Kulusas 1:15 - Hanunuu

¹⁵ Sa kan Kiristu pag makilala ti Diyus, ti unman mag-akitan sa mata. Si Kiristu daan di Anak Diyus. Siya diman ti may kamaskihan sa tanan linalang.

Kulusas 1:15 Iomraidhean Croise

Kanta 89:27

Kilalan-un niku siya kang panganay pag anak, ti pinakamakapangyarihan sa tanan pag hari.

Pag-ighit 24:10

ag nakitan nida ti Diyus Israil. Kay tarat-an ga batu sapiru masilaw parihu sa langit.

Bilang 12:8

Nu maghampang aku sa kanya, ga mag-aratubangan diman kami dahil kang pagbagawun sa kanya magkasalman gid mayad ag balaw sa pahalimbawa. Ga mag-akitan niya aku. Nakan hayga kamu unman gid magkadala magbagaw daut laban sa kang suruguun sa kan Muysis?”

Huwan 1:1

Pagka udwaya linalang ti kalibutan, ti Bagaw daan di. Kaybi kaibahan siya Diyus ag lubus siya Diyus.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

Huwan 14:9

Sinabi ni Hisus sa kanya magkun, “Dugay yi aku pag kaibahan niyu. Udwaya aw lugud nakilala nimu aku, Pilipi? Ti tawu nu nakakit sa kangku, nakitan yi niya hanggan ti Ama. Hayga duy pagsabihun nimu magkun, ‘Ipakakit nimu sa kanmi ti Ama’?

Huwan 15:24

Nakan may saragtun gid sida sa kanda manga kasalanan, dahil nakitan gid nida ti makadululaw pag binwat niku unman mabuwat una sitapu pag tawu. Kanda gid nakitan tunda, bag-u kanda ngap kinagalitan aku hanggan ti Ama.

Huwan 3:16

Daka gid kay pagmahal Diyus sa tanan tawu sa babaw daga, nakan ipinakaun niya kay Bugtung Anak hampay una si unu pag tawu nu magsarig sa kanya, dayu ipadamhak sa kamatayan, bagkus ngap may tutuu pag buhi siya unman may katapusan.

Ruma 8:29

Dahil ginan waya sa kabag-u daan di alam Diyus nu si unu pag manga tawu sa kanya. Tunda pag manga tawu hinanda niya hampay pumarihu sa kay Anak, hampay si Hisus, kay Anak Diyus, bilang ga panganay mayamu patar-ari.

2 Kurintu 4:4

Unman sida magsarig, dahil kanda naisipan binuta ni Satanas, imaw tig hari sa manga taga kalibutan. Binuta sida hampay balaw makitan nida ti karayawan Mayad pag Barita tungkul sa kadayawan ni Kiristu imaw ti histuda Diyus.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

Pilipus 2:6

Si Hisus daan diman Diyus, unman kailangan maghinaum magpaparihu sa Diyus.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

1 Timutiyu 1:17

Taynguna ti kadayawan hanggan kapangyarihan pagsa kanya, sa usa-usa ka Diyus, sa Hari ud may pinag-umpisahan, unman may katapusan, unman may kamatayan ag unman mag-akitan sa mata. Amin.

1 Timutiyu 6:16

Siya lang ti ud may kamatayan, siya ti mangulian sa dayu masumpung pag karayawan. Unman may nakakit sa kanya ag unman may kumakit sa kanya una kainda. Sa kanya ti kadayawan hanggan ti unman may katapusan pag kamaskihan. Amin.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 1:6

Kainda waya kay sinabi Diyus, pagka arani yi suguun niya ti panganay tag sa kalibutan, magkun siya, “Kailangan siya sambahun tanan manga anghil.”

Hibriyu 11:27

Dahil sa kay pagsarig, nighit si Muysis ginan sa Ihiptu ag unman siya nadala sa kay pangagalit hari. Balaw siya mag-urung sa kay sarig, nakan bilang ga mag-akitan niya ti Diyus, langmadi unman mag-akitan sa mata.

Ipinakakit 3:14

“Isurat nimu inda para sa anghil magbantay sa iglisya sa banwa Laudisiya: “Inda ti magsabi imaw yi ngani ti pag-ingarnan si Amin, imaw ti tutuu masarigan pag manugpadakit. Siya ti gimpuunan tanan linalang Diyus: