Istir 9:29 - Hanunuu

²⁹ Hampay lalu waya mapag-un kay surat ni Murdukyu angay sa Pista Purim, nanurat diman si Rayna Istir kay anak ni Abihail, tungkul siyun tapil sa kagustuhan kahim-ungan ag kahusayan tanan manga Hudiyu.

Istir 9:29 Iomraidhean Croise

Istir 2:15

Pagka sa ikasampulu yi pag bulan, ti bulan Tibit, katpung ikapitu pag timpu kay paghari ni Aswiru, rinmas-ug yi ti sirang pag-atubang ni Istir sa hari sa balay hari. Sinunud ni Istir kay bilin ni Hagay, ti takinan manug-alaga sa kanda sa ulian manga babayi. Isinulung niya ti rutay kay sinabi ni Hagay sulungan, tunda bay ngani pagbaya ag pagdayawun gid siya manga nakakit sa kanya, bag-u di siya dinara sa balay hari.

Istir 8:10

Ipinasurat ni Murdukyu sa panab-anan ngaran ni Hari Aswiru ag tinatakan singsing hari. Bag-u di, ipinadara sa panab-anan manga tagapagdara surat sakay sa marabaskug pag kabayu hari.

Istir 9:20

Isinurat ni Murdukyu ti tanan nangyari, ag nagpadara siya surat sa tanan Hudiyu una sa arani una sa ararayu pag manga purubinsiya sakup ni Hari Aswiru.

Istir 9:21

Sa inda pag surat, pagsabihun ni Murdukyu sa manga Hudiyu kailangan alalahanun nida ti ika-14 hanggan ti ika-15 pag sirang sa bulan Adar.

Istir 9:28

Inda pag duwa ka sirang kailangan alalahanun kada magtal-anakan Hudiyu sa kada linahi nida, sa tanan banwa hanggan purubinsiya. Danga inda pagkalimti ngatay pag-apasi una nida manga linahi.