Kulusas 1:5 - Hanunuu

⁵ Dahil may pag-asa kamu makarubtan niyu ti manga inalistu para sa kanyu ati sa langit. Nasalman yi niyu ti tungkul sa pag-asahan niyu inda pagka itinudlu sa kanyu ti tutuu pag barita Diyus, imaw ti Mayad pag Barita.

Kulusas 1:5 Iomraidhean Croise

Kanta 31:19

Pagkadaka kanmu iinalistu kaayadan sa manga magsunud sa kanmu. Mintaras mabantayan ti manga tawu, pagpakakitan nimu kaayadan ti manga magdangup sa kanmu.

Lukas 12:33

Ipabili niyu kanyu manga kasiyunan bag-u pagpakaun sa manga pugri kay kabilyanan. Pag-alistu kamu kanyu sukluban balaw magkadaut, tipunun niyu kanyu kayamanan sa langit. Ati unman mabawas ti kayamanan, una mananakaw, una tipakung dayu gumaraw.

Binwat 10:36

Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.

Binwat 13:26

Magkun si Pablu, “Manga kaparihu niku Hudiyu, manga linahi ni Abraham hanggan kamu pag manga balaw Hudiyu manga niabay sa surundanun Hudiyu, kita yi duy ti pinadakitan barita tungkul sa inda pag karibrihan.

Binwat 23:6

Alam ni Pablu ati sa Katipunan ti iba manga Sadusiyu ag ti iba Parisiyu, nakan iinalsa niya kay magbagaw sa Katipunan magkun, “Manga kaparihu niku Hudiyu, aku Parisiyu, kang manga gurang Parisiyu diman waydi. Taynguna aku idinimanda dahil sa kang mag-asa mabuhi maan ti manga namatay.”

Binwat 24:15

Parihu diman sa kanda mag-asa aku sa Diyus buhiun maan niya ti tanan tawu, ti manga matadlung hanggan ti manga unman matadlung.

Ruma 10:8

Dapat inda kay pagsabihun magkun, “Arani yi sa kanmu ti bagaw Diyus, sa kanmu yi bibig ag sa kanmu tagipusuun.” Imaw yi ngani pag manga bagaw kanmi pag-itudlu tungkul sa pagsarig.

1 Kurintu 13:13

Dapat inda pag tulu ti unman gid madura hanggan waya aban, ti pagsarig, ti pag-asa hanggan ti pagmahal. Dapat ti mahalaga sa tulu imaw ti pagmahal.

1 Kurintu 15:19

Nu para lang sa kanta buhi sitay sa babaw daga kanta pagsarig sa kan Kiristu, sa tanan tawu kita ti kaawaawa.

2 Kurintu 5:19

Kanmi ibug sabihun, ginan sa kan Kiristu nipausa Diyus ti taga kalibutan sa kanya. Udyi pag-alalahanun niya kanda manga kasalanan. Ipiniyar Diyus sa kanmi inda pag barita hampay ti manga tawu ipausa ngani sa kanya.

2 Kurintu 6:7

sa magbagaw katutuuhanan hanggan sa kamaskihan Diyus. Kanmi matadlung pag ugali buhi imaw kanmi armas panlaban hanggan panangga.

Galasya 2:14

Pagka nakitan niku unman sida maglakaw sa katutuuhanan Mayad pag Barita, sinabi niku sa kan Pidru sa atubangan nida tanan magkun, “Nu kawu Hudiyu mag-ugali parihu sa balaw Hudiyu, ag bukun yi ga usa ka Hudiyu, kabitay pag mapilit nimu ti manga balaw Hudiyu mag-ugali parihu sa manga Hudiyu?”

Galasya 2:5

Dapat ay kami unman napasakup sa kanda kagustuhan una di ngalay-ngalay, hampay madahanan nimi ti katutuuhanan Mayad pag Barita para sa kanyu.

Galasya 5:5

Dapat ay dahil sa Ispiritu alam nimi pihu gid kami aban kilalan-un Diyus manga matadlung dahil sa kanmi pagsarig sa kan Kiristu.

Ipisu 1:13

Dahil sa kan Kiristu, kamu pag manga balaw Hudiyu nagpatingi sa tutuu pag barita Diyus, sa Mayad pag Barita imaw tigpakaun karibrihan. Dahil diman sa kan Kiristu kamu nagsarig sa Diyus. Nakan ngani ipinakaun Diyus sa kanyu ti Ispiritu Banal imaw kay itinaratu Diyus, bilang puruyba kuntay kamu pinili Diyus hampay kay yi manga sakup.

Ipisu 4:21

Pinatingihan kabay niyu kay pag-iadal niya ag tinudluan yi kamu katutuuhanan tungkul sa kan Hisus.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

Kulusas 3:16

Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

1 Tisalunika 2:13

Inda waya ti pirmi pag-ipasalamat nimi sa Diyus, pagka itinudlu nimi sa kanyu kay Bagaw Diyus, tinanggap niyu tunda ga tutuu ngani Bagaw Diyus, bukun ga bagaw lang tawu. Kay kamaskihan Bagaw Diyus makitan diman gid waydi sa kanyu buhi dahil kamu manga magsarig.

2 Tisalunika 2:16

Kanmi pag-idarangin kamu hampay pasayahun nita Panginuun Hisu-Kiristu hanggan nita Diyus Ama, imaw ti nagmahal sa kanta. Kinaawaan gid niya kita, pinakan-an niya kita unman magkauman pag matutum naisipan hanggan marig-un pagsarig.

1 Timutiyu 1:15

Tutuu ti pagsabihun ag kailangan paniwalaan tanan tawu magkun, “Nakan nagsitay si Kiristu Hisus sa kalibutan hampay iribri ti manga makasalanan.” Ag aku ngap ti takinan manga makasalanan.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 1:2

agud magsarig sida sa buhi unman may katapusan. Udwaya linalang ti kalibutan daan di itinaratu Diyus ti buhi unman may katapusan. Ti Diyus unman madunung magpudil.

Hibriyu 7:19

Dahil nu ginan lang sa Kasuguan unman diman gid may kamhanan kay turunu. Dapat ipinakilala Diyus sa kanta ti lalu gid mayad pag paghingabtun. Nu ungud gid kita maghingabut, makapakarani kita sa Diyus.

1 Pidru 2:2

Parihu sa manga lapsag bag-u nianak hanapun niyu ti pinagkagatas angay sa Ispiritu unman may lakut daut, hampay dumaka kanyu pagsarig hanggan sa udwaya matanggap niyu ti buu karibrihan.

1 Pidru 3:15

Galangun niyu sa kanyu tagipusuun si Kiristu, imaw ti Panginuun. Pagmay alistu kamu pirmi kanyu isagut nu may humagad paliwanag tungkul sa kanyu pagsarig.

2 Pidru 1:12

Madi alam niyu inda ag marig-un kamu sa katutuuhanan kanyu tinanggap, pirmi diman kang pagpaala-lahanan kamu tungkul sa inda pag manga bagay.

1 Huwan 3:3

Una hintay pag tawu ti magsarig katunda sa kan Kiristu, mag-ingat sa kay sadili bilug hampay malumpiyu kay buhi, ga kan Kiristu waydi malumpiyu.