Kulusas 2:15 - Hanunuu

¹⁵ Sa panab-anan niya kamatayan sa kurus, dinaug ni Kiristu ti tanan may kamaskihan hanggan kapangyarihan sa kalibutan, ipinakakit niya sa kayamuan tawu kay nanalu sa kanda.

Kulusas 2:15 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Kanta 68:18

Igu nagtukad siya sa abwat pag rugar mayamu pag manga bihag kay dinara ag nakatanggap siya mayamu pakaun ginan sa manga tawu, una ginan sa manga malaban pag manga tawu. Ag ati pag mangulian ti Panginuun Diyus.

Isayas 53:12

Dahil siyun, dayawun niku siya parihu sa bantug pag tawu ag makapangyarihan dahil ipinakaun niya kay buhi. Imininsan siya usa sa manga makasalanan ag hinagad waya niya sa Diyus kuntay sida patawadun.”

Matiyu 12:29

“Nu mabisug pag tawu ti may puun balay, kabitay may makasaka sa siti pag balay hampay umagaw kay butang nu unman gapusun dapu niya kay apu mabisug, bag-u mahimu siya sumaka umagaw kay butang.

Lukas 10:18

Sinabi ni Hisus sa kanda, “Nakitan niku si Satanas nalagpak ginan sa langit parihu sa kilat.

Lukas 11:22

Dapat nu labanan siya lalu mabisug pag tawu, talu siya, bag-u bul-un sa kanya ti armas kay pagsarigan hanggan kay naagaw pag manga butang paghuray-hurayun.

Huwan 16:11

Ipakakit diman niya sa kanda ti Diyus sumintinsiya sa kanda, dahil nasintinsiyahan yi si Satanas imaw ti maghari sa kalibutan.

Huwan 19:30

Pagka sinupsup ni Hisus ti maaslum pag intus, sinabi niya magkun, “Taynguna tapus yi.” Bag-u nisug-uk yi kay ulu, naugtasan yi arup.

1 Kurintu 15:24

Bag-u rumas-ug ti katapusan. Duraun niya ti tanan kaharian, ti pamahalaan, ti kapangyarihan, ag ipakaun niya ti kaharian sa Diyus Ama.

2 Kurintu 2:14

Dapat salamat sa Diyus, dahil sa kanta pakiusa sa kan Kiristu, pirmi kita pagdarahun Diyus ga manga pirisu hampay ipadakit kay panalu ni Kiristu. Paggamitun kita Diyus hampay ikalat sa tanan rugar ti pagkilala sa kan Kiristu parihu ga hungaw mabanglu.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

Ipisu 3:10

Taynguna bay sa panab-anan iglisya gustu Diyus pagmipakilala sa manga pinunu ati sa langit ag sa manga may kapangyarihan ti unman may katabuhan pag kadunungan Diyus.

Ipisu 4:8

Kainda ti pagsabihun sa Banal Kasuratan magkun, “Pagka siya inmatag sa langit, nanaban siya sa mayamu pag nabihag, bag-u may ipinakaun siya sa manga tawu.”

Ipisu 6:12

Dahil kanta kalaban balaw manga tawu, nu unman ti kagadhan manga labang sa panungaan langit daga, manga pinunu, manga may kapangyarihan hanggan manga manugpamahala sa kadudulman magsaklaw sa inda pag kalibutan.

Kulusas 1:16

Dahil ti tanan-tanan bagay una sa langit una sa babaw daga, ti manga mag-akitan hanggan ti unman mag-akitan, linalang Diyus sa panab-anan ni Kiristu, para diman sa kan Kiristu ti tanan tunda. Una ti manga anghil abwat kay katungkulan, ti manga magpamahala, ti manga naminunu, ti may manga kamaskihan sa langit hanggan sa babaw daga, kay diman linalang Diyus sa panab-anan ni Kiristu hampay ipasakup niya sa kan Kiristu.

Kulusas 2:10

Sa kanyu magpakiusa sa kan Kiristu kang-ud diman hanggan kamu. Sakup diman niya ti tanan kapangyarihan una sa langit, una sa babaw daga.

Hibriyu 2:14

Tawu ngani tunda kay pagkumnun manga anak, nakan si Hisus nabilug diman tawu may nayi may dugu ga kanda diman may nayi may dugu. Nakan katida kay binwat, hampay sa kay pagkamatay mamapas siya sa diyablu, sa may kapangyarihan sa kamatayan,

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.