Kulusas 1:11 - Hanunuu

¹¹ Pag-idarangin diman nimi kamu hampay kay daka gid pag kamaskihan Diyus ti pumarig-un sa kanyu, hampay masulung di gid kamu mag-agwanta sa tanan kakurian,

Kulusas 1:11 Iomraidhean Croise

Kanta 63:2

Nakitan gid niku kanmu pagkamakamaskihan hanggan kadayawan sa kanmu Balay.

Pag-ighit 15:6

Panginuun, lubus gid kanmu kamaskihan; sa panab-anan inda, rinunut nimu ti manga kalaban.

Kabagawan 24:10

Nu naduraan kawu pagsarig sa udas kakurian, ibug sabihun malumuy kawu.

Isayas 45:24

Sumabi sida, ‘Sa panab-anan lang Panginuun ti tawu magkaimaw kabisugan hanggan panalu may katuwiran.’ ” Ti tanan magkagalit sa Panginuun pumakarani sa kanya ag mangay-a.

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 5:41

Pagka ginan sa atubangan Katipunan manga Pinunu, nuli maan ti manga apustul. Nakabaya gid ungud sida, dahil pinakan-an sida karampatan hampay mag-agwanta parusa dahil ngani sa kan Hisus.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

1 Kurintu 16:13

Pagdahan kamu, pagpakarig-un kamu sa kanyu pagsarig, pagmatutum kanyu naisipan, kamu pagmabisug.

2 Kurintu 4:7

Kami pinakan-an inda pag kayamanan, madi kami ga anglit lang, agud maipakakit ti balaw matupungan pag kapangyarihan ginan sa Diyus, balaw ginan sa kanmi sadili.

Ipisu 3:16

Maghagad aku sa Diyus angay sa kay kayamanan hanggan kamaskihan hampay parig-unun ag pabisugun Ispiritu kanyu tagipusuun,

Ipisu 4:2

Kamu pagmapinakumbabaun, pagmabuut ag pagmainagwantahun. Angay sa pagmahal, pagparasunaidan kamu sa kada usa.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Pilipus 4:13

Kaya niku mabuwat inda tanan dahil si Kiristu tigpabisug sa kangku.

2 Pidru 1:6

ti kaalaman dugangan niyu pagpigil sa sadili, ti pagpigil sa sadili dugangan niyu karig-unan, ti karig-unan dugangan niyu magpasakup sa Diyus,

Hudas 1:25

Siya yi lang ti Diyus kanta Manugribri sa panab-anan nita Panginuun Hisu-Kiristu. Diyus ti may kapurihan, kadayawan, kamaskihan hanggan kapangyarihan kaybi di waya ginan sa kabag-u, una taynguna una hanggan waya aban. Amin.

Ipinakakit 14:12

Nakan ngani kailangan pagpakarig-un ti manga napasakup sa Diyus, ti manga magsunud ngani sa kay sugu Diyus ag unman mag-urung sa kanda pagsarig sa kan Hisus.