kawu tigmahal sa manga napasakup sa kangku parihu ga kanmu magmahal sa kangku.

Binwat 15:17

hampay ti tanan manga iba nasyun humanap waydi sa Panginuun, ti manga balaw Hudiyu kang pinili hampay pumasakup sa kangku.

Binwat 28:2

Mayad yi lang gid ungud kanda nabubut-un manga tawu ati pag daga sa kanmi. Pinmadna ti uran maramig, nakan namagba sida apuy inalagaan gid kami mayad.

Binwat 28:4

Pagka ti manga tawu taga ati pag rugar nakakit sa iyay mabitinan sa kan Pablu kamang, sinabi nida sa usa kag sa usa magkun, “Pihu gid maaw inda pag lalaki magpanlibun sa tawu. Una siya nakaribri sa dagat, udyi pag-ipahintulut ni Diyus-diyusan Suwirti siya mabuhi waya.”

Ruma 1:14

May kapanagutan aku magtudlu sa manga Giriyigu, sa manga Barbaru, sa madunung hanggan sa manga balaw madunung.

Ruma 10:12

Balaw may nagtuhay ti kahamtangan una Hudiyu una balaw Hudiyu. Usa lang ti Panginuun tanan tawu. Siya tigpakaun kay manga kaayadan sa tanan manga magdangup sa kanya.

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

Ruma 3:29

Ti Diyus lugud Diyus lang aw manga Hudiyu? Unman aw lugud siya Diyus diman manga balaw Hudiyu? Balaw unman, Diyus diman ngap siya manga balaw Hudiyu.

1 Kurintu 12:13

Usa lang ka Ispiritu ti nagtulbaw sa kanta tanan sa bilug ni Kiristu, una kita Hudiyu, una kita Giriyigu, una manga panawuhun, una manga balaw panawuhun, kita tanan pinainum sa usa lang ka Ispiritu.

1 Kurintu 14:11

Nu unman naintindihan niku kanmu kahulugan bagaw, kita parihu unman nanalalman.

1 Kurintu 7:19

Unman may hintay ngarana una turi una bukun turi. Ti mahalaga ti pagsunud sa manga bilin Diyus.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Ipisu 1:23

Ti iglisya imaw ti pinagkabilug ni Kiristu. Siti pag ipinauli kay kalubusan ni Kiristu hampay aban udyi may masawad lunsay sakup yi sa kay kalubusan ni Kiristu.

Ipisu 2:14

Pinausa niya kita sa usa kag sa usa. Kami manga Hudiyu ag kamu manga balaw Hudiyu pinausa niya kita. Pagka ipinakaun niya kay sadili bilug sa kamatayan, dinura niya ti kalagalitan ga alad batu nagbulag sa kanta sa usa kag sa usa.

Ipisu 2:15

Ti dinaut niya pag alad batu imaw ti Kasuguan, kaibahan ti manga sugu hanggan manga surundanun. Binwat niya inda hampay pag-usahun ti manga Hudiyu ag balaw Hudiyu, hampay magkarasundu yi ti duwa.

Ipisu 3:17

hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,

Ipisu 3:6

Ag inda yi ngani ti madalum pag katutuuhanan magkun, nu sumarig sida sa Mayad pag Barita, ti manga balaw Hudiyu parihu diman waydi sa manga Hudiyu may kabahagi diman waydi sa manga papalad ginan sa Diyus. Ag sida hanggan manga gamit diman bilug ni Kiristu ag may kabahagi sa kay taratu Diyus kay tinupad sa kan Kiristu Hisus.

Ipisu 6:8

Dahil naalaman yi niyu gantihan di Panginuun ti kada magbuwat mayad una panawuhun una bukun panawuhun.

Kulusas 2:10

Sa kanyu magpakiusa sa kan Kiristu kang-ud diman hanggan kamu. Sakup diman niya ti tanan kapangyarihan una sa langit, una sa babaw daga.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

2 Huwan 1:9

Ti tawu nu unman magsunud sa kay itinudlu ni Kiristu ngatay magdagdag magpasubra sa kay itinudlu, balaw siya inulianan Diyus. Una si unu ti magsunud sa kay itinudlu ni Kiristu, nangulian sa kanya ti Ama hanggan ti Anak.