Kulusas 1:18 - Hanunuu

¹⁸ Siya ti pinagkaulu, ti iglisya kay pinagkabilug. Siya tigpakaun buhi sa iglisya. Siya ti panganay, daan di siya Anak Diyus. Siya ti un-an nabuhi uman hampay siya yi gid ti makamaskihan sa tanan.

Kulusas 1:18 Iomraidhean Croise

Kanta 89:27

Kilalan-un niku siya kang panganay pag anak, ti pinakamakapangyarihan sa tanan pag hari.

Kanta ni Sulumun 5:10

Kang mahal makurasug ag magkaragang-ragang kay lukub. Sa sampulu ka libu lalaki usa-usa lang siya.

Isayas 52:13

Magkun ti Panginuun, “Kang manugsirbi manalu. Bumaliw bantug siya ag paggalangun.

Matiyu 23:8

“Dapat kamu danga pagpaingarni maisturu. Dahil usa lang kanyu Maisturu, kamu tanan magtar-arian.

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Huwan 1:1

Pagka udwaya linalang ti kalibutan, ti Bagaw daan di. Kaybi kaibahan siya Diyus ag lubus siya Diyus.

Huwan 1:16

Unman may kinatabwanan ti kaayadan kay ipinapalad sa kanta dahil sa kay lubus mayad nabubut-un.

Huwan 1:27

Siya ti dumasun sa kang uryan, dapat unman gid aku may karampatan makalubad kay higut niya manga lapak.”

Binwat 26:23

Sinabi kabay nida magkun, kailangan mamatay ti Pinili Diyus Manugribri pag Hari bag-u un-an gid sa tanan tawu siya ti buhiun maan hampay ipakilala niya sa manga Hudiyu hanggan sa manga balaw Hudiyu nu kabitay sida maribri agud sida sa marayaw yi.”

Ruma 8:29

Dahil ginan waya sa kabag-u daan di alam Diyus nu si unu pag manga tawu sa kanya. Tunda pag manga tawu hinanda niya hampay pumarihu sa kay Anak, hampay si Hisus, kay Anak Diyus, bilang ga panganay mayamu patar-ari.

1 Kurintu 11:3

Dapat kang gustu pagmaintindihan niyu si Kiristu tigpamahala sa kada lalaki, ti lalaki magpamahala sa kay asawa bag-u ti Diyus magpamahala waydi sa kan Kiristu.

1 Kurintu 12:27

Kamu yi ngani ti bilug ni Kiristu ag ti kada usa sa kanyu manga gamit bilug niya.

1 Kurintu 15:25

Dahil kailangan si Kiristu tigpamahala hanggan sa udwaya mipauli Diyus sa sirung raprapa ni Kiristu ti tanan niya kalaban.

Ipisu 1:10

Inda ngani pag ginayak Diyus pihu tupadun niya sa panab-anan ni Kiristu, nu rumas-ug ti taning pag kaudasan. Inda ngani kay gayak, usahun niya aban sa kan Kiristu ti tanan linalang sa langit una sa babaw daga.

Ipisu 5:23

Dahil lalaki tigdara ulu sa kay asawa babayi, parihu ga kan Kiristu tigdara ulu sa iglisya imaw kay bilug. Siya diman waydi ti manugribri iglisya.

Kulusas 1:24

Magbaya aku sa kang mag-agwanta sa kang bilug taynguna alang-alang sa kanyu, dahil sa panab-anan niku kakurian inda pag-iparargu niku ti pag-agwantahun parihu ga kay inagwanta ni Kiristu para sa iglisya, sa kay pinagkabilug.

Kulusas 2:19

Nagbul-iw yi tunda pag manga tawu sa kan Kiristu, imaw ti ga ulu may kamaskihan sa buu bilug. Ginan sa kan Kiristu pag makatanggap ti bilug kabisugan hampay magkarausa ga may kaluas-luasan may manga kusug. Si Kiristu diman ti manug-alaga hanggan ti magpadaka angay sa kay kagustuhan Diyus.

1 Huwan 1:1

Kami inda may surat tabug sa kanyu tungkul sa Bagaw may kabuhian. Udwaya linalang ti kalibutan daan di siya. Imaw kanmi nadnugan hanggan nakitan nimi mata, kanmi binantayan ag nahikap nimi kamang.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.

Ipinakakit 1:8

Kay sabi Panginuun Diyus magkun, “Aku ti Alpa ag ti Umiga. Aku ti Diyus taynguna, una kaybi ag aku ti rumas-ug aban, ti Makamaskihan sa tanan.”

Ipinakakit 11:15

Pagka inyup ikapitu pag anghil kay budyung, may manga namaragawan daraka ginan sa langit magkun, “Kanta Panginuun hanggan ti Pinili Diyus Manugribri pag Hari nag-aku yi lubus sa paghari sa bilug kalibutan. Humari siya hanggan waya aban.”

Ipinakakit 21:6

Sinabi waya waydi niya sa kangku magkun, “Kang-ud tinupad yi. Aku ti Alpa ag ti Umiga, aku ti umpisa aku diman ti masawad. Una si unu ti magkauwaw pakan-an niku karampatan hampay makainum danum unman may bayad ginan sa bulbugan gimpuunan buhi.

Ipinakakit 22:13

Aku ti Alpa ag ti Umiga, aku ti sa kabag-u, aku diman ti sa katapusan. Aku ti umpisa, aku diman ti masawad.”

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus: