Kulusas 2:12 - Hanunuu

¹² Pagka itinulbaw kamu, ilinbung kamu kaibahan ni Kiristu. Bag-u nabuhi maan uman niya dahil sa kanyu pagsarig sa makamaskihan buwat Diyus, imaw ti nagbuhi uman sa kan Kiristu.

Kulusas 2:12 Iomraidhean Croise

Lukas 17:5

Sinabi manga apustul sa Panginuun magkun, “Dagdagan duy nimu kanmi sarig.”

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

Binwat 2:24

Dapat binuhi di siya Diyus ag irinibri sa kapangyarihan kamatayan, sa ungud, una ti kamatayan unman may kapangyarihan amparahun siya.

Binwat 2:32

“Imaw yi ngani pag Hisus ti binuhi uman Diyus. Nakitan gid nimi tanan kay yi nabuhi uman.

Ruma 4:24

nu unman para diman sa kanta. Kita diman kinilala Diyus kuntay manga matadlung dahil sa kanta magsarig sa kanya, sa binmuhi maan sa kanta Panginuun Hisus.

Ruma 7:4

Katunda diman manga patar-ari, nu para sa Kasuguan ni Muysis kamu namatay yi dahil kamu nakapaminsan yi sa kay bilug ni Kiristu hampay kamu ribri yi sa Kasuguan ag makapaminsan waydi sa kan Kiristu sa kay pagkabuhi uman hampay magamit kita Diyus kay yi manga suruguun.

1 Kurintu 12:13

Usa lang ka Ispiritu ti nagtulbaw sa kanta tanan sa bilug ni Kiristu, una kita Hudiyu, una kita Giriyigu, una manga panawuhun, una manga balaw panawuhun, kita tanan pinainum sa usa lang ka Ispiritu.

1 Kurintu 15:20

Dapat kay tutuu, si Kiristu binuhi uman sa kay pagkamatay, imaw tunda ti puruyba kuntay buhiun uman ti manga namatay.

Galasya 3:27

Dahil kamu ti manga itinulbaw sa kan Kiristu, ga isinlung yi niyu kay buhi ni Kiristu.

Ipisu 2:8

Dahil lang sa mayad nabubut-un Diyus naribri kamu pagka kamu nagsarig sa kan Kiristu. Inda pag karibrihan kay ipinakaun Diyus sa kanyu, balaw kanyu sadili buwat.

Ipisu 3:17

hampay mangulian si Kiristu sa kanyu tagipusuun dahil sa kanyu magsarig sa kanya. Pag-idarangin diman niku kamu hampay manggamut ag rumig-un sa pagmahal,

Ipisu 3:7

Sa kay mayad pag nabubut-un Diyus may binwat siya makamaskihan buwat sa kangku ag kay binwat aku manugtudlu Mayad pag Barita.

Ipisu 4:5

May usa lang ka Panginuun, usa lang ka sarig, usa lang ka tulbaw.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Pilipus 1:29

Pinili diman kamu ag pinakan-an karampatan hampay magsirbi sa kan Kiristu, kay ibug sabihun balaw lang tugka sa magsarig sa kan Kiristu nu unman hanggan sa mag-agwanta para sa kanya.

Kulusas 1:29

Nakan purus yi gid aku sa kang magpakibudlay angay sa daka gid pag kamaskihan kay pakaun ni Kiristu sa kangku.

Kulusas 2:13

Kamu pag manga balaw Hudiyu, daan ga tigbak kamu sa kanyu tagipusuun dahil sa kanyu kasalanan ag dahil kamu balaw sakup sa Kasuguan, dapat binuhi uman kamu Diyus kaibahan ni Kiristu. Pinatawad yi kita sa kanta tanan pag manga kasalanan.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 6:2

tungkul sa tudlu sa manga tulbaw, sa pagkupa manga kamang, ag sa pagkabuhi uman manga namatay, ag tungkul sa pagsintinsiya unman may katapusan.

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.