Kulusas 2:16 - Hanunuu

¹⁶ Nakan ngani danga yi gid magpasakup kamu sa kanda manga tun-anun tungkul sa manga karan-unun hanggan irinmun, tungkul sa manga kapistahan, tungkul sa manga lapus lati hanggan Sirang Pamahari.

Kulusas 2:16 Iomraidhean Croise

2 Hari 4:23

Nagpaingana kay asawa, “Hayga mangatag kawu taynguna? Balaw waydi Pista Lapus Lati ngatay Sirang Pamahari?” Sinmagut ti babayi, “Atag lang.”

1 Krunika 23:31

Sida diman ti mangawat sa pagsagda sa Panginuun manga handug pagsunugun sa manga Sirang Pamahari, sa Pista Lapuslati, ag sa iba waya pag manga pista. May manga surundanun nu pira ka Libita ti bumuwat inda pag buruwatun ag nu kabitay nida inda tupadun.

2 Krunika 31:3

Nangayaw si Hari Isikyas kay sadili manga hayup para sa manga handug pagsunugun sa surip ag sa yabi, ag para diman sa manga Sirang Pamahari, sa Pista Lapus Lati, ag sa iba waya pag manga pista, angay sa nakasurat sa Kasuguan Panginuun.

Nihimyas 10:31

Nagtaratu diman kami kuntay balaw kami mamili nu ipabili manga day-uhan kanda tirigu ngatay una hintay pag manga pag-ipabili sa Sirang Pamahari ngatay sa iba banal pag sirang. Ag kada ikapitu pag timpu, balaw kami mananum sa kanmi daga, bag-u balaw yi nimi suktun ti manga nakautang sa kanmi.

Nihimyas 10:33

Nakatigana inda para sa tinapay pag-isagda sa atubangan Diyus, sa manga handug pagsunugun hanggan manga handug pagkilala sa Panginuun pag-isagda sirang-sirang, sa manga handug para sa Sirang Pamahari, para sa Pista Lapus Lati, ag sa iba waya pag manga pista, hanggan sa iba waya manga banal pag handug parihu sa handug sa paglumpiyu pag-ihandug hampay malukat ti nasakupan Israil sa kanda manga kasalanan. Paggamitun diman inda pag kuwarta sa iba waya pag manga pangangailangan sa Balay Diyus nimi Diyus.

Nihimyas 8:9

Habang magpatingi ti manga tawu sa pagsabihun sa Kasuguan, maglumi sida. Magkun sa kanda si Gubirnadur Nihimyas, si Manug-asiwa Isra ag ti manugtudlu Kasuguan, hanggan ti manga Libita magpaliwanag sa kanda Kasuguan, “Inda pag sirang banal sa Panginuun niyu Diyus, nakan danga kamu maglumi.”

Kanta 42:4

Mag-alangan kang buut nu magkaimatun-an niku kaybi pagpangunahan niku ti mayamu pag manga tawu atag sa kanmu Balay. ag magdaus kami may huruyawan sa kabayaan ag pagpasalamat sa kanmu.

Kanta 81:3

Patunuga ti budyung kada lapus lati ag kada kabilugan ti bulan, sa sirang nita kapistahan.

Isayas 1:13

Apasi yi niyu ti pagdara manga handug unman may pulus. Pagkadat-an niku ti hungaw niyu manga kamangyan. Udyi niku maagwanta kanyu magtiripun nu Pista Lapus Lati hanggan nu Sirang Pamahari, dahil una magtiripun kamu, magbuwat kamu kadautan.

Isikil 4:14

Dapat magkun aku, “Panginuun Diyus, unman gid niku inuringan kang sadili ginan sa kang anak waya aku tugka kainda. Unman gid aku nakakaun hayup namatay ngatay minatay iba hayup. Unman diman aku nakakaun hayup pagbaliwun mauring.”

Isikil 45:17

Katungkulan waydi takinan ti pagpakaun manga handug pagsunugun, handug pasalamat, handug irinmun, handug sa paglumpiyu, hanggan handug para sa mayad pag pakiusa sa udas manga pista parihu sa Pista Pag-umpisa Bulan, manga Sirang Pamahari, ag iba waya manga pista pag-idaus manga Israilita. Sagdaan inda pag manga handug hampay mapatawad ti manga kasalanan nasakupan Israil.”

Amus 8:5

Mag-apura kamu matapus ti Pista Lapus Lati ngatay ti Sirang Pamahari hampay makapabili yi kamu uyas ag makapandaya sa manga manugbili sa panab-anan niyu madaya pag timbangan hanggan takalan.

Bilang 10:10

Sa udas magsaya niyu — sa kanyu pag-alaala sa kapistahan, hanggan sa Pista Lapus Lati — patnugun diman niyu ti manga turumpita nu maghayin kamu manga handug pagsunugun hanggan handug tungkul sa mayad pag pakiusa. Ti manga turumpita ti magpaalaala sa kangku sa kang taratu sa kanyu. Aku, ti Panginuun niyu Diyus.”

Matiyu 15:11

Balaw ti pag-isubu sa bibig tawu ti mag-uring sa kanya, nu ud tigluwang ngap ginan sa kay bibig imaw tig-uring sa kanya.”

Markus 7:19

Dahil unman magsulud sa kay tagipusuun nu unman sa kay tiyan bag-u ipag-ugat.” Kay ibug sabihun unman may karan-unun makapauring sa tawu sa kay magbantay Diyus.

Binwat 15:20

Dapat ay suratan nita sida sa danga sida kumaun karan-unun ihinandug sa diyus-diyusan, danga sida magpamabayi magpanlalaki, danga sida kumaun taguban hayup nu in-gut unman nakaluwang kay dugu ag danga waydi sida kumaun dugu.

Ruma 14:10

Kawu duy hayga pag-unuunuhun ngatay pagpihuun nimu ti daut ti mayad sa kanmu patar-ari? Kita tanan umatubang sa Diyus bag-u pihuun niya ti daut ti mayad sa kanta.

Galasya 4:10

May turun-anun kamu manga sirang, manga bulan, manga panahun hanggan manga timpu!

Kulusas 2:20

Namatay yi kamu kaibahan ni Kiristu, udyi kamu sirung kapangyarihan kadautan maghari sa kalibutan? Hayga kamu mag-ugali waya ga manga taga kalibutan waya? Hayga kamu magpaniwala sa manga tun-anun magkun,

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

Hibriyu 9:10

Dahil tunda pag manga bilin tungkul lang sa manga karan-unun tawu, sa kanda pag-inmun hanggan sa kanda tun-anun sa mag-ugas. Nakan may kahulugan lang pag manga bilin hanggan sa udwaya binag-u Diyus ti tanan pag manga bagay.

Santiyagu 4:11

Danga magkaradat-an kamu, manga patar-ari. Nu ti tawu mag-away sa usa ka patar-ari, ag magpihu sa usa ka patar-ari nu daut nu mayad, kay pag-awayun ngap ti Kasuguan, kay pagpihuun ti Kasuguan nu daut nu mayad. Nu alamun nimu nu daut nu mayad ti Kasuguan balaw yi ngap kawu magtupad sa Kasuguan, bagkus ngap pagpalabi-labihan lang nimu ti Kasuguan.

1 Samwil 20:18

Bag-u magkun siya sa kan Dabid, “Aldaw Pista Lapus Lati, maalaman gid nida kawu unman lagan ati sa kanmu tukawan.

1 Samwil 20:5

Nakan magkun si Dabid, “Aldaw Pista Lapus Lati, kailangan aku mangaun kaibahan nimu ama. Dapat pahintuluti nimu aku makaginan ag makapatagu sa may tanman tugka sa yabi ikatlu pag sirang.