Kulusas 1:28 - Hanunuu

²⁸ Nakan ngani pag-itudlu nimi si Kiristu sa tanan tawu. Pagpaala-lahanan nimi sida, malinaw gid kanmi pagtudluan sida angay sa kanmi makakaya hampay mipaatubang nimi sa Diyus ti kada usa kang-ud ag unman may ikasabi dahil sa kanda magpakiusa sa kan Kiristu.

Kulusas 1:28 Iomraidhean Croise

Isra 7:25

“Kawu, Isra, angay sa ipinakaun Diyus pag kadunungan sa kanmu, pagpili kawu manga takinan hanggan manughusay may alam sa Kasuguan nimu Diyus. Manpatigayun sida sa tanan tawu sa purubinsiya isalpan Iyupratis. Ag ti manga tawu balaw nakaalam sa Kasuguan tudluan niyu.

Kabagawan 8:5

Kamu pag manga unman may alam, pagmadunung kamu. Kamu pag manga luku-luku, pag-intindi kamu.

Manugtudlu 12:9

Tuhay waya sa madunung inda pag manugtudlu, pagtudluan diman niya ti manga tawu tungkul sa kay naalaman. Inadalan niya kaayad ti mayamu pag manga sanglitan kay banggitun sitay.

Hirimyas 3:15

Bag-u pakan-an niku kamu takinan gustu niku ti manugpanguna sa kanyu may kadunungan ag intindi.

Hirimyas 6:10

Namaingana aku, “Dapat Panginuun, si unu duy kang pakan-an pasandam? Si unu duy nguna ti mamatingi sa kangku? Pinut-an duy nida kanda manga tuli hampay balaw sida makadnug. Pagkadat-an duy nida ti bagaw Panginuun, nakan dayu sida mamatingi.

Isikil 7:10

“Arani yi gid ti sirang kadamhakan! Masyadu yi gid ti kadautan hanggan ti magpadayaw manga tawu.

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Matiyu 5:48

Nakan ngani kailangan ilubus niyu kanyu kaayadan parihu sa kanyu Ama sa langit.”

Markus 6:34

Pagka nagdugsun si Hisus ginan sa duunduun, nakitan niya ti lalu mayamu tawu. Naawa gid siya sa kanda, dahil sida parihu ga manga karanidu unman may manug-alaga. Bag-u mayamu maan kay itinudlu ni Hisus sa kanda.

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Binwat 10:36

Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.

Binwat 11:20

Dapat ti iba sa kanda manga taga Sipru hanggan taga Sirini pag manga tawu. Pagka rinmas-ug sida sa Antiyukya, itinudlu ngap nida sa manga balaw Hudiyu ti Mayad pag Barita tungkul sa Panginuun Hisus.

Binwat 13:38

Nakan ngani duy, kailangan maalaman niyu tanan kuntay ginan sa nangyari sa kan Hisus pag-itudlu sa kanyu ti kapatawadan sa kanyu manga kasalanan. Pagmaalaman yi gid niyu, ti kada tawu nu magsarig sa kan Hisus, siya iribri sa tanan niya kasalanan. Dapat nu siya magsarig sa kay pagtupad sa Kasuguan ni Muysis unman siya may kapatawadan sa kay manga kasalanan.

Binwat 17:18

May manga manugtudlu sa Ipikuryu hanggan sa Istuyku pag kalasi adal, nangatadlungan sida sa kan Pablu. Sinabi manga iba, “Hintay nguna kay ibug sabihun tunda pag magpadunungun pag tawu?” Magkun maan ti manga iba, “Magtudlu banta siya tungkul sa manga diyus sa iba pag manga nasyun.” Nakan katida kanda pagsabihun, dahil pag-itudlu ni Pablu tungkul sa kan Hisus hanggan tungkul sa pagkabuhi uman.

Binwat 17:3

Ipinaliwanag niya ti pagsabihun sa Banal Kasuratan. Itinultul niya kailangan mag-agwanta ti Pinili Diyus Manugribri pag Hari bag-u buhiun maan ginan sa kamatayan. Magkun siya, “Inda pag Hisus kang pag-itudlu sa kanyu imaw yi ngani ti Pinili Diyus Manugribri pag Hari.”

Binwat 20:31

Nakan ngani, manga patar-ari, pag-ingat kamu, danga niyu malimtan kang nagtudlu sa kanyu sirang yabi sa sulud tulu ka timpu, tiniis niku ti mayamu pag kakurian.

Binwat 3:20

ag pakan-an kamu rugar hampay maariwaya kanyu naisipan. Suguun niya sa kanyu tabug si Hisus, imaw ti Pinili Diyus Manugribri pag Hari.

Binwat 5:42

Sirang-sirang una sa Balay Diyus una sa manga balay tawu unman sida mag-apas kanda magpanudlu. Itinudlu nida ti Mayad pag Barita magkun, “Si Hisus yi ngani ti Pinili Diyus Manugribri pag Hari.”

Binwat 8:35

Bag-u ginan sa inda ngani pag bahagi Banal Kasuratan itinultul ni Pilipi sa pinunu ti Mayad pag Barita tungkul sa kan Hisus.

Binwat 8:5

Si Pilipi nag-ati sa banwa Samarya bag-u nagtudlu siya tungkul sa kan Kiristu sa manga tawu ati.

Binwat 9:20

Susun nagsaka siya sa simbahan manga Hudiyu, nanudlu siya tungkul sa kan Hisus magkun, “Siya yi ngani ti Anak Diyus.”

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

1 Kurintu 1:23

Dapat ay kanmi pag-itudlu si Kiristu ti nipaku sa kurus, nu sa manga Hudiyu imaw ngap kanda pag-ikadaut, nu sa manga balaw Hudiyu unman may kabuluhan siya.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Kurintu 12:8

Dahil ti Ispiritu magpakaun bagaw kaalaman sa usa ka patar-ari, sa iba ti Ispiritu diman tigpaburayhaw sa manga bagay unman magkaalaman.

1 Kurintu 15:12

Nu pag-itultul nimi magkun, “Si Kiristu binuhi uman sa kay pagkamatay,” bati hayga ti iba sa kanyu magsabi ti manga namatay unman yi buhiun uman?

1 Kurintu 2:15

Dapat nu ti tawu inulian Ispiritu magkaintindihan niya ti tanan bagay nu mahalaga nu unman. Sa kanya bay unman may makaintindi.

1 Kurintu 2:6

Dapat nu sa manga marig-un kay sarig, kadunungan ngap ti kanmi pag-itudlu. Bukun kadunungan kalibutan inda, balaw diman kadunungan manga takinan taga kalibutan. Tunda pag kadunungan sa babaw lang daga nu sa kadugayan unman yi may kabuluhan.

1 Kurintu 4:14

Balaw isinurat niku inda hampay kamu kang pakay-ahun, nu unman hampay paalalahanan niku kamu, ga kang suud yi manga anak kang magmahal sa kanyu.

2 Kurintu 10:14

Balaw kami maglakdang dahil kamu daan nasakup nimi katugkaan ati katpung sa kanmi nag-umpisa nag-asan nagdara Mayad pag Barita tungkul sa kan Kiristu.

2 Kurintu 11:2

Aku hanggan ga sa Diyus kang mag-irang sa kanyu tabug sa kasalanan. Parihu kamu ga usa ka daraga mabuut, kang itinaratu sa usa ka lalaki, sa kan Kiristu ngani hampay siya ga kanyu asawa.

2 Kurintu 4:5

Si Hisu-Kiristu kanta Panginuun ti kanmi pag-itudlu, balaw kanmi sadili. Kami kanyu manga panawuhun dahil ngani sa kan Hisus.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Ipisu 5:27

Kay binuwat niya tunda hampay ipaatubang niya sa kay atubangan ti iglisya masnag, unman may huput kadautan, unman may yukut, lubus nasakup sa Diyus, lubus yi lang marinu.

Diyuturunumiyu 4:5

“Pag-itudlu niku sa kanyu ti ipinakaun Panginuun niku Diyus sa kangku pag manga sugu hanggan surundanun hampay kanyu sundun nu rumas-ug kamu sa patabgan niyu pag daga ag ulianan.

Kulusas 1:22

Dapat ay kamu pinausa Diyus tag sa kay sadili, dahil sa kay kamatayan ni Kiristu angay sa kay pagkatawu, hampay kamu ipaatubang sa Diyus ud may ikasabi, manga sakup yi sa Diyus, unman may kutub daut.

Kulusas 2:10

Sa kanyu magpakiusa sa kan Kiristu kang-ud diman hanggan kamu. Sakup diman niya ti tanan kapangyarihan una sa langit, una sa babaw daga.

Kulusas 2:3

Sa kanya pag nakapundu ti lubus mahalaga pag kadunungan hanggan kaalaman.

Kulusas 3:16

Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

1 Tisalunika 4:6

Danga kamu magbuwat daut ngatay magdaya sa kanyu kaparihu, parihu sa magpanguragin niya asawa. Kanmi yi sinabi ag ipinaalam inda sa kanyu kaybi di waya, dahil parusahan Diyus una si unu ti magbuwat katunda.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

1 Timutiyu 3:2

Ti manug-asiwa sa iglisya kailangan unman may masabi sa kanya, usa lang kay asawa, madahan, madunung waydi magtiis sa kay sadili, maginalangun, marapasaka sa bag-u ras-ug ag mayad siya magtudlu.

Hibriyu 10:14

Usa lang ka bisis ihinandug kay sadili sa Diyus, ag inda ti naglumpiyu sa manga binwat banal tugka aban.

Hibriyu 13:21

Mana ipakaun niya sa kanyu ti tanan niyu kailangan agud matupad niyu kay kagustuhan. Mana buwatun ni Hisu-Kiristu sa kanta ti angay sa atubangan Diyus. Sa kan Hisus ti kadayawan hanggan aban. Amin.

2 Pidru 3:15

Isipa gid duy niyu, nakan ngani magpadugay-dugay waya ti Panginuun hampay pakan-an waya kamu rugar agud miribri. Imaw diman kay isinurat ni Pablu, kanta mahal pag patar-ari, sa kay manga surat sa kanyu angay sa kadunungan kay ipinakaun Diyus sa kanya.