Kulusas 2:7 - Hanunuu

⁷ Pagga may gamut tulusan kamu sa kanya ag isarig niyu kanyu buhi sa kanya. Pagpakarig-un kamu sa kanyu pagsarig angay sa itinudlu sa kanyu. Pagpirmi yi gid kamu pagpasalamat sa Diyus.

Kulusas 2:7 Iomraidhean Croise

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta 92:13

Parihu sida sa manga kayu itinanum sa Balay Panginuun nita Diyus,

Hirimyas 17:8

Miparihu siya sa puun kayu itinanum sa saruy sapa kay manga gamut mag-aput sa danum. Inda pag puun kayu balaw maunu una rumas-ug ti tag-init ngatay ti turungun. Pirmi malangba kay manga labung ag unman may apas kay magburak.

Lukas 6:48

Siya ga usa ka tawu magbuwat kay balay kinmali abasad tugka sa batu bag-u ibinungsud niya kay tulduk. Pagka binmaha binmalusbus ti baha tag yi sa balay, dapat ud natandug dahil marig-un kay nabungsudan tunda.

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

1 Kurintu 1:8

Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

1 Kurintu 15:58

Nakan ngani duy, manga patar-ari, pagmarig-un kamu, danga daradarahan, pagpirmi matinupadun kamu sa buruwatun Panginuun, dahil naalaman yi niyu balaw unman may kabuluhan kanyu magbudlay para sa Panginuun.

2 Kurintu 1:21

Diyus ti nagparig-un sa kanmi hanggan sa kanyu dahil sa kanta pakiusa sa kan Kiristu. Siya diman ti nagpili sa kanta.

Ipisu 3:17

hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,

Ipisu 4:21

Pinatingihan kabay niyu kay pag-iadal niya ag tinudluan yi kamu katutuuhanan tungkul sa kan Hisus.

Ipisu 5:20

Pirmi kamu pagpasalamat sa Diyus Ama tungkul sa tanan bagay sa kay ngaran nita Panginuun Hisu-Kiristu.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 3:17

Una hintay kanyu buwatun, una sa bagaw una sa buruwatun, buwata niyu ti tanan angay sa kanyu pakiusa sa Panginuun Hisus. Sa panab-anan diman niya pagpasalamat kamu sa Diyus Ama.

1 Tisalunika 5:18

Una hintay ti mangyari pagpasalamat kamu sa Diyus. Dahil katida kay gustu Diyus kanyu buwatun nu kamu magpakiusa sa kan Kiristu Hisus.

2 Tisalunika 2:17

Kanmi pag-idarangin kamu hampay pakan-an kamu marig-un pag naisipan agud kanyu pagbuwatun hanggan pagbagawun lunsay kaayadan.

Hibriyu 13:15

Magdayaw kita pirmi sa Diyus bilang kanta handug sa kanya. Mabuwat nita inda sa pagpahayag kuntay kilala nita si Hisus.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

1 Pidru 5:10

Pagka lumawuy kanyu ngalay-ngalay pag kakurian, pakan-an kamu Diyus kahustuhan hanggan karig-unan hampay udyi magkaanggihut. Siya ti gimpuunan tanan kaayadan, siya diman waydi ti nagpili sa kanyu hampay kamu may kabahagi waydi sa kay ud may katapusan pag kadayawan kaibahan ni Kiristu.

Hudas 1:12

Daka gid pag kakay-ahan niyu, pagbul-an yi halaga kamu sa kanda magpaminsan sa kanyu karan-an magtar-arian, dahil aranghadu sida sa magkaun. Unman sida may pag-isipun nu unman kanda lang sadili. Sida ga manga rurum pagdarahun durus dapat unman waydi may ipakaun uran. Sida ga manga puun kayu unman magburak una mana kay udas mamurak, naayit una gamut, ungud namatay yi.

Hudas 1:20

Dapat pagpakarig-un ngap kamu duy sa kanyu lubus pagsarig sa Diyus. Pagdarangin kamu angay sa udyuk Ispiritu Banal.

Hudas 1:24

Diyus lang ti makaingat sa kanyu hampay kamu balaw malagpak sa kasalanan. Mipaatubang diman niya kamu tabug sa kay kadayawan unman yi may daut kamu una di, nu ud lubus yi ngap sa kabayaan.