Kulusas 1:9 - Hanunuu

⁹ Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

Kulusas 1:9 Iomraidhean Croise

Kanta 119:99

Mayamu waya kang naintindihan kaysa kang manga manugtudlu, dahil kanmu tudlu imaw kang pag-isip-isipun.

Kanta 143:10

Tudlui aku sa pagsunud sa kanmu kagustuhan, dahil kawu kang Diyus. Mana kanmu mayad pag Ispiritu mag-antabay sa kangku sa kahamtangan balaw may kadamhakan.

Huwan 7:17

Una hintay pag tawu nu handa siya magtupad sa kagustuhan Diyus, makilala niya kang pag-itudlu nu ngatay ginan sa Diyus aw ngatay magbagaw aku ginan lang sa kang sadili.

Binwat 12:5

Nakan siti dapu si Pidru sa pirisuhan. Dapat ay nangungud ngap ti iglisya sa darangin tungkul sa kanya.

Ruma 12:2

Danga kamu magpaangay sa inda pag palakaw manga taga kalibutan. Danga magpaparihu kamu, pag bag-u yi kanyu naisipan agud maalaman niyu nu hintay ti kagustuhan Diyus, nu hintay ti mayad ag ti ikabaya niya ag udyi may kakurangan.

1 Kurintu 1:5

Dahil sa kanyu pakiusa sa kan Kiristu, abunda yi ngap kamu sa tanan bagay hanggan sa tanan pamagaw ag sa tanan kaalaman.

Ipisu 1:8

lubus kay ipinakilala niya sa kanta. Pinakan-an niya kita kadunungan hanggan intindi,

Ipisu 5:10

Pag-adali niyu nu hintay ti pagbayaun Panginuun.

Ipisu 5:17

Pagmabut-anin kamu. Intindiha niyu nu hintay ti kagustuhan Panginuun.

Ipisu 6:6

Una mag-akitan manga tawu, una unman mag-akitan, pagkatunda diman kanyu buwatun, balaw sa ikabaya tawu, nu unman dahil kamu manga panawuhun ni Kiristu buluntadan kamu pagtupad sa kagustuhan Diyus.

Pilipus 1:4

Sa kada aku magdarangin, pirmi masulung aku magdarangin tungkul sa kanyu tanan.

Kulusas 1:6

Inda pag Mayad pag Barita linmantap sa buu kalibutan ag magdara papalad parihu diman sa nangyari sa kanyu pagka nadnugan niyu ag nasalman niyu ti katutuuhanan tungkul sa kay mayad pag nabubut-un Diyus.

Kulusas 3:16

Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

Kulusas 4:5

Pagmadunung kamu sa kanyu pakiusa sa manga unman may sarig sa kan Kiristu. Danga ipalawuy niyu nu may rugar tumultul sa kanda.

1 Tisalunika 1:3

Pag-alalahanun nimi sa atubangan nita Diyus Ama kanyu mayad pag buruwatun imaw ti puruyba niyu pagsarig, hanggan kanyu magpangabudlay dahil pag-udyukan kamu niyu pagmahal. Pag-alalahanun diman nimi kanyu ugali naisipan matiniisun dahil sa kanyu pag-asa sa kanta Panginuun Hisu-Kiristu.

1 Tisalunika 5:17

Danga mag-ampu sa magdarangin.

2 Tisalunika 1:11

Pirmi di gid nimi pag-alalahanun kamu nu kami magdarangin sa Diyus hampay kanyu ugali buhi sa ikabaya Diyus. Ag hampay angay sa kay kamaskihan papaladan niya kamu sa tanan niyu pagturunuhun mayad hanggan sa tanan niyu buwat pag-udyukan niyu pagsarig.

Pilimun 1:4

Pirmi duy aku magbaya sa kang Diyus kada kawu kang pag-idarangin,

Pilimun 1:6

Pag-idarangin niku ti pagsarig nimu parihu sa kanmi mamurak lubus sa pag-intindi sa manga kaayadan burak nita magkarausa sa kan Kiristu.

Hibriyu 10:36

Kailangan kamu pagmatiniisun, hampay matupad niyu ti kagustuhan Diyus, agud matanggap niyu kay itinaratu.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

Santiyagu 1:5

Dapat una si unu sa kanyu nu kurang sa kadunungan, paghagad siya sa Diyus, bag-u siya pakan-an. Dahil ti Diyus abunda kay pamakaun sa tanan tawu, balaw siya mag-irang.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 2:15

Dahil katida gid kay kagustuhan Diyus, kamu pagbuwat mayad hampay imaw kanyu panalu sa pagbagawun manga tawu unman nakaintindi.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

1 Huwan 2:17

Ti kalibutan hanggan ti manga magkakinabangan ginan sa kalibutan may kaduraan diman. Dapat ti magtupad sa kagustuhan Diyus may tutuu yi gid pag buhi unman may katapusan.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

1 Samwil 12:23

“Balaw gid duy aku umapas sa kang magdarangin sa kanyu, dahil nu abi kang apasan tunda ngap kasalanan niku laban sa Panginuun. Bagkus ngap itudlu di niku sa kanyu ti mayad hanggan matadlung pag-ugali.