Kulusas 1:12 - Hanunuu

¹² ag hampay kamu magbaya gid magpasalamat sa Diyus Ama, dahil binwat niya kamu kang-ud hampay may kahuray kamu sa kay kaharian hanggan karayawan, pinaminsan kamu sa manga nasakup sa kanya.

Kulusas 1:12 Iomraidhean Croise

1 Hari 6:7

Pagka ipinatindug ti Balay Diyus, ti ginamit pag manga batu daan yi inandasan ginan sa kay nagbul-an, nakan unman yi may masaydan pulpug martilyu, tigib ngatay una hintay pag gamit baul.

1 Krunika 29:20

Bag-u magkun si Dabid sa tanan kadamlan, “Dayawa niyu ti Panginuun niyu Diyus.” Nakan dinayaw nida ti Panginuun, ti Diyus nida manga ginurang. Nanluhud sida ag nanyuk-ub sa paggalang sa Panginuun hanggan sa hari.

Kanta 116:7

Kailangan magpakarig-un aku dahil mayad gid ti Panginuun sa kangku,

Kanta 36:9

Dahil kawu ti gimpuunan buhi. Pagrayawan nimu kami, ag magkarayawan kanmi kaisipan.

Kanta 79:13

Ag kami kanmu nasakupan, kanmu pagbantayan parihu sa manga karanidu, magpasalamat sa kanmu sa unman may katapusan. Dayawun nimi kawu pirmi tugka aban.

Kanta 97:11

Ti kaayadan Diyus ga sirang magsinggit sa manga matadlung ag magpakaun inda kabayaan sa kanda.

Kabagawan 16:1

Tawu ti maggayak, dapat Panginuun ti magpasya nu matupad tunda pag gayak ngatay unman.

Kabagawan 4:18

Ti pangabuhi tawu matadlung parihu sa pagbutlak init mag-amat di magrayaw habang magdugay.

Danyil 2:23

Diyus niku manga ginurang, pagdayawun niku kawu ag pagpasalamatan. Kawu ti nagpakaun sa kangku kadunungan ag kabisugan. Ag ipinakaun nimu kanmi paghagadun sa kanmu sa panab-anan pagpaalam nimu sa kanmi kay ibug sabihun tagin-up hari.”

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 20:17

Sinabi ni Hisus sa kanya magkun, “Danga duy paghiyapti nimu aku, dahil aku udwaya nakauli sa Ama sa langit. Dapat pag-ati kawu sa kang manga patar-ari, pagsabi sa kanda magkun, umuli yi aku sa kang Ama kanyu diman Ama, sa kang Diyus kanyu diman Diyus.”

Huwan 4:23

Dapat arani yi gid ti udas, kainda yi ngap, ti manga tutuu magsamba sa Ama sumamba sa kanya sa Ispiritu ag sa katutuuhanan. Dahil katida ti paghanapun Ama sa manga magsamba sa kanya.

Binwat 20:32

“Taynguna duy pag-iintirga niku kamu sa Panginuun hampay ingatan niya kamu. Hanggan ti Bagaw tungkul sa kay mayad nabubut-un Diyus umingat waydi sa kanyu. Kay Bagaw Diyus ti makaparig-un sa kanyu. Imaw gid ti pumapalad sa kanyu kay kaayadan kay ihinanda Diyus sa manga tawu magpasakup sa kanya.

Binwat 26:18

Kailangan pamuklatun nimu kanda manga mata, kailangan bawiun nimu sida ginan sa kadudulman atag sa marayaw, ginan sa kapangyarihan ni Satanas tabug ngap sa Diyus, hampay nu sida sumarig sa kangku, patawadun kanda manga kasalanan hampay mipaminsan sida sa manga tawu napasakup sa Diyus.’

Ruma 11:17

Pinlud kay iba sanga ti tanum puun ulibu ag kawu, ga sanga lang lupaw pag ulibu, pag-isugdung sa puun tanum ulibu, hampay maayawan taguk ginan sa gamut. Nakan may kabahagi kamu manga papalad Diyus para sa manga Hudiyu.

Ruma 15:27

Buluntadan yi gid kanda pakaun tunda. Nu sa ungud talaga kailangan gid waydi nida buwatun tunda. Dahil ti manga balaw Hudiyu nahurayan waydi sa kay papalad Diyus angay sa Ispiritu sa manga Hudiyu, nakan kailangan ihuray waydi manga balaw Hudiyu sa manga Hudiyu ti ipinapalad Diyus kahamtangan sa kanda.

Ruma 8:17

Nu ungud kita kay manga anak, kita yi gid ti makatanggap pamana kay ihinanda Diyus sa kay manga anak. Kita kaibahan ni Kiristu sa pagtanggap pamana. Dahil nu kita mag-agwanta kaibahan niya, kaibahan waydi niya kita sa kay kadayawan.

Ruma 9:23

Gustu diman niya ipakakit kay unman may pumarihu pag kamaskihan sa manga tawu kay pagkaawaan ag kay ihinanda ginan waya kaybi para tabug sa kadayawan.

1 Kurintu 8:6

nu para sa kanta usa lang ti Diyus, ti Ama ti naglalang sa tanan bagay, nabuhi kita para sakup sa kanya. Usa lang ti Panginuun, si Hisu-Kiristu, ginan sa kanya pag nalalang ti tanan bagay. Ginan diman sa kanya kita pag nabuhi.

1 Kurintu 9:23

Pagbuwatun niku inda tanan-tanan pag manga bagay alang-alang sa Mayad pag Barita, hampay makatanggap waydi aku manga papalad ginan sa Diyus.

2 Kurintu 11:14

Unman waydi kailangan paglingutan nita tunda. Dahil una si Satanas madunung magpanaguabi kuntay siya anghil karayawan.

2 Kurintu 5:5

Diyus diman ti naghanda sa kanta hampay kay bag-uhun ngani. Ipinakaun niya sa kanta ti Ispiritu bilang pinagkatanda imaw yi kay puruyba pihu tupadun niya kay manga taratu.

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Ipisu 1:18

Kang pag-idarangin kamu hampay marayawan kanyu naisipan hampay maalaman niyu kanta pag-asahan dahil sa kay pagbutung niya sa kanta. Kay ihinanda niya ti daka gid pag kaayadan sa tanan manga binanal,

Ipisu 2:18

Dahil sa kan Kiristu ti manga Hudiyu ag ti manga balaw Hudiyu parihu kita makapakarani sa Ama, dahil sa kanta pakiusa sa usa ka Ispiritu.

Ipisu 3:6

Ag inda yi ngani ti madalum pag katutuuhanan magkun, nu sumarig sida sa Mayad pag Barita, ti manga balaw Hudiyu parihu diman waydi sa manga Hudiyu may kabahagi diman waydi sa manga papalad ginan sa Diyus. Ag sida hanggan manga gamit diman bilug ni Kiristu ag may kabahagi sa kay taratu Diyus kay tinupad sa kan Kiristu Hisus.

Ipisu 4:6

Usa lang ka Diyus imaw yi ti Ama nita tanan. Siya yi gid ti hari sa tanan, siya ti magtandug ag mag-ulian sa kanta.

Ipisu 5:11

Danga kamu magpasalbug sa manga tawu magbuwat sa balaw ikamayad, sa manga ugali sakup sa kadudulman. Bagkus ngap ipaburayhaw niyu ti daut nida manga buwat.

Ipisu 5:20

Pirmi kamu pagpasalamat sa Diyus Ama tungkul sa tanan bagay sa kay ngaran nita Panginuun Hisu-Kiristu.

Ipisu 5:4

Danga yi pagpakan-i rugar una hintay pag mahalay, una manga harampangan ud may kabuluhan, una ti harakutan ud may pulus. Bagkus ngap pagpasalamat gid kamu sa Diyus.

Ipisu 5:8

Kaybi kamu sakup sa kadudulman, dapat taynguna kamu sakup yi sa marayaw dahil sa kanyu pakiusa sa Panginuun. Nakan ngani pag-ugali kamu parihu sa manga tawu sakup yi sa marayaw.

Kulusas 2:2

Nakan katida kang pagbuwatun hampay rumig-un kanda tagipusuun ag hampay sida paminsanun sa pagmahal. Nu katida may kang-ud sida pag-intindi sa katutuuhanan bag-u kilalan-un nida si Kiristu, imaw ti madalum pag katutuuhanan kaybi ginan udwaya ipinaburayhaw Diyus.

Kulusas 3:15

Pagpasakup kamu kanyu tagipusuun sa kahusayan kay pakaun ni Kiristu. Kamu binutung Diyus sa inda pag kahusayan, hampay kamu magkabuu usa ka bilug. Kailangan kamu pagpasalamat sa Diyus.

Kulusas 3:17

Una hintay kanyu buwatun, una sa bagaw una sa buruwatun, buwata niyu ti tanan angay sa kanyu pakiusa sa Panginuun Hisus. Sa panab-anan diman niya pagpasalamat kamu sa Diyus Ama.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 12:23

hanggan sa iglisya manga anak panganay Diyus. Kanda manga ngaran inilista ati sa langit. Nagpakarani kamu sa Diyus, imaw ti pumihu aban kay daut kay mayad tanan-tanan tawu hanggan manga anghil. Nagpausa kamu sa manga tawu matadlung, sa manga udyi may kakurangan una di.

Hibriyu 3:1

Manga patar-ari niku, kamu manga ipinablag Diyus hampay kamu kay tanggapun niya. Parihu kita pinili Diyus hampay mabuhi aban sa langit. Nakan ngani isipa niyu si Hisus. Siya ti sinugu gid Diyus. Siya diman ti pangulu manughandug nita pagsarig.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

Santiyagu 3:9

Ti dila kanta paggamitun sa pagdayaw sa Panginuun hanggan sa Ama. Ti dila kanta diman paggamitun sa pagmuransa sa tawu sa linalang ga histuda Diyus.

1 Pidru 5:1

Aku duy may paanyu sa manga manug-asiwa sa kanyu. Aku manug-asiwa diman ga kanyu. Nakitan niku kan Kiristu inagwanta pag manga kakurian. May kabahagi diman aku sa kadayawan arani yi ipaburayhaw aban.

1 Huwan 1:3

Tunda ngani ti kanmi nakitan ag nadnugan imaw yi kanmi pag-itultul sa kanyu hampay kamu hanggan magpakiusa sa kanmi. Kita magpakiusa yi gid sa Ama ag sa kay Anak, sa kan Hisu-Kiristu.

Ipinakakit 21:23

Udyi may kailangan init una bulan hampay rayawan ti banwa dahil ti kadayawan Diyus tigparayaw ati, ti Anak Karanidu ti sulu.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.

Ipinakakit 22:5

Ati udyi may yabi, udyi may kailangan sida sulu una rayaw init, dahil ti Panginuun Diyus tigrayaw sa kanda ati. Humari sida unman may katapusan.