Kanta 127:1 - Hanunuu

¹ Nu unman ti awat Panginuun, unman may kabuluhan ti pagpatindug balay ngatay ti pagbantay sa daka pag banwa,

Kanta 127:1 Iomraidhean Croise

1 Hari 5:12

Pinakan-an Panginuun si Sulumun kadunungan angay sa kay itinaratu. Mayad kanda harampangan ni Sulumun ag ni Hiram, bag-u nagbuwat sida kasunduan balaw manlalabanan.

1 Krunika 28:10

Nakan isipa inda kaayad. Pinili kawu Panginuun sa pagpatindug Balay Diyus para ati siya dayawun. Pagpakarig-un kawu, ag buwata inda pag buruwatun.”

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

1 Krunika 29:19

Ag awati diman waydi kang anak si Sulumun pag matinupadun gid siya sa kanmu manga sugu, manga patigayun, ag manga surundanun, hanggan sa pagbuwat sa tanan nimu pag-ipatupad tungkul sa pagpatindug Balay Diyus kang iinalistu.”

Kanta 120:1

Sa kang kakurian, nagdangup aku sa Panginuun ag sinagut niya aku.

Kanta 121:1

Magbantay aku sa manga bantud; naan nguna ginan kang awat?

Kanta 122:1

Nagbaya aku pagka sinabihan aku kuntay, “Atabug kita sa Balay Diyus Panginuun.”

Kanta 123:1

Panginuun, magdarangin aku sa kanmu, asan kawu sa langit, sa kanmu tukawan.

Kanta 124:1

Nu unman pumabliwa ti Panginuun sa kanta, unu nguna ti nangyari? Pagsagut kamu manga taga Israil!

Kanta 125:1

Ti manga magsarig sa Panginuun parihu sa bantud Siun balaw magkatandug, bagkus ngap pumirmaminti hanggan aban.

Kanta 126:1

Pagka ibinalik Panginuun ti mayad pag kahamtangan Siun, ga tagin-up lang inda.

Kanta 72:1

Diyus, tudlui ti hari kanmu matadlung pag katuwiran,

Kanta 78:69

Ati niya pag-ibinungsud kay Balay Diyus marig-un tugka aban, parihu sa langit ag daga.

Kabagawan 16:9

Tawu ti maggayak, dapat ti Panginuun ti magpatupad sa inda pag gayak.

Manugtudlu 9:11

May nakitan waya gid aku sitay sa kalibutan: Unman tanan mabisug magpalagiw magpanalu sa lalagsan, ag balaw tanan mabisug magpanalu sa labanan. Unman tanan madunung makakit karabuhian, unman tanan madunung magyaman, ag unman tanan may kakayahan magpanalu. Nakan magras-ug sa kada tawu kanya aratubangun.

Kanta ni Sulumun 3:3

Nakitan aku manga guwardiya magpalibut-libut sa banwa. Pinaingana niku sida, “Nakitan aw niyu kang mahal?”

Kanta ni Sulumun 5:7

Nakitan aku manga guwardiya habang magpalibut-libut sida sa banwa. Binakul nida aku, ag nabiyagan aku. Bin-ul waya nida kang kulimpay.

Isayas 27:3

Aku ti Panginuun ti mag-alaga sa ubasan. Pagbunyagan niku inda ag pagbantayan sirang yabi hampay balaw madaut.

Isayas 56:10

Dahil ti manga takinan Israil manga manugbantay mana sa inda pag nasyun nagbaliw ngap ga manga buta ag unman may alam. Ga manga idu sida magbantay ud magsubang. Kanda gustu pahuway, maturug, ag managin-up.

Isayas 62:6

Hirusalim, nagpauli aku manga taga bantay sa kanmu manga alad batu. Unman sida umapas sirang yabi sa pagpakaun pasandam sa manga nasakupan nimu. Kamu pag manga magdarangin sa Panginuun, danga kamu mag-apas sa kanyu magdarangin.

Hirimyas 51:12

Ipaabwat niyu ti bandira mustara sa paggira sa Babilunya. Dugangi niyu ti manga manugbantay; ag ipalastar ti manga manugbantay. Sangputan niyu ti banwa! Udas yi hampay buwatun Panginuun ti gayak niya laban sa manga taga Babilunya.”

Hirimyas 51:31

Dasun-dasun rumas-ug ti manga manugbarita hampay sabihun sa hari Babilunya kuntay ti buu banwa nasakup yi.

1 Kurintu 15:14

Nu abi si Kiristu unman binuhi uman, kanmi tudlu unman may pulus, unman diman waydi may pulus kanyu pagsarig.

1 Kurintu 3:7

Balaw mahalaga ti magtanum hanggan ti magbunyag. Diyus lang ti mahalaga imaw ti magpalangba.

Galasya 4:11

Magkaaburidu yi gid aku sa kanyu barang unman may kabuluhan kang nagbudlay dahil sa kanyu.

Diyuturunumiyu 8:18

Dapat alalahanun gid niyu ti Panginuun niyu Diyus imaw ti nagpakaun sa kanyu kakayahan yumaman kamu, ag binuwat niya inda hampay matupad niya ti kasunduan niya sa kanyu manga ginurang, parihu sa kay binwat taynguna.

Huswi 2:2

Nabaritaan hari Hiriku may nanras-ug manga Israilita sa tunda pag yabi hampay tiidan sida.