Kulusas 1:8 - Hanunuu

⁸ Ginan sa kan Ipapras pag naalaman nimi tungkul sa pagmahal kay ipinakaun Ispiritu sa kanyu.

Kulusas 1:8 Iomraidhean Croise

Markus 4:22

Dahil unman may mitagu, miburayhaw di gid aban ti tanan-tanan. Una hintay ti nilihim taynguna pihu miburayhaw aban.

Ruma 15:30

Pagsabihun yi gid niku sa kanyu, manga patar-ari, alang-alang sa kanta pagsarig sa Panginuun Hisu-Kiristu ag sa pagmahal kay ipinakaun Ispiritu Banal, awati niyu aku sa ungud pag darangin sa Diyus.

Ruma 5:5

Dayu kita mibuyu sa kanta pag-asa, dahil kay pagmahal Diyus ilinubus yi sa kanta manga tagipusuun sa panab-anan Ispiritu Banal, imaw ti ipinakaun Diyus sa kanta.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Kulusas 1:4

Dahil naalaman nimi ti tungkul sa kanyu pagsarig sa kan Kiristu Hisus hanggan sa kanyu pagmahal sa tanan manga nasakupan Diyus.

2 Timutiyu 1:7

Dahil ti Ispiritu Diyus balaw magpakaun kadalaan sa kanta. Bagkus ngap kay ipinakaun Ispiritu sa kanta ti kapangyarihan, ti pagmahal ag ti mapinasunaidun.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.