Kulusas 1:27 - Hanunuu

²⁷ Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

Kulusas 1:27 Iomraidhean Croise

Matiyu 13:11

Sinmagut si Hisus, “Ipinahintulut sa kanyu ti makatau sa manga katutuuhanan unman nihayag tungkul sa kaharian langit, dapat unman ipinahintulut inda sa kanda.

Lukas 17:21

Unman masabi manga tawu, ‘Tunda ay ngani’, ngatay ‘Ati ay’. Dahil nu sa ungud nag-umpisa yi naghari yi gid ti Diyus sa kanyu karaw-an.”

Huwan 14:17

Tunda pag Manug-awat imaw yi ti Ispiritu tigtudlu katutuuhanan tungkul sa Diyus. Dayu mahimu makapasakup sa Ispiritu ti manga taga kalibutan, dahil unman mag-akitan nida siya, unman diman kanda nakilala. Dapat kamu duy nakakilala yi sa kanya, dahil siya kanyu yi kaibahan ag aban mangulian yi siya sa kanyu tagipusuun.

Huwan 14:20

Sa ati katpung pag sirang aban makilala niyu kuntay aku minsan sa Ama ag kamu minsan sa kangku, aku minsan diman sa kanyu.

Huwan 14:23

Sinmagut si Hisus magkun, “Una hintay pag tawu nu magmahal siya sa kangku, tumupad siya sa kang manga bilin bag-u mahalun gid siya niku Ama. Bag-u kang Ama hanggan aku umasan yi mangulian yi sa kanya.

Huwan 17:26

Ipinakilala yi niku kanmu ngaran sa kanda, ag ipakilala waya gid niku kawu agud kanmu pagmahal sa kangku asan diman sa kanda, ag hanggan aku asan diman sa kanda.”

Huwan 6:56

Nu ti tawu magkaun kang bilug, mag-inum kang dugu nipausa siya sa kangku, aku nipausa waydi sa kanya.

Ruma 11:33

Abunda gid ungud kay kayamanan ti Diyus. Udyi kaya isipun tawu kay kadunungan hanggan kay kaalaman niya. Udyi magkatabu magkasuyasid kay manga turunu hanggan kay pamaraan.

Ruma 2:4

Aw ngatay barang udyi pagpahalgaan nimu ti Diyus dahil siya mayad gid ag maagwantahun ag matiniisun. Unman aw lugud alam nimu kay pagmahal Diyus sa kanmu tigpakaun rugar hampay umampu kawu sa kanmu kasalanan?

Ruma 5:2

Ginan diman sa kan Kiristu pag nakarubtan yi nita kay pangaawa Diyus kanta yi napunduhan. Lubus kita masulung sa kanta mag-asa miusa di kita aban sa Diyus sa kay kadayawan.

Ruma 8:10

Nu si Kiristu nangulian yi sa kanyu, kanyu bilug ga namatay dahil sa kasalanan, dapat kanyu tagipusuun magkabuhi dahil kamu kinilala Diyus kuntay manga matadlung.

Ruma 9:23

Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

1 Kurintu 3:16

Unman aw niyu alam kamu kay Balay Diyus? Ti Ispiritu Diyus ti nangulian sa kanyu.

2 Kurintu 2:14

Dapat salamat sa Diyus, dahil sa kanta pakiusa sa kan Kiristu, pirmi kita pagdarahun Diyus ga manga pirisu hampay ipadakit kay panalu ni Kiristu. Paggamitun kita Diyus hampay ikalat sa tanan rugar ti pagkilala sa kan Kiristu parihu ga hungaw mabanglu.

2 Kurintu 4:17

Ti malpus-malpus pag kakurian kanmi paglakawan inda bilang ngalay-ngalay lang. Kay pakinabang aban imaw ti kaayadan unman may katapusan. Unman may tumimbang kakurian sa siti pag kaayadan.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Galasya 2:20

Namatay aku kaibahan ni Kiristu sa kurus. Pagka kainda aku nabuhi, balaw yi kang sadili buhi, nu unman si Kiristu lang ti nabuhi sa kangku. Hanggan aku sitay di waya sa babaw daga, kang ugali buhi magsarig sa Anak Diyus, sa nagmayad sa kangku ag nagpakaun kay buhi sa kamatayan para sa kangku.

Galasya 4:19

Kamu duy lubus niku pagmayadun. Parihu aku ga usa ka babayi magpanganak, may pagdungugun aku mabuyat pag karukuan dahil sa kanyu hanggan sa udwaya makitan si Kiristu sa kanyu buhi.

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 2:22

Dahil sa kanyu magpakiusa sa kanya, kamu hanggan ga manga kalap yi diman waydi sa panab-anan Ispiritu Banal hampay ulian Diyus.

Pilipus 4:19

Ginan sa kay kayamanan unman may katabwanan, ipakaun niya ti tanan niyu kailangan dahil sa kanyu gid magpakiusa sa kan Kiristu Hisus.

Kulusas 1:5

Dahil may pag-asa kamu makarubtan niyu ti manga inalistu para sa kanyu ati sa langit. Nasalman yi niyu ti tungkul sa pag-asahan niyu inda pagka itinudlu sa kanyu ti tutuu pag barita Diyus, imaw ti Mayad pag Barita.

Kulusas 2:3

Sa kanya pag nakapundu ti lubus mahalaga pag kadunungan hanggan kaalaman.

Kulusas 3:11

Nakan ngani ud may naglain parihu lang una manga balaw Hudiyu una manga Hudiyu, una tinuri una balaw tinuri, una manga dayuhan, una manga tawu balaw ga kanta kay ugali, una manga panawuhun una bukun panawuhun. Sa kan Kiristu unman may naglain ti tanan tawu ag siya ti sa kanyu tanan.

1 Timutiyu 1:1

Inda ti may surat si Pablu, kay apustul ni Kiristu Hisus angay sa kay sugu Diyus imaw ti Manugribri nita, ag ni Kiristu Hisus imaw kanta pag-asahan.

Hibriyu 6:19

Nu may paghingabtun kita, ga pinunduhan marig-un kanta naisipan ag balaw magkaanggihut, makalawuy di sa limbun rutay Balay Diyus makasulud sa Pinakabanal pag Sulud-sulud.

1 Huwan 4:4

Manga anak, kamu duy sa Diyus, dinaug yi niyu ti manga pudilun pag purupita, dahil una makapangyarihan ti sa kalibutan, lalu man mamaski ti Ispiritu Banal, imaw ti nangulian sa kanyu.

Ipinakakit 3:20

Pagbantay kawu, matindugan aku sa dayu sabian, magtaragham. Nu may makadnug sa kang bagaw bag-u nu bukasan niya ti talakup sabian, aku sumaka. Bag-u sumaru aku sa kanya ag sumaru waydi siya sa kangku.