Kulusas 1:3 - Hanunuu

³ Pirmi kami magpasalamat sa Diyus, sa Ama nita Panginuun Hisu-Kiristu sa kada nimi magdarangin sa kanyu.

Kulusas 1:3 Iomraidhean Croise

Ruma 15:6

hampay mirinsan kanyu magdayaw sa Diyus sa Ama nita Panginuun Hisu-Kiristu.

1 Kurintu 1:4

Pirmi aku magpasalamat sa kang Diyus tungkul sa kanyu dahil sa kaayadan kay ipinakaun Diyus sa kanyu, sa kanyu magpakiusa sa kan Kiristu Hisus.

2 Kurintu 1:3

Kanta dayawun ti Diyus, ti Ama nita Panginuun Hisu-Kiristu, siya ti maawaun pag Ama, siya pag Diyus tigpakaun tanan maariwaya pag naisipan.

Ipisu 1:15

Nakan ngani pagka nabaritaan niku kanyu pagsarig sa Panginuun Hisus hanggan kanyu pagmahal sa tanan manga nasakup sa Diyus,

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

Kulusas 1:9

Nakan ngani pagka naalaman nimi inda, pirmi nimi pag-idarangin kamu sa Diyus hampay ilubus niya sa kanyu ti kang-ud pag kadunungan kay pakaun Ispiritu, hampay lalu niyu maintindihan kay kagustuhan Diyus.

1 Tisalunika 1:2

Pirmi magpasalamat kami sa Diyus dahil sa kanyu tanan. Kada kami magdarangin kanmi diman pag-idarangin kamu.

2 Timutiyu 1:3

Magpasalamat aku sa Diyus imaw kang pagsirbihan lubus parihu sa binwat niku manga ginurang. Magpasalamat ungud aku sa Diyus sa kada magkaisipan niku kawu sa kang magdarangin sirang yabi.