Kulusas 1:16 - Hanunuu

¹⁶ Dahil ti tanan-tanan bagay una sa langit una sa babaw daga, ti manga mag-akitan hanggan ti unman mag-akitan, linalang Diyus sa panab-anan ni Kiristu, para diman sa kan Kiristu ti tanan tunda. Una ti manga anghil abwat kay katungkulan, ti manga magpamahala, ti manga naminunu, ti may manga kamaskihan sa langit hanggan sa babaw daga, kay diman linalang Diyus sa panab-anan ni Kiristu hampay ipasakup niya sa kan Kiristu.

Kulusas 1:16 Iomraidhean Croise

1 Krunika 29:11

Makamaskihan gid kawu, paggalangun, kilala, ag pagdayawun. Dahil kanmu ti tanan pag bagay sa langit ag sa daga. Kawu ti hari, Panginuun, ag abwat kawu sa tanan.

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Kabagawan 16:4

May turunu ti tanan linalang Panginuun, una ti manga daut pag tawu itinagka niya midamhak.

Isayas 43:21

Sida pag manga nasakupan kang linalang para sa kangku, agud dumayaw sa kangku.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Huwan 1:10

Sitay yi sa babaw daga ti Bagaw. Madi kay linalang Diyus ti kalibutan ginan sa kanya, unman waydi nakilala siya manga tawu sa kalibutan.

Huwan 1:3

Ginan sa kanya pag binwat Diyus ti tanan pag manga bagay. Sa tanan-tanan linalang unman may nabuwat ti Diyus nu ud ginan lang sa kanya.

Ruma 11:36

Dahil Diyus ti gimpuunan tanan pag manga linalang. Tunda tanan ginan sa kanya, ag tabug diman sa kanya. Sa kanya di ti kadayawan hanggan aban. Amin.

Ruma 8:38

Napihu yi niku unman may bumulag sa kanta ginan sa pagmahal Diyus, una kamatayan, una buhi, una manga anghil, una manga labang, una manga paglakawan sa taynguna, una sa paratabgan waya, una manga kapangyarihan,

Ruma 9:5

Sida minamat nida ni Abraham ni Isaak ni Hakub. Bag-u siti diman waydi ginan pag linahi si Kiristu sa kay pagkatawu, imaw ti Diyus makamaskihan sa tanan, siya ti pagdayawun hanggan waya aban. Amin.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

Ipisu 1:10

Inda ngani pag ginayak Diyus pihu tupadun niya sa panab-anan ni Kiristu, nu rumas-ug ti taning pag kaudasan. Inda ngani kay gayak, usahun niya aban sa kan Kiristu ti tanan linalang sa langit una sa babaw daga.

Ipisu 6:12

Dahil kanta kalaban balaw manga tawu, nu unman ti kagadhan manga labang sa panungaan langit daga, manga pinunu, manga may kapangyarihan hanggan manga manugpamahala sa kadudulman magsaklaw sa inda pag kalibutan.

Diyuturunumiyu 4:39

“Nakan tandai niyu inda pag sirang ag tanuman sa kanyu tagipusuun ti Panginuun imaw ti Diyus sa langit ag sa babaw daga, udyi may tuhay waya diyus.

Pilipus 2:10

Agud ti tanan linalang sa langit, una sa daga, una sa ulian manga namatay lumuhud ag dumayaw sa ngaran ni Hisus.

Kulusas 1:15

Sa kan Kiristu pag makilala ti Diyus, ti unman mag-akitan sa mata. Si Kiristu daan di Anak Diyus. Siya diman ti may kamaskihan sa tanan linalang.

Kulusas 1:20

Minahal niya ti buu kalibutan hampay miusa maan sa kanya sa panab-anan niya Anak. Sa panab-anan dugu ni Kiristu ibinuhus sa kay namatay sa kurus, pinausa Diyus tag sa kay sadili ti tanan bagay linalang una sa langit, una sa bagaw daga.

Kulusas 2:10

Sa kanyu magpakiusa sa kan Kiristu kang-ud diman hanggan kamu. Sakup diman niya ti tanan kapangyarihan una sa langit, una sa babaw daga.

Kulusas 2:15

Sa panab-anan niya kamatayan sa kurus, dinaug ni Kiristu ti tanan may kamaskihan hanggan kapangyarihan sa kalibutan, ipinakakit niya sa kayamuan tawu kay nanalu sa kanda.

Hibriyu 1:2

Pagka kainda arani yi ti katapusan kalibutan, kay Anak ngap ti nagpadakit sa kay manga binagaw Diyus sa kanta. Ti Anak ti pinili pag manugkarubut sa tanan manga bagay, dahil ginan lang sa kanya pag binwat Diyus ti kalibutan.

Hibriyu 2:10

Linalang Diyus ti tanan bagay angay sa kay gayak niya kagustuhan. Nakan ngani ipinalakaw niya si Hisus sa kakurian kay inagwanta hampay lubus tupadun niya ti kagustuhan Diyus, ag hampay mayamu tawu kay mataban sa kadayawan.

1 Pidru 3:22

Nag-atag siya sa langit, baliwa sa sikun Diyus. Siyun yi ngap siya pag maghari sa manga anghil, imaw ti manga may kangaranan hanggan kamaskihan sa langit.