Kulusas 3:10 - Hanunuu

¹⁰ Isinlung yi niyu ti bag-u pagkatawu, kay linalang Diyus ag kay diman pagbag-uhun Diyus hampay amat-amat kamu lalu ga kay histuda niya ag hampay kang-ud udyi may kurang kanyu pagkilala sa kanya.

Kulusas 3:10 Iomraidhean Croise

Gimpuunan 5:1

Inda ti isinurat pag tultulanun tungkul sa linahi ni Adam. Pagka linalang Diyus ti tawu, binwat niya inda ga kay histuda.

Hub 29:14

Pagbuwatun niku pirmi ti matadlung ag kang-ud; ga rutay hanggan pantaung inda kang pag-isulung.

Kanta 51:10

Diyus, buwata malumpiyu kang tagipusuun, ag ayawi maan aku may matutum pag ispiritu.

Isayas 52:1

Pagbangun kawu, Siun, ag pagpakarig-un. Ipakakit nimu kanmu kapangyarihan, Banal pag banwa Hirusalim. Isulung maan nimu kanmu marinu pag rutay, dahil kanmu manga kalaban balaw Israilita, binaliw nimu mauring udyi utru makaslud sa kanmu sabian.

Isayas 59:17

Ti katadlungan imaw kay panangga sa kay dubdub ag kalu baul ti karibrihan. Isulung niya ga rutay ti manhimalus ag masyadu gid niya pag-isug.

Isikil 11:19

Bag-uhun niku kanyu tagipusuun ag kanyu kaisipan. Balaw yi bumaliw maganit kanyu manga ulu nu unman bumaliw yi matinupadun kamu sa kangku.

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Isikil 36:26

Pakan-an niku kamu bag-u pag tagipusuun hanggan ispiritu. Kanyu maganit tagipusuun bumaliw masurundun pag tagipusuun.

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

Ruma 13:12

Mag-agaw sirang yabi arani yi magkasirang. Pagpakarayu yi kita ginan sa tanan buwat daut, ialistu nita kanta sadili sa buwat kaayadan.

Ruma 13:14

Ipasakup niyu kanyu sadili sa Panginuun Hisu-Kiristu hampay siya ti humari sa kanyu buhi ag danga pakan-an rugar ti sadili naisipan hampay dayu pasibut-an lang ti sadili kagustuhan.

Ruma 6:4

Kay ibug sabihun, pagka kita itinulbaw, kita namatay, ilinbung kaibahan ni Kiristu hampay kita diman waydi mabuhi sa usa ka bag-u pag buhi, parihu sa kan Kiristu pagka binuhi siya uman sa panab-anan daka pag kapangyarihan Ama.

Ruma 8:29

Dahil ginan waya sa kabag-u daan di alam Diyus nu si unu pag manga tawu sa kanya. Tunda pag manga tawu hinanda niya hampay pumarihu sa kay Anak, hampay si Hisus, kay Anak Diyus, bilang ga panganay mayamu patar-ari.

2 Kurintu 3:18

Taynguna nab-ul yi sa kanta uyahun ti patakip, kita tanan-tanan amat-amat mag-akitan yi nita sa kadayawan Panginuun. Inda pag kadayawan ginan sa Panginuun, sa Ispiritu imaw tigpabag-u sa kanta ugali pagkatawu agud amat-amat lalu dumaka ti kadayawan sa kanta hanggan sa udwaya kita mag-iparihu sa kanya.

2 Kurintu 4:16

Nakan ngani kami balaw magpalumuyun sa kanmi naisipan. Una amat-amat maglumuy yi kanmi bilug, mag-amat di ngap magbisug kanmi tagipusuun.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

2 Kurintu 5:17

Nakan ngani una si unu ti magpakiusa sa kan Kiristu, siya bag-u yi linalang. Udyi ti daan pagkatawu. Siya bag-u yi gid pag tawu.

Galasya 3:27

Dahil kamu ti manga itinulbaw sa kan Kiristu, ga isinlung yi niyu kay buhi ni Kiristu.

Galasya 6:15

Balaw mahalaga una tinuri una unman tinuri ti usa ka tawu. Ti mahalaga lang nu siya bag-u linalang.

Ipisu 2:10

Kita hinuman Diyus niusa sa kan Kiristu Hisus hampay itigana nita kanta buhi bilug sa buruwatun mayad, imaw kay ihinanda Diyus kaybi waya ginan hampay kanta ugaliun.

Ipisu 2:15

Ti dinaut niya pag alad batu imaw ti Kasuguan, kaibahan ti manga sugu hanggan manga surundanun. Binwat niya inda hampay pag-usahun ti manga Hudiyu ag balaw Hudiyu, hampay magkarasundu yi ti duwa.

Kulusas 3:12

Kamu manga sakup sa Diyus, kay pinili niya kamu, kay yi gid pagmahalun. Nakan ngani kailangan kamu pagmaawaun, pagmayad kanyu nabubut-un, pagmapinakumbabaun, pagmabuut hanggan matiniisun.

Kulusas 3:14

Lalu pagmalahalan kamu dahil imaw ti pinagkabugkus sa kanyu lubus pagkarausa.

Pilimun 1:6

Pag-idarangin niku ti pagsarig nimu parihu sa kanmi mamurak lubus sa pag-intindi sa manga kaayadan burak nita magkarausa sa kan Kiristu.

Hibriyu 6:6

Dayu yi mauman sida mataban sa pag-ampu sa kasalanan dahil ga kanda ngap pag-ipaku maan ti Anak Diyus sa kurus ag pag-ipasurug maan nida siya sa hayagan.

1 Huwan 2:3

Nu tupadun nita kay manga sugu, pihu masabi nita siya kanta pagkilalan-un.

1 Huwan 2:5

Dapat una hintay pag tawu nu magtupad sa kay Bagaw Diyus, tutuu lubus yi kay pagmahalun ti Diyus. Nu katida, alam yi nita, kita sa kanya yi ngani.

Ipinakakit 21:5

Bag-u nagbagaw ti matukawan sa tukawan hari magkun, “Taynguna buwatun niku ti bag-u pag manga bagay.” Kay sinabi waya niya sa kangku magkun, “Isurat nimu pagkumun, masarigan ag tutuu inda pag manga bagaw.”