Kulusas 2:19 - Hanunuu

¹⁹ Nagbul-iw yi tunda pag manga tawu sa kan Kiristu, imaw ti ga ulu may kamaskihan sa buu bilug. Ginan sa kan Kiristu pag makatanggap ti bilug kabisugan hampay magkarausa ga may kaluas-luasan may manga kusug. Si Kiristu diman ti manug-alaga hanggan ti magpadaka angay sa kay kagustuhan Diyus.

Kulusas 2:19 Iomraidhean Croise

Lukas 5:38

Nu bag-u intus ubas kailangan sa bag-u waydi pag sukadan.

Huwan 17:21

Pag-idarangin niku sida hampay mirinsan sida tanan. Amang, pagminsan sida sa kanta parihu sa kanmu minsan sa kangku ag parihu sa kangku minsan sa kanmu. Pagkatunda diman, pagmirinsan sida sa kanta agud maniwala ti manga taga kalibutan kuntay kawu ti nagsugu sa kangku.

Binwat 4:32

Nagkabilug ti manga nagsarig sa Panginuun nagkausa sida sa tagipusuun hanggan sa naisipan. Unman sida nag-araminan kanda kasiyunan, kanda ngap inusa tanan.

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

1 Kurintu 1:10

Taynguna kang pagsabihun sa kanyu, manga patar-ari, dahil sa karampatan nita Panginuun Hisu-Kiristu, kailangan kamu pag-arangayan. Una sa kanyu bagaw danga kamu magtalaluhan. Pagkarausa kanyu naisipan hanggan kanyu turunu.

1 Kurintu 11:3

Dapat kang gustu pagmaintindihan niyu si Kiristu tigpamahala sa kada lalaki, ti lalaki magpamahala sa kay asawa bag-u ti Diyus magpamahala waydi sa kan Kiristu.

1 Kurintu 3:6

Aku ti nagtanum, si Apulus ti nagbunyag, Diyus ti nagpalangba.

Ipisu 1:22

Ipinasirung Diyus sa kamaskihan ni Kiristu ti tanan manga bagay. Siya ti binwat pinagkaulu iglisya.

Ipisu 1:23

Ti iglisya imaw ti pinagkabilug ni Kiristu. Siti pag ipinauli kay kalubusan ni Kiristu hampay aban udyi may masawad lunsay sakup yi sa kay kalubusan ni Kiristu.

Ipisu 2:21

Sa panab-anan niya nagkaraminsan ti kada kalap balay kay pagbuwatun ni Kiristu, hanggan sa udwaya mamhan ti balay kay itinigana hampay banal pag ulian Panginuun.

Ipisu 4:3

Pinausa yi kamu Ispiritu Banal, pagmasigasid kamu hampay unman madura kanyu pagpakiusa, lubus yi kamu pagkabuu sa kahusayan.

Ipisu 5:29

Unman may tawu magkadaut sa kay sadili bilug, lalu ngap pagpakan-an ag pag-alagaan niya, parihu diman sa binwat ni Kiristu sa iglisya.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 1:18

Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

Kulusas 2:2

Nakan katida kang pagbuwatun hampay rumig-un kanda tagipusuun ag hampay sida paminsanun sa pagmahal. Nu katida may kang-ud sida pag-intindi sa katutuuhanan bag-u kilalan-un nida si Kiristu, imaw ti madalum pag katutuuhanan kaybi ginan udwaya ipinaburayhaw Diyus.

1 Tisalunika 3:12

Kailangan padakaun ag paimbungun waya Panginuun kanyu pagmahal sa usa kag sa usa hanggan sa tanan manga tawu, parihu diman sa kanmi pagmahal sa kanyu.

1 Tisalunika 4:10

Inda ngani kanyu yi pagbuwatun sa tanan manga patar-ari kabuuhan daga sa Masidunya. Madi katida, kanmi waya pagsabihun sa kanyu padakaa waya gid niyu kanyu pagmahal.

2 Tisalunika 1:3

Kailangan kami pirmi magpasalamat gid sa Diyus tungkul sa kanyu, manga patar-ari. Nakan tama gid nu pirmi kami magpasalamat, dahil mag-amat magrig-un kanyu pagsarig sa kan Kiristu. Hanggan paman kanyu pagmahal sa usa kag sa usa mag-amat waydi magdaka.

1 Pidru 3:8

Inda waya kang sabi sa kanyu tanan, pag may pagkarausa kamu, pagparasunaidan kamu, pagmalahalan kamu sa usa kag sa usa kamu manga magtar-arian. Pagmatugway kamu pagmapinakumbabaun kanyu naisipan.

2 Pidru 3:18

Pagparargu kamu, pagdaka sa kanyu kay kaayadan Diyus hanggan kanyu pagkilala sa kanta Panginuun Manugribri imaw yi ngani si Hisu-Kiristu. Sa kanya ti kadayawan taynguna una hanggan aban. Amin.