Kulusas 2:13 - Hanunuu

¹³ Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

Kulusas 2:13 Iomraidhean Croise

Kanta 119:50

Kanmu taratu magbuhi sa kangku ag magpakaun sa kangku kabayaan sa kang manga pag-agwanta.

Kanta 32:1

Mapalad ti tawu pinatawad kay manga paglabag, kay manga kasalanan balaw yi pag-alalahanun Diyus.

Kanta 71:20

Una pag-ipalakaw nimu aku sa mayamu pag manga pag-agwanta, pakan-an maan nimu aku bag-u pag buhi; ga sa parihu aku sa namatay buhiun di maan nimu.

Isayas 1:18

Magkun waya ti Panginuun, “Abala kamu paghampangan nita inda. Una waya kabitay kay kauring kanyu manga kasalanan, lumpiyuhun di niku tunda hampay malumpiyu kamu.

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Lukas 15:24

Dahil sitay kang anak tigbak, dapat nabuhi uman. Kabag-u nadura, dapat nakitan maan.’ Nakan nagbaya gid sida.

Lukas 15:32

Dapat kailangan kita magbaya gid ag masulung lubus, dahil sitay tigbak kanmu ari ag taynguna buhi yi maan. Sitay nadura ag kainda nakitan maan.’ ”

Lukas 9:60

Dapat sinabi ni Hisus sa kanya, “Ipiyar nimu sa unman may manga buhi ti lumubung sa manga namatay. Dapat pag-ati kawu, ibarita nimu sa manga tawu magkun, Diyus ti maghari sa tanan bagay.”

Huwan 5:21

Dahil nu kabitay pagbuhiun uman Ama ti manga namatay, katunda diman waydi pagbuhiun uman Anak una hintay pag tawu kay gustu buhiun uman.

Huwan 6:63

Ispiritu Diyus ti may gimpuunan buhi. Nu tawu lang unman makapakaun buhi. Nu tanggapun niyu kang manga bagaw, matanggap waydi niyu ti Ispiritu imaw ti makapakaun buhi sa kanyu.

Ruma 4:17

Kainda ti isinurat sa Banal Kasuratan magkun, “Binwat niku kawu ti pinagkagurang mayamu nasyun.” Sa atubangan Diyus si Abraham kanta ama, dahil sinarigan ni Abraham ti Diyus imaw tigpakaun buhi sa manga namatay, imaw diman ti naglalang sa tanan bagay.

Ruma 6:13

Danga niyu ipasakup sa kapangyarihan kasalanan una naan pag bahagi bilug niyu para gamit sa kadautan. Bagkus ngap pasakup kamu sa Diyus. Kamu pag manga namatay yi ag binuhi uman, ipakaun niyu sa Diyus kanyu buu pagkatawu hampay gamit yi sa katadlungan.

Ruma 8:11

Nu nangulian sa kanyu ti Ispiritu Diyus ti nagbuhi uman sa kan Hisus, ti Diyus ti nagbuhi uman sa kan Kiristu Hisus sa kamatayan, pumakaun waydi buhi sa kanyu manga bilug may kamatayan sa panab-anan niya Ispiritu nangulian sa kanyu.

1 Kurintu 15:36

Kawu duy unman may buut. Kanmu ipinamgas unman mabuhi nu unman magbag-u kay histuda, ibug sabihun ga mamatay dapu.

1 Kurintu 15:45

Katunda diman ti isinurat sa Banal Kasuratan magkun, “Ti un-an pag tawu si Adam inarupan Diyus bag-u may buhi yi.” Ti sa uryan pag Adam imaw ti Ispiritu tigpakaun buhi sa tawu.

2 Kurintu 3:6

Pinakan-an niya kami kadunungan hampay magsirbi sa bag-u pag taratu, balaw nipuun sa nisurat pag Kasuguan bagkus ngap sa Ispiritu. Ti nisurat pag Kasuguan magpakaun kamatayan dapat ti Ispiritu magpakaun ngap buhi.

2 Kurintu 5:19

Kanmi ibug sabihun, ginan sa kan Kiristu nipausa Diyus ti taga kalibutan sa kanya. Udyi pag-alalahanun niya kanda manga kasalanan. Ipiniyar Diyus sa kanmi inda pag barita hampay ti manga tawu ipausa ngani sa kanya.

Ipisu 2:1

Kamu pag manga patar-ari balaw Hudiyu, kaybi kamu manga tigbak dahil sa kanyu maglaban sa Diyus ag dahil sa kanyu kasalanan.

Ipisu 2:11

Isipun niyu kanyu daan pag kahamtangan. Kamu inanak manga balaw Hudiyu. Pagkumnun kamu manga Hudiyu kuntay balaw tinuri. Inda pag manga Hudiyu pagkumnun manga tinuri angay lang sa kanda binwat sa kanda bilug.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Kulusas 2:12

Pagka itinulbaw kamu, ilinbung kamu kaibahan ni Kiristu. Bag-u nabuhi maan uman niya dahil sa kanyu pagsarig sa makamaskihan buwat Diyus, imaw ti nagbuhi uman sa kan Kiristu.

1 Timutiyu 5:6

Dapat ti buranday nu mag-ugali sa parabayain, isipa yi lang siya ga namatay.

1 Timutiyu 6:13

Sa atubangan Diyus imaw ti gimpuunan tanan magkabuhi ag sa atubangan ni Kiristu Hisus imaw ti nagpatutuu mayad-mayad sa kay pagsarig sa pagdungugan ni Punsiyu Pilatu, kang pagsabihan duy kawu,

Hibriyu 6:1

Nakan danga yi kanta pag-adalan ti nalawyan yi pag manga adal tungkul sa kan Kiristu. Pagparargu yi kita ilubus nita kanta tudlu. Danga yi balikan nita ti kabag-u itinudlu tungkul sa pag-ampu sa manga unman may kabuluhan pag tarabahu, hanggan tungkul sa pagsarig sa Diyus,

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

Santiyagu 2:17

Katunda diman waydi ga tigbak ti pagsarig tawu nu unman mag-akitan sa kay buwat.

Santiyagu 2:20

Kawu duy kurang katna sa pag-intindi. Kanmu aw gustu ipaliwanag waya niku sa kanmu kuntay unman may gana pag sarig nu unman may tapil buwat?

Santiyagu 2:26

Tigbak ti bilug nu udyi may arup. Katunda diman waydi ga tigbak ti pagsarig nu unman may patapil manga buwat.

1 Huwan 2:12

Kamu duy pag manga anak, aku inda magsurat tabug sa kanyu dahil pinatawad yi kanyu manga kasalanan dahil sa kay ngaran ni Kiristu.