Kulusas 2:20 - Hanunuu

²⁰ Namatay yi kamu kaibahan ni Kiristu, udyi kamu sirung kapangyarihan kadautan maghari sa kalibutan? Hayga kamu mag-ugali waya ga manga taga kalibutan waya? Hayga kamu magpaniwala sa manga tun-anun magkun,

Kulusas 2:20 Iomraidhean Croise

Huwan 15:19

Nu abi kamu manga taga kalibutan, pagmahalun mana kamu manga taga kalibutan dahil minsan kamu sa kanda. Dapat ay kamu kang yi pinili ipinablag ginan sa kalibutan, nakan kamu pagkagalitan manga taga kalibutan dahil udyi kamu minsan sa kanda.

2 Kurintu 10:3

Madi kanmi mag-ugali parihu diman sa manga iba tawu, unman kami maglaban angay sa buruwatun manga taga kalibutan.

Galasya 4:3

Katunda diman waydi kita. Pagka udwaya naintindihan nita ti katutuuhanan, sakup waya gid kita sa manga kapangyarihan maghari sa kalibutan.

Galasya 6:14

Nu bay aku, kay kamatayan lang nita Panginuun Hisu-Kiristu sa kurus ti kang pag-ipakatultul. Dahil ginan sa kamatayan ni Kiristu ti ugali kalibutan bilang ga namatay yi nu sa kangku, ag aku ga namatay yi nu sa ugali kalibutan.

Ipisu 2:15

Ti dinaut niya pag alad batu imaw ti Kasuguan, kaibahan ti manga sugu hanggan manga surundanun. Binwat niya inda hampay pag-usahun ti manga Hudiyu ag balaw Hudiyu, hampay magkarasundu yi ti duwa.

Kulusas 2:14

Pinaiwdan niya kabuluhan ti tanan kasuratan laban sa kanta. Udyi kita may pag-isipun kapanagutan siti. Dinura Diyus tunda pag manga kasuratan pagka imininsan sa kan Kiristu sa kay napaku sa kurus.

Kulusas 2:16

Nakan ngani danga yi gid magpasakup kamu sa kanda manga tun-anun tungkul sa manga karan-unun hanggan irinmun, tungkul sa manga kapistahan, tungkul sa manga lapus lati hanggan Sirang Pamahari.

Kulusas 2:21

“Danga maggaraw tida, danga pagsamiti, danga mag-igpil?”

Kulusas 2:8

Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.

Kulusas 3:3

Dahil namatay yi kamu, kanyu tutuu pag buhi nakatagu sa Diyus, kaibahan ni Kiristu.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

Santiyagu 4:4

Unman duy kamu makatiwalaan. Unman aw waya niyu alam nu kanyu pagmahalun ti ugali kalibutan, kamu kalaban yi ngap Diyus. Nakan una hintay ti may gustu magmahal sa ugali kalibutan, kalaban yi ngap siya Diyus.

1 Huwan 5:19

Magkaalaman nita kita nianak Diyus, dapat ti bilug kalibutan sakup di kapangyarihan ni Satanas.