Kulusas 1:6 - Hanunuu

⁶ Inda pag Mayad pag Barita linmantap sa buu kalibutan ag magdara papalad parihu diman sa nangyari sa kanyu pagka nadnugan niyu ag nasalman niyu ti katutuuhanan tungkul sa kay mayad pag nabubut-un Diyus.

Kulusas 1:6 Iomraidhean Croise

Kanta 110:3

Sa sirang manggira kawu sa kanmu manga kalaban, buluntad mangawat sa kanmu ti nasakupan nimu. Kanmu kalay-awan pag manga nasakupan umatag sa kanmu sa banal pag bantud ga tun-ug kada surip.

Kanta 98:3

Balaw niya kinalimtan kay pagmahal ag pagkamatinupadun sa kanta, sa nasakupan Israil. Nakitan tanan tawu sa buu kalibutan nu kabitay kita ipinanalu nita Diyus.

Matiyu 24:14

Itudlu dapu sa bilug kalibutan ti Mayad pag Barita tungkul sa kay paghari Diyus hampay lalu maalaman tanan nasyun. Bag-u di rumas-ug ti katapusan.”

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Markus 16:15

Sinabi ni Hisus sa kanda magkun, “Pag-ati kamu sa tanan rugar sitay sa babaw daga, itudlu niyu ti Mayad pag Barita sa tanan manga tawu.

Markus 4:8

Dapat ay ti binhi nipamgas sa mayad pag daga nag-abwat, nanlagbak, nanguhay. Kay butir sa kada uhay may tigtatlumpulu kay butir, may tig-unumpulu, may tigmananggatus.”

Huwan 15:16

Balaw duy kamu ti nagpili sa kangku. Aku ngap ti pinmili sa kanyu, kang ipinablag kamu ginan sa kalibutan hampay kamu umatag tumupad sa buruwatun ag hampay udyi madura hanggan aban ti pakinabang niyu manga binudlayan; ipakaun Ama sa kanyu una hintay kanyu hagadun sa kanya dahil kamu napasakup sa kangku.

Huwan 17:19

Pag-ilubus niku pag-ipakaun kang sadili sa kanmu hampay sida kanmu diman sa panab-anan katutuuhanan.

Huwan 4:23

Dapat arani yi gid ti udas, kainda yi ngap, ti manga tutuu magsamba sa Ama sumamba sa kanya sa Ispiritu ag sa katutuuhanan. Dahil katida ti paghanapun Ama sa manga magsamba sa kanya.

Binwat 11:18

Pagka nadnugan manga patar-ari inda pag manga sinabi ni Pidru, udyi sida may pagsabihun sa kan Pidru. Bagkus ngap nagdayaw sida sa Diyus magkun, “Nu katunda maaw, ipinakaun diman Diyus sa manga balaw Hudiyu hampay makaampu sida sa kanda kasalanan ag makatanggap buhi.”

Binwat 12:24

Nilantag ti Bagaw Diyus, nag-amat yinmamu ti manga tawu sinmarig sa kan Hisus.

Binwat 16:14

May usa ka babayi namatingi diman sa kanmi kay ngaran si Lidya taga Tiyatira. Magtinda siya manga pisahan ga dukut dungun ubi. Magsamba siya sa Diyus. Pinalug-ud Panginuun kay tagipusuun hampay maniwala siya sa kay itinudlu ni Pablu.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Ruma 1:13

Manga patar-ari, gustu niku maalaman niyu, balaw di pira ka pag-ulit kang gayak asan tag diman sa kanyu, dapat hanggan taynguna tugka pag-amparahun waya aku. Kang gustu diman bumutung sa manga tawu asan hampay sida sumarig waydi sa kan Kiristu, parihu diman sa kang binwat sa manga iba balaw Hudiyu.

Ruma 15:19

may mamaski waya pag manga makadululaw ag lilingutan pag manga tanda buwat kapangyarihan Ispiritu Banal. Nakan ngani sa tanan rugar ginan sa Hirusalim hanggan tugka Iliriku pag daga itinudlu yi niku ti tanan Mayad pag Barita tungkul sa kan Kiristu.

Ruma 15:28

Pagkatapus tunda, nu miintirga yi niku tunda pag ambagan kuwarta tanan-tanan sa manga patar-ari sa Hirusalim, tuminir waya aku asan sa kanyu bag-u di aku tabug sa Ispanya.

Ruma 16:26

Taynguna bay tunda pag katutuuhanan niburayhaw yi ngap sa Kasuratan manga Purupita. Bag-u ti Diyus ti unman may katapusan imaw ti nagpatigayun hampay ipakilala tunda pag katutuuhanan sa tanan manga nasyun tawu agud sida sumarig sa Diyus ag sumunud sa kanya.

2 Kurintu 10:14

Balaw kami maglakdang dahil kamu daan nasakup nimi katugkaan ati katpung sa kanmi nag-umpisa nag-asan nagdara Mayad pag Barita tungkul sa kan Kiristu.

2 Kurintu 6:1

Kami manga kaawat Diyus sa buruwatun. Nakan pagpakapaanyuan nimi kamu danga pagpasipalahan ti manga kaayadan kay ipinakaun Diyus sa kanyu.

Ipisu 3:2

Siguru naalaman yi niyu kuntay dahil sa mayad pag nalub-anan Diyus ipiniyar niya sa kangku inda pag katungkulan para sa kanyu pag kaayadan.

Ipisu 4:21

Pinatingihan kabay niyu kay pag-iadal niya ag tinudluan yi kamu katutuuhanan tungkul sa kan Hisus.

Ipisu 4:23

Pagbag-uha yi kanyu nalub-anan hanggan kanyu naisipan.

Ipisu 5:9

Dahil ti ugali sa marayaw kay burak lunsay mayad, matadlung hanggan tutuu.

Pilipus 1:11

Nu katunda kamu, mag-akitan sa kanyu buhi ti lunsay marinu gid pag ugali dahil sa kay mayad buwat ni Hisu-Kiristu sa kanyu, sa lubus ikadayaw sa Diyus.

Pilipus 4:17

Balaw kuntay sa may paghingbutun manga pakaun. Dapat ti mahalaga gid sa kangku nu yumamu waya kanyu manga mayad buwat hampay may matanggap waydi kamu pirimyu aban.

Kulusas 1:10

Nu katunda, makaugali kamu angay sa Panginuun hampay kay pagbayaun, abunda sa mayad buwat ag dumaka kanyu pagkilala sa Diyus.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

1 Tisalunika 1:5

Dahil kanmi ipinadakit ti Mayad pag Barita sa kanyu balaw tugka lang sa bagaw. Kay makamaskihan pag manga buwat Ispiritu Banal ti nagpuruyba sa kanyu tungkul sa katutuuhanan Mayad pag Barita. Nakitan waydi niyu nu kabitay kami sa kanyu atubangan sa kanyu ikaayad.

1 Tisalunika 2:13

Inda waya ti pirmi pag-ipasalamat nimi sa Diyus, pagka itinudlu nimi sa kanyu kay Bagaw Diyus, tinanggap niyu tunda ga tutuu ngani Bagaw Diyus, bukun ga bagaw lang tawu. Kay kamaskihan Bagaw Diyus makitan diman gid waydi sa kanyu buhi dahil kamu manga magsarig.

2 Tisalunika 2:13

Dapat kailangan pirmi kami magpasalamat sa Diyus dahil sa kanyu, manga patar-ari. Kamu kay pagmahalun Panginuun. Kami magpasalamat gid dahil ginan waya sa kabag-u kamu kay yi gid pinili hampay kamu pakan-an karibrihan, dahil sa kay kamaskihan Ispiritu imaw tigbuwat matadlung sa kanyu ag dahil sa kanyu pagsarig sa katutuuhanan.

1 Pidru 5:12

Sa kang nagsurat inda sa kanyu aku inawatan ni Silbanu. Alam niku siya usa ka masarigan pag patar-ari. Sa inda ngani pag surat dag-ud dag-ud kang gustu pabisugun niku kanyu naisipan, ag kang diman pag-isabi sa kanyu inda ngani ti tutuu pag kaayadan kay ipinakaun Diyus. Dagkaanggihut kamu ginan sa inda pag pakaun kaayadan.