Kulusas 2:8 - Hanunuu

⁸ Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.

Kulusas 2:8 Iomraidhean Croise

Kanta ni Sulumun 2:15

Kabisug! Dakpa ti dariit pag manga talun idu magpandaut sa kanmi manga ubasan magburusang.

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Matiyu 10:17

Pag-aman kamu, dahil dakpun kamu manga tawu bag-u darahun tag sa Katipunan manga Pinunu. Litusun nida kamu sa simbahan manga Hudiyu.

Matiyu 16:6

Magkun si Hisus sa kanda, “Pag-aman kamu sa pamadaka sa tinapay manga Parisiyu manga Sadusiyu.”

Matiyu 7:15

Magkun si Hisus, “Pag-aman kamu sa manga pudilun pag purupita. Magpakarani sida sa kanyu ga bilang karanidu kanda histuda dapat nu sa kay tutuu sida ga manga maisug pag simarun idu.

Binwat 17:18

May manga manugtudlu sa Ipikuryu hanggan sa Istuyku pag kalasi adal, nangatadlungan sida sa kan Pablu. Sinabi manga iba, “Hintay nguna kay ibug sabihun tunda pag magpadunungun pag tawu?” Magkun maan ti manga iba, “Magtudlu banta siya tungkul sa manga diyus sa iba pag manga nasyun.” Nakan katida kanda pagsabihun, dahil pag-itudlu ni Pablu tungkul sa kan Hisus hanggan tungkul sa pagkabuhi uman.

Binwat 17:32

Pagka nadnugan nida kan Pablu tudlu tungkul sa pagkabuhi maan manga namatay, nag-ayupaka ti iba. Dapat sinabi manga iba magkun, “Magkaibug waya kami mamatingi aban sa kanmu tudlu tungkul sa kanmu sinabi taynguna.”

Ruma 16:17

Pagsabihun yi gid niku sa kanyu, manga patar-ari, tandai niyu ti manga tawu magbuwat karampihan ag ti manga mag-pasimray sa manga patar-ari tungkul sa kanda pagsarig sa kan Kiristu, paglabanan nida ti manga tudlu kanyu tinanggap. Amana niyu tunda pag manga tawu.

1 Kurintu 10:12

Nakan nu pag-isipun tawu marig-un kay tindug, pag-aman barang siya magpu.

1 Kurintu 8:9

Dapat pagdahan gid kamu, barang sa kanyu unman yi mag-alaala sa turun-anun, kamu pumatalang ngap sa manga marahantup kuntay kasalanan nu magkaun.

2 Kurintu 10:5

Dahil kanmi pagdautun ti salan pag manga baragawun, pagbinsilun nimi ti tanan magpalabaw laban sa kadunungan Diyus. Pagbihagun nimi ti kada pag-iisip hampay pasakup yi sa kan Kiristu.

Galasya 1:14

Masyadu gid masipag aku sa kang surundanun ati katpung balaw lang ga kanda sipag tanan manga kaidad niku pag manga Hudiyu. Lubus matinupadun aku sa bilin itinayak niku manga ginurang.

Galasya 4:3

Katunda diman waydi kita. Pagka udwaya naintindihan nita ti katutuuhanan, sakup waya gid kita sa manga kapangyarihan maghari sa kalibutan.

Galasya 4:9

Dapat taynguna kanyu yi nakilala ti Diyus, aw mayad man nu sabihun taynguna kamu nakilala yi Diyus. Hayga lugud kamu magbalik magsirbi maan sa manga kapangyarihan maghari sa kalibutan balaw may pulus ag unman waydi may kabuluhan. Hayga lugud kamu magkaibug maan magpasakup sa siyun pag manga kapangyarihan?

Galasya 5:15

Dapat nu kamu ga hayup magkaragtan magsiribaan, barang mapapas kamu.

Ipisu 2:2

Ati katpung nagsunud kamu sa daut pag palakaw kalibutan inda, napasirung kamu sa hari kadautan, sa kan Satanas, imaw tig hari sa manga tawu maglabag sa Diyus.

Ipisu 4:20

Balaw katunda kanyu nataw-an sa kan Kiristu.

Ipisu 5:6

Danga kamu padara-dara una sa kantapu sa kanda baragawun mahakut sa tunda pag manga buwat. Dahil sa katida pag buwat magkagalit ti Diyus sa manga tawu supakil.

Diyuturunumiyu 6:12

pihua niyu unman niyu malimtan ti Panginuun, ti nagpalwas sa kanyu sa Ihiptu nu naan kamu binwat panawuhun.

Pilipus 3:2

Pag-aman kamu sa manga tawu magbuwat daut, kanda ugali ga idu. Amanan niyu tunda pag manga tawu imaw tig biyag sa bilug.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

Kulusas 2:20

Namatay yi kamu kaibahan ni Kiristu, udyi kamu sirung kapangyarihan kadautan maghari sa kalibutan? Hayga kamu mag-ugali waya ga manga taga kalibutan waya? Hayga kamu magpaniwala sa manga tun-anun magkun,

Kulusas 2:22

Inda manga sugu pag-itudlu lang manga tawu tungkul sa manga bagay udyi mahalaga pagka kinaun yi.

Kulusas 2:23

Nu sa ungud tunda pag manga turun-anun hanggan manga bilin ga anyu angay sa kadunungan, lalu tunda pag manga bilin tungkul sa pagsamba sa manga anghil ag tunda ngani tungkul sa magpanaguabi magpakumbaba ag tungkul sa magpakuri sa sadili bilug. Dapat tunda tanan unman waydi makaampara sa subra daut pag kagustuhan nida sadili pagkatawu.

1 Timutiyu 6:20

Kawu duy Timutiyu, ingatan nimu ti iinintirga sa kanmu. Iwasan nimu ti manga harampangan unman ikabaya Diyus hanggan ti salalumpangan.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

Hibriyu 3:12

Pagdahan kamu, manga patar-ari, barang una si unu sa kanyu may daut naisipan imaw ti magpalumuy sa kanyu pagsarig hanggan di sa magpablag yi ngap sa Diyus buhi.

1 Pidru 1:18

Dahil naalaman niyu nu hintay ti ilinukat sa kanyu ginan sa unman may kabuluhan pag ugali kanyu minana ginan sa kanyu ginurang. Ti ilinukat sa kanyu balaw manga bagay magkadaut, parihu sa manga pilak, manga gintu.

2 Pidru 3:17

Taynguna duy manga patar-ari, alam yi niyu kailangan kamu pagmaingat barang kamu patalangun manga daut pag tawu kanda tudlu unman may katutuuhanan. Nu katunda kamu marig-un di, dayu gid mapuil.

2 Huwan 1:8

Pag-aman kamu hampay unman madura ti kanyu binudlayan, ag hampay lubus gid matanggap niyu kanyu pirimyu.